Kati Nai 1:3 - Khumi Common Language Bible

³ Tavai thau pajau nai tleaungri ka-cheang saneng apomrei hawi apomrei leng neampacho bawibawi amyn la ai nai tla.

Kati Nai 1:3 ပူးပေါင်းရင်းမြစ်များ

2 SAMUELA 24:9

Nichi ly Israela pri y tavai thau pajau nai khumi leaung 800,000 rei hawi, Juda pri y leaung 500,000 rei awm, nanai samrang teng y amti pi bo.

1 NENG SATANG 5:18

Ruben, Kad hawi nisi mang Manase theaungchi theung y thailiho, haisau, khupui teaung kawp nai tavaimi risa leaung 44,760 rei awm.

2 NENG SATANG 25:5

Samrang Amazia ly Juda hawi Benjamin theaung bawibawichi teng y, mychi nupai kamkawm akachu iy, khumi leaung sangrei tavailu hawi leaung chungvairei tavai luchi khai pi bo. Huni risachi ly saneng apomrei hawi leng awm naichi ne i, bawibawi leaung 300,000 rei awm. Nichi ly tivi hawi khopuichi teaung kawp iy, tavai atiu ai nai angveirym nai hawi vawi patyp nai risachi ne.

THEU NAI 12:17

Huni pawi ly so u jojo; ati mana nai mo na baly nangchi ai Aikupta pri i dengdairei kang patheu nai kani ne; mo mang py hini kani y angbo abawi y nai pawi sa jojo ai nai tla.

THEU NAI 30:14

Saneng apomrei hawi saneng apomrei leng amyn la naira y kup nai khumichi ly kai teng y akeu pei ai nai tla.

THEU NAI 38:26

Huni tangka kaji ly khumi amyn la nai khala kup naichi i pei achu nai tangkachi ne. Saneng apomrei hawi saneng apomrei leng neampacho vuikanai ly 603,550 rei awm nai ne.

Kati Nai 14:29

Nangchi ly daichi ka-vym y my dei u ai, hini daichi ly nangchi i tapreaung lawm ai. Nangchi ly kai ai josei u nai deaungkho y, saneng apomrei bo i naichi ly ami py huni pri y kun ai ny y.

Kati Nai 26:2

“Israela cheng bawibawichi theung i saneng apomrei hawi apomrei leng awm iy, tavai thau pajau nai yhm dengtheung ka-thui ka-thui neampacho leila amyn lo achu,” napi.

Kati Nai 3:15

Levi theaungchi theung i lorei hawi, leng awm nai deaungdi neampacho ngiereichi ai, nupai hawi yhm dengtheung amyn la ai nai leu pei nai kamta,

Kati Nai 32:11

‘Nichi ly kai i leu tangai u y nai deaungkho y, Aikupta pri i theu naichi theung i saneng apomrei hawi leng, neampacho ami py Abraham, Isaka, Jakobchi teng y kaimy adeu nai pri y kun ai ny y,’ nanai tau iy leu pei yb bo.

Kati Nai 33:1

Mosi nini Aron my lu sa iy Israela chengchi ly Aikupta pri i dengdairei cheng theaung ka-thui ka-thui theu u i, nichi i khuleaung satang pany hai ai.

Kati Nai 4:3

saneng phairei hawi saneng vui pangrei sala, Areng i Tabynakora y kalop sa pajau nai neampacho bawibawichi ai amsi pajochi dengdai yhm dengtheung ka-thui ka-thui amyn la achu ai nai leu pei.

Leu Thui Nai 24:5

“Aju la ang vawi nai Neampacho ai tavai keung y palau moh, ati mo pri kalopra py so hai moh. Ni ly yhm y aju hawi amo theu parai naimy awm ai nai, huni kalopchi sanengrei so hai moh.

Leu Thui Nai 3:18

“Huna nai khala my, kai ly nichi teng y leu pei nai ly: ‘Achi i Areng Tameuh ly Jordan tavo nisi mang y awm nai hini pri nangchi ai peang hai bo. Vai nangchi i tavaimichi ai tavai ateaungchi amthyp hai. Takhra Israela theaungchi i vui khu ka-peang nga ai nai molam, kasabawm tavaimichi ai Jordan tavo angpeang hai man ai nai tla.