KALATIA 6:14 - Khumi Common Language Bible

¹⁴ Na i py kai naini achi i Areng Isu Krista i kraws ai ny y baly kai i amlyh ai naira awm moh sy, huni i saho y ly khaileaung pri ly kai i vui tahen nai awm bo, kai py khaileaung pri i vui y tahen nai kaawm teang nai ne.

KALATIA 6:14 ပူးပေါင်းရင်းမြစ်များ

SAM 49:6

Nichi ly mychi i yhmtheaung katui ai a-ym nai khumichi, nang chawn naira y amlyh nai khumichi ne.

SAM 52:1

Sathai naira haiho awm nai khumi awi, ati mana nai amy i hawi y nai amlyh lawh mo? Tameuh i ka-ym awm nai ly deungtasarei ne.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

LUKA 20:16

Mymy ly jeu ai i, huni akho kry nai keungchi ai ly tama hai vui iy, kreip akho ly khumi takhrachi teng y au ai,” napi. Naibaly nichi ly huna nai thai iy, “Huna tanrei kaau ly tym moh sy,” napi.

ROM AVANGCHI TENG Y PAWLA I CHA PA NAI 1:16

Kai ly Satang Kahawi ai ly kakaji hai y leang; huni ly ami py ym nai ngierei i vui ly paheng ai naira lawn ai nai Tameuh i atiti sa thai naira ne; angchei y ly Judachi i vui ne, naibaly krikchi i vui py ne teang.

ROM AVANGCHI TENG Y PAWLA I CHA PA NAI 6:2

Ny y leang. Achi, kamngo mang y ly dei chum veng naichi ly kamngo naimy mana heng jo thai ai mo?

ROM AVANGCHI TENG Y PAWLA I CHA PA NAI 6:6

Hini ly achi pany, kamngo awm nai tlang ai ly tama hai thai iy, achi ly vai i dengdairei kamngo miseaung y awm y ai nai, achi i awm nai sai kangngym ly mymy teng y tahen nai awm teang bo.

I KORINTH 1:23

na i py achi ly kraws tleaung y tahen nai Krista i satang thui pi nai he; huni ly Judachi i vui ly atlym naira ne i,

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

I KORINTH 2:2

Ati mana nai mo nabaly Isu Krista hawi mymy ai kraws tleaung y tahen nai leu harei ny y baly, nangchi theung y ati sai py kang thui pi ai nai katau y ly.

I KORINTH 3:21

Huna nai y khumi deaungkho y ami py am-e moh sy.

II KORINTH 11:12

Hunaibaly nichi i amlyh naira y ly nichi ly kaimychi i awm nai kamta awm u thai ai nai, avo naira nga ai ngai naichi teng i dengdairei avo naira ka-teng baw ai nai, kai i sa reng nai ly kasa veangveang ai.

KALATIA 1:4

mymy ly achi i Tameuh hawi Ampo i kangai y vai dymkhawn i khaileaung pri kamngo parai naira theung i nai achi ai alaw hai thai ai nai, achi i kamngochi i jeng y mymy ly apei bo;

KALATIA 2:17

Na i py achi ly Krista y eaung naira nga naira y awm ai tau nai tarawi y achi kypkyp py khumi kamngo ne vui lawh baly, Krista ly khumi kamngo i kalop sa nai keung ne lawh a? Ny y leang.

KALATIA 2:19

Kai ly Tameuh mang y kaheng thai ai nai Reita deaungkho y Reita y kadei chum veng bo.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

KALATIA 3:21

Naibaly Reita ly Tameuh i leu adeu naichi ai ly paka nai sai a? Ny y leang; Reita y ang paheng thai nai ly ang pei chum makho baly, hawi naira ly Reita deaungkho y awm takengkei ai nai tla.

KALATIA 5:24

Naibaly Isu Krista i khumichi ly tlang hawi mymy i kamngo dawn naira hawi, ngai phi teng y naira hawi raurei tahen u veng bo.

PHILIPI 3:18

Ati mana nai mo nabaly khumi neangneangchi ly tako i,. hunichi ly Krista i kraws paleung ke-echi ne, nanai kaimy nichi i satang ly kang thui pi jojo chy bo, vai py vo nai tarawi y kang thui pi chy bo he;

PHILIPI 3:3

Achi, Tameuh i Phailo i saho y Tameuh ai chiu nai hawi Krista Isu ai amlyh nai, achi i tlang y ym naira den py by y naichi ly lengkhym takip naichi tatang ne lawh veng.

KOLOSA 2:20

Nangchi ly khaileaung pri i pakeungchi mang i nai Krista hawi dei u vui chum bo nabaly,