Kati Nai 10:9 - Khumi Common Language Bible

⁹ Nangchi i pri y paleung ka-echi my tiu nai khala y, paleung ka-echi ai amtang iy tiu teang ai nai, hini bawchi eng iy tavai kachyh ai nai tla. Nangchi i Tameuh, Kai Areng ly nangchi ai sabawm ai i, paleung ka-echi kiu i nai atleu ai.

Kati Nai 10:9 ပူးပေါင်းရင်းမြစ်များ

ATITI AWM ANGCHEI NAI 8:1

Tameuh my paleaung pui theung y awm nai, Nova hawi amso mawichi ai pany jo nai ne; mymy ly ali aho hai i tui ly kang dudu bo.

2 NENG SATANG 13:12

Tameuh ly kaichi ai lu sa iy pahawi nai keung ne. Mymy i pathyp pi nai keungchi py kaichi tavai tiu ai nai bawchi eng iy, ka-ma-ra patei ai nai angveirym bo. Israela khumichi awi, nangchi i Areng Tameuh hawi acham nai tavai atiu u moh! Nangchi pajau y leang!” napi.

2 NENG SATANG 13:14

Juda chengchi ly nithun mang y khen alengli nai khala, mymychi ai katanmeuh nai niu nai deaungkho y, Areng teng y, “Sabawm kyh ba,” nanai aeu u. Pathyp pi nai keungchi ly bawchi eng u.

SAM 106:4

Aw Areng, nangmy i khumichi ai sabawm nai khala y, kai ai py pany ba; nichi ai atleu nai khala y kai ai py atleu rau ba.

SAM 106:42

Nichi ly paleung ka-echi my ana patang hai naira avum i, nichi i anui y awm ai nai tla bo.

SAM 136:23

Mymy ly achi sum nai khala y achi ai tami vui y leang; mymy i tamen nai ly deungtasarei ne.

ISAIA 18:3

Khaileaung pri y awm nai khumi bawibawichi awi, khaileaung salo y awm u nai khumi bawibawichi awi, tangai u! Mawi saleungra y pado ai nai ka-ma-ra tamkhawn ai khen angdeang u!

ISAIA 58:1

Areng my, “Baw katyn pajeng thai ryrei eng nai kamta aeu! Kai i khumichi teng y mychi i kamngo nai sai thui pi!

JEREMIA 4:19

Kai i paleung pathym no-ei na! kham pajau y na pa-rei no-ei na! Kai i paleung khri pa-rei ahyn thlyhthlyh na! Kasa them nai bo! Kai ly awm py thai y bo. Baw eng nai katyn hawi tavai tiu aeu nai raawichi py kathai bo.

JEREMIA 4:21

Kai ly tavai atiu nai ai mana tanrei kakra kaneu ai mo? Baw katyn mana tanrei thai veangveang ai mo?

JEREMIA 4:5

Juda pri verei y baw eng u! Raawi amchang iy tao pajeng parai naimy aeu u! Juda mipuichi hawi Jerusalem mary i khumichi ai amtangra marychi mang y angpreng ai nai thui pi u.

JEREMIA 49:2

Na i py kai ly Rabah mary i khumichi ai tavai atiu nai katynchi thai ai nai neng tym hai ai. Huni mary ly phra naimy huni i avangchi py mai y kang ai. Huna nai khala y Israela chengchi ly mychi i pri peang vui nai khumichi kiu i, pri nga u ali teang ai.

JEREMIA 6:1

Benjamin mipuichi awi, chymme naira mang y angpreng u! Jerusalem mary i nai theu u! Tekoa avang y baw eng u. Bethekarin avang y ka-ma-ra maiteaung to u. Ka-jeira hawi phra naira ly tosyh mang dengdairei ang tym ai.

JEREMIA 6:17

Baw eng iy pany hai nai katyn tangai ai nai Areng ly tamcheaungchi khai pi bo. Na i py nichi my, “Kaichi tangai ai nai ngai y,” napi u.

Ezekiela 7:14

Tavai atiu amteaung ai nai baw eng bo i, khumi bawibawichi ly angvei u rym bo. Na i py leaungrei py tavai thau u y. Ati mana nai mo na baly Tameuh i kado theu naira ly khumi luteng i tlang tleaung y tym ai nai deaungkho y ne.

