KALATIA 6:8 - Khumi Common Language Bible

⁸ Amymy i tlang mang y hei nai keung ly tlang i veaung naira pakym ai i, Phailo mang y hei nai keung ly Phailo mang i deungtasarei hengra pakym ai.

KALATIA 6:8 ပူးပေါင်းရင်းမြစ်များ

JOBA 4:8

Khumichi ly sa tamang nai li thawn iy, kamngo ti hei u nai kaniu. Vai i neng khala huni khumichi ly hawi y nai hawi sa tamang nai athaichi pakym u ai nai tla bo.

LEU KACHENG 11:18

Khumi hawi y naichi ly meitang khyp, ati sai py hawi naira avum ai ny y; na i py kateng sa reng nai khumichi ly meitang khyp, kawn vang nga u ai.

LEU KACHENG 22:8

Adyh adawi y nai ti hei nai khumi ly patang nai amti amjangchi pakym achu ai. Huna nai khala ni ly ami i tlang tleaung y ana nai sai anawn ai.

Parip nai leu 11:6

Nang i tichi ai ly khawn mang py, dym mang py hei ba; neng tlen nyhrei hei nai tichi ly prau nai hawi ai, nanai py, ti hei nai theung y mani ti hei nai ly prau ai mo, nanai py nang pany pajau y leang.

ISAIA 32:20

Amti amjangchi hawi keaungngo kano kasau, si paino sui tlairachi vui tui ka-leu nga nai deaungkho y, khumi bawibawichi ly amo theu u ai.

JEREMIA 12:13

Kai i khumichi ly choh pati teu i py, kabeng alengchi naini tyn u ai. Nichi ly khri pa-rei kalop sa u teu i py, ati sai py kamran by y. Kai i kado theu ala nai deaungkho y, nichi ly kaji ai hawi nai athai pakym u ai,” napi.

HOSEA 10:13

Na i py nangchi ly hawi y nai ti pati u iy, hawi y nai athaichi pakym u bo. Nangchi ly ka-chawi naimy hawi y nai athaichi cha u bo. “Nangchi ly nangmychi i tavai ka-richi hawi tavaimi kamkawm atho ai a-ym u nai deaungkho y,

HOSEA 8:7

Nichi ly ali ai hei nai khala, kamchai tyn u lawh ai! Li i chohpui chomaw myn y baly tako ngo pajau y. Huni lira i chohpui chomaw myn lawh tei u py pri takhrachi cha u ai.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MATTHAI 25:46

Naibaly hinichi ly deungtasarei pajeng naira y chei u vui ai: khumi kahawichi naini deungtasarei hengra y chei u vui ai,” napi.

LUKA 18:30

vai heng nai khala y my py huni tleaung y nawi keh nai hawi, neng tym ai nai deungtasarei hengra py ngo y ai nai ami py awm ai ny y,” napi.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

JOHAN 4:36

Hei nai keung hawi tyn nai keung py kawn ahawi thai ai nai, tyn nai keung ly vang nga i, deungtasarei hengra tym pa-rei awm ai nai athai pakym.

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

ROM AVANGCHI TENG Y PAWLA I CHA PA NAI 13:14

Areng Isu Krista ai phai amthyp u ly, nangchi i tlang i ngai phi teng y naira amcheang ai nai ati sai py so u moh.

ROM AVANGCHI TENG Y PAWLA I CHA PA NAI 6:13

nangchi i tlang kangpreichi py hawi y naira i hai lawn ai nai kamngo teng y pei u moh; na i py kadeichi theung i dengdairei heng teang nai kamta Tameuh teng y apei u ly, nangchi i tlang kangpreichi py hawi naira i hai lawn ai nai Tameuh teng y phai pei u.

ROM AVANGCHI TENG Y PAWLA I CHA PA NAI 6:23

Ati mana nai mo nabaly kamngo vang ly dei naira ne; na i py Tameuh i jawm pei nai ly achi i Areng Isu Krista i saho y deungtasarei heng naira ne.

ROM AVANGCHI TENG Y PAWLA I CHA PA NAI 8:11

Na i py Isu ai kadeichi theung i dengdairei pathau nai keung i Phailo ly nangmychi y awm baly, kadeichi theung i nai Krista Isu ai pathau nai keung my ly nangmychi y awm nai Phailo i saho y nangchi i tlang dei thai naichi ai ly ang paheng teang ai.

ROM AVANGCHI TENG Y PAWLA I CHA PA NAI 8:13

Nangchi ly tlang i reita y awm baly dei u takengkei ai nai tla; na i py nangchi ly Phailo y tlang i atiti sa naichi ai padei baly, heng u ai.

ROM AVANGCHI TENG Y PAWLA I CHA PA NAI 8:6

Tlang mang i atitichi ngai nai ly dei naira ne, Phailo mang i atitichi ngai nai naini heng naira hawi awmnem naira py ne;

I KORINTH 15:42

Kadeichi i angthau bi nai sai py huna nai kamta atawm teang, Veaung thai nai tiu nai awm; veaung thai y nai pathau nai awm;

KALATIA 6:7

Tapawp naira y awm u moh; Tameuh ai ly khen nau ai nai vuilam ny y leang; ami my hei nai ngierei ly huni ly bebe pakym ali teang ai.

I TIMOTHEI 1:16

naibaly vai i dengdairei deungtasarei hengra nga ai nai mymy ai ym naichi ai khen pata naira lawn ai nai, Isu Krista ly kai kamngo keh ai ang kham pi pajau nai sai kangym amteng hai thai ai nai pahen naira kanga bo.

TITA 3:7

hunaibaly achi ly mymy i pahenra deaungkho y eaung naira nga iy, deungtasarei hengra nga ai nai athang khai nai kamta ly yhmtheaung amtym nai keung y lawn thai ai.

JAKOB 3:18

Hawi naira athai ly aly naira sa nai keungchi i vui aly naira tiu nai ne.

II PETERA 2:12

Na i py hunichi, dawn pasym naira by y nai mawichi kamta patiu ai nai hawi tama hai ai nai tlang y tapen naichi ly ati sai py pany u y naira y thui tamawn iy, mymychi i phra naira y my tama u ai, kamngo vang py nga u takengkei ai;

II PETERA 2:19

nichi ai alaw hai naira adeu hai u lawh reng, na i py mymychi kypkyp ly phra naira i miseaungchi ne:ati mana nai mo nabaly khumi ai pajau naira ngierei ly huni khypkhyp ly mymy ai miseaung y palawn lawh reng nai ne.

JUDA 1:21

Phailo Kachai y chiu sa naimy deungtasarei hengra nga ai nai pa-rei achi i Areng Isu Krista i pahen naira ajeng nai tarawi y Tameuh i tamen naira y akry u.

AMTENG HAI NAI 22:11

Hawi y sa nai khumi ly hawi y nai so palai sy: chai y nai khumi ly chai y nai awm palai sy: khumi kahawi ly atiti kahawi so rai sy: khumi kachai ly chai nai awm rai sy.