Kati Nai 1:1 - Khumi Common Language Bible

¹ Israela chengchi Aikupta pri i theu u nai pa-nyh saneng, pa-nyh lo angchei i kani y, Areng ly Sinai daichi ka-vym y awm nai Tabynako mang dengdairei Mosi teng y leu pei nai ly

Kati Nai 1:1 ပူးပေါင်းရင်းမြစ်များ

1 ARENG KEH 6:1

Israela chengchi Aikupta pri i dengdairei theu u nai saneng chungvai palyh pa-ngo vui tajarei awm nai khala y, Israela samrang Solomon ly samrang lyn nai palyh saneng, Zipha napi nai pa-nyh lo y Achura Yhm sa amtheaung bo.

THEU NAI 19:1

Israela chengchi ly Aikupta pri dengdairei theu u nai bo, pa-thom lo, angchei kani y Sinai daichi ka-vym y tym u bo. Nichi ly Rephidim meingtym i nai theu bi i, Sinai daichi ka-vym y tym u nai Sinai mawi kheutang y tai u bo.

THEU NAI 25:22

Hunira y kai ly nangchi hawi avum ai; kai ly kheruben nyhrei khym salo y awm iy, Israela chengchi teng y leu pei ai nai ngiereichi ly nang teng y kang thui pi ai.

THEU NAI 40:17

Nichi ly Aikupta pri i theu nai pa-nyh saneng, angchei lo, angchei i kani y Areng i Tabynako tahyh u bo.

THEU NAI 40:2

“Areng i Tabynako ly angchei i lo, angchei i kani y tahyh pi ai nai tla.

Levi 1:1

Areng ly mymy i awmra Tabynako theung mang dengdairei Mosi ai palau i,

Levi 27:34

Hini ly Areng my Sinai mawi salo y Mosi dengdairei, Israela chengchi teng y pei nai reitachi ne.

Kati Nai 1:18

pa-nyh lo i angchei kani y Israela cheng bawibawichi ai palau achu iy, nupai hawi yhm dengtheung ka-thui ka-thui amynchi la bo. Areng my leu pei nai kamta, saneng apomrei hawi apomrei leng khumi ka-cheang neampacho bawibawichi ai amyn la iy khai typ bo. Mosi ly Sinai daichi ka-vym y khumi amyn la nai ne.

Kati Nai 12:4

Areng ly vaimy Mosi, Aron hawi Miriamchi teng y, “Nangchi leaung thomrei theu u ly kai i awmra Tabynako mang y jeu u,” napi. Nichi ly chei u bo.

Kati Nai 9:1

Areng my Mosi teng y, Israela chengchi Aikupta pri i dengdairei theu u nai pa-nyh saneng, angchei i lo y, Sinai daichi ka-vymra thui pi nai leu ly

Leu Thui Nai 1:3

Israela chengchi ly Aikupta pri i dengdairei theu nai bo saneng vui palyhrei, lo holai harei, angchei i kani y Areng my mipuichi teng y leu pei nai ngierei Mosi my thui pi pateang nai ne.

Leu Thui Nai 2:14

Kadesa Barnea i dengdairei Zered tavo angpeang nai ryrei saneng 38rei kra nai ne. Areng my leu pei nai kamta, huni deung kangthau theung i tavaimi leilachi ly dei be bo.

Leu Thui Nai 2:7

“Nangchi i Areng Tameuh ly nangchi i sa nai ngierei ai mana amtheaung hai mo, nanai adawn u. Hini kau parai nai daichi ka-vym khuleaung lam jeungrei nangchi ai ang kry nai ne. Mymy ly nangchi hawi vanrei saneng vui palyhrei awm hai nai deaungkho y, nangchi i ngai nai cheaungkhangchi ang pei bo.