HOSEA 5:8

Kibeah mary theung y baw eng u! Ramah mary theung y satang pei u! Bethavan mary y tavai thau nai aeu u! Benjamin cheng theaungchi awi, tavai thau u!

AMOS 3:6

Mary theung y tavai baw eng nai katyn thai baly, mary i khumichi ly jei hyn y nai awm na a? Areng my pajeng khala naini, mary theung y patang naira tym nai ny y a?

ZEPHANIAH 1:16

amtangra marychi, asang parai nai lengseaung yhmchi ai tiu nai, risachi i baw eng nai katynchi, aeu nai raawichi hawi amsau nanai kani ne.

Kati Nai 31:6

Naibaly Mosi ly pathyp pi nai keung Eleaza i chapo Phineha ai Israela tavaimi kamkawm ai lu sa hai bo. Ni hawi vanrei Tabynako i vui ateaung alangchi hawi, tavai pachyh nai bawchi py syn u bo.

I KORINTH 14:8

Baw ly sailang amny y naimy tyn baly tavai atiu ai nai ami angvei ai mo?

Leu Thui Nai 20:1

“Nangchi ly paleung ka-echi ai tiu naira y, nangchi tleaung y atho len nai ka-ri kamkawm, keaungngo kamkawm, tavaimi kamkawmchi hawi avum nai khala, nichi ai jei u moh. Nangchi ai Aikupta pri i dengdairei atleu nai keung Areng Tameuh ly nangchi hawi vanrei awm hai ai.

JOSUA 6:5

Naibaly pathyp pi nai keungchi ly baw raawi pajeng parai naimy tlenrei eng u ai nai tla. Huni baw katyn thai nai khumi bawibawichi ly tao pajeng parai naimy aeu u ai nai tla. Huna nai khala mary apai anawi ai i, tavaimi risa bawibawichi ly mychi awmra dengdairei, rai y nai my mary theung y kun ai nai nga u ai,” nanai leu pei bo.

TARA CHIH NAI KEUNGCHI 10:12

Sidon cheng, Amalek cheng hawi Meon chengchi ly nangchi ai ana nai khala, nangchi ly kai teng y vo hang naimy ahui u bo. Kaimy py huni khumichi kiu i nai, nangchi ai atleu pi nai ny y a?

TARA CHIH NAI KEUNGCHI 10:8

Nichi ly Jordan tavo nisi mang, Amori khu ka-peang Kilead pri y awm nai Israela chengchi ai, saneng holainyh ryrei ana u.

TARA CHIH NAI KEUNGCHI 2:18

Areng ly Israela chengchi ai lu sa nai keung leaungrei theu hai nai tleirei, Areng my huni lu sa nai keung ai sabawm nai deaungkho y, huni lu sa nai keung heng nai ryrei ly nichi ai paleung ka-echi teng i nai atleu pi. Areng ly nichi ai khri pa-rei pahen nai ne; ati mana nai mo nabaly nichi ly ngari kamtang hawi pahyp y naimy ana naira avum u iy, vo tangam u nai deaungkho y ne.

TARA CHIH NAI KEUNGCHI 3:27

Ni ly Ephraim mawi aheung y tym nai khala tavai thau ai nai baw eng i, Israela chengchi ly ni i nithun abang u iy, mawi aheungchi mang satla u kathiu bo.

TARA CHIH NAI KEUNGCHI 6:34

Areng i phailo ly Kideon teng y tym nai deaungkho y, ni ly Abieza nupai bawibawichi ai, mymy nithun abang u ai nai baw eng bo.

TARA CHIH NAI KEUNGCHI 6:9

Aikupta pri khumichi teng i nai py, hini pri y awm nai nangchi ai tiu nai khumichi teng i nai py, atleu pi bo. Nangchi theu u nai thym khala, nichi ai patheu pawn iy, nichi i pri ly nangchi teng y kang pei bo.

1 SAMUELA 10:18

Nichi teng y, “Israela chengchi i Areng Tameuh my thui nai ly ‘Nangchi ai Aikupta pri i dengdairei kaimy pahawi iy, nangchi ai ana kalikachi nai Aikupta khumichi hawi, takhra khumi bawibawichi teng i nai atleu bo.