KALATIA 6:1 - Khumi Common Language Bible

¹ Amjo amnauchi awi, ami my kamngo ati py sa nai thym khala y theaugma nai awm khyly nangchi phailo mang y, asa naichi awi, “Kai py parawi naira avum teang lawh na,” nanai hawihai atyp u nai tarawi y huna nai khumi ai ly leu kanem chy y my angdo hai u.

KALATIA 6:1 ပူးပေါင်းရင်းမြစ်များ

2 SAMUELA 11:2

Kanirei nai khala y Davida ly kani thun y i nai anglaw i, samrang yhm amphu salo y lyn kalau iy aleaung nai thym khala y, neampachy leaungrei tui ahiu nai niu; huni neampachy ly khen nai mo-cha khri pa-rei hawi parai nai ne.

SAM 141:5

Khumi kahawi ly kai ai pahen parai naimy pajeng nai hawi parip nai leu thui ai; na i py khumi hawi y naichi i tahm pasang nai ly kai ngai y leang; ati mana nai mo nabaly huni khumichi i kamngo sa nai molam y, kai ly avawrei chiu sa naimy awm nai deaungkho y ne.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

MATTHAI 11:29

Kai i langvui apatli u ly, kai teng y amtiu u; kai ly paleung jypjyp nai hawi tahm apanem parai nai he: hunaibaly nangchi i phailo i vui anawn naira nga u ai.

MATTHAI 26:69

Naibaly Petera ly angam mang lyum y ateh nai ne; naibaly anglo leaungrei ly ni teng y chei iy, “Nang py kalili pri i khumi Isu teng y awm nai teang na a hi ly,” napi.

MATTHAI 26:75

Naibaly Petera ly Isu my, “A kheaung y rai kha y nang ly kai ai tlen thomrei apha ai,” napi nai leu ly adawn vau bi. Naibaly ni ly theu i khri pa-rei vo ryry.

MATTHAI 9:13

Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

ROM AVANGCHI TENG Y PAWLA I CHA PA NAI 14:1

Naibaly ym naira y ham y nai khumi ai ly mymy i ym thai y nai sai cheh y naimy kawn u.

ROM AVANGCHI TENG Y PAWLA I CHA PA NAI 15:1

Hunaibaly achi ham naichi ly amy i kawn naira hau y naimy, ham y naichi i ham y naira y ly achi my kham pi ai nai tla.

ROM AVANGCHI TENG Y PAWLA I CHA PA NAI 8:6

Tlang mang i atitichi ngai nai ly dei naira ne, Phailo mang i atitichi ngai nai naini heng naira hawi awmnem naira py ne;

I KORINTH 10:12

Hunai deaungkho y angdo, nanai adawm nai khumi ly amkym sy, ti y baly atlym lawh na.

I KORINTH 14:37

Ami py leu thui nai keung y mo, phailo mang y asa nai keung y mo apalawn baly, nangchi teng y kai i leu tajiu nai ly Areng my leu ang pei nai ne, nanai pany sy.

I KORINTH 2:15

Na i py phailo mang y asa nai khumi ly ati cheaungkhang dawn pasym i, ni ai ly ami py cheh thai y leang.

I KORINTH 3:1

Amjo amnauchi awi, kai ly phailo mang y asa nai khumichi teng y thui pi nai kamta ly nangchi teng y kang thui pi pajau y leang, tlang i kangai my peang naichi, Krista y deungdi chymplei naichi teng y thui pi nai kamta kang thui pi nai teu.

I KORINTH 4:21

Ati ngai u keh mo? Kai ly thengbeang hawi nangchi teng y kang jeu ai a? Ti y baly tamen naira hawi leu anui nai paleung apu naimy kang jeu ai a?

I KORINTH 7:5

Chiu sa ai nai apei hawi thai ai nai hawi, amkawm hawi bi thai ai nai, kra y nai sala chy i vui y avo na hawi mei nai ny y baly, apei y ai nai so moh, ti y baly amkym pajau y nai deaungkho y Setan my nangni ai parawi lawh na.

II KORINTH 10:1

Naibaly kai Pawla kypkyp, nangchi theung y awm khala ly nangchi i mei ka-niu y leu anui parai nai kaawm i, nangchi teng y awm y nai khala ly nangmychi ai vam nai ly, Krista i leu kanem hawi neaung hawi naira y kang takeng nai ne;

II KORINTH 2:7

hunaibaly pajeng ai nai tleaung y ly mymy ai pahen u iy, awm hai nem ai nai tla, ti y baly ati mo sa iy hunai kamta khumi ai ly paleung mawn ala naira my pajawn be lawh na.

II KORINTH 2:8

Hunai deaungkho y nangchi ly mymy mang y nangchi tamen naira khaw hai ai nai kang takeng.

KALATIA 5:23

hunai kamta aawi cheng y ai nai Reita leu pei nai ha py by y leang.

KALATIA 6:18

Amjo amnauchi awi, Areng Isu Krista i pahenra ly nangchi i phailo teng y awm sy. Amen.

I THESALONIKA 4:1

Hunaibaly amjo amnauchi awi, kangkhym i naira y ly nangchi i awm ai avo nai sai hawi, Tameuh ai kawn hai ai avo nai sai ly kaichi teng i dengdairei nga u nai kamta ly (ne mang ly nangchi ly hunai kamta awm nai bo) awm ra awm ra ai nai, kaichi ly Areng Isu y takeng nai kang pachei nai ne.

II THESALONIKA 3:15

Ne mang ly paleung ka-e kamta naini palawn u moh, amjo amnau kamta parip u.

II TIMOTHEI 2:25

hawi y sa naira y kham pajau nai, mymy i patiu nai leu ngai y naichi ai leu anui parai naimy nichi ai patiu lawh ai nai tla;

HEBRAI 12:13

naibaly kheu kangbai ly awi hai du y naimy hawihai thai ai nai nangchi i kheu i vui lam ka-dyh so u.

HEBRAI 13:3

Theaung y tla naichi hawi vanrei theaung y tla nai kamta nichi ai pany u jojo ly:nangchi py tlang y awm nai ne teang nai deaungkho y ngari patang naichi ai ly pany u jojo.

JAKOB 3:13

Nangchi theung y khumi kacheng hawi leu pany thai nai khumi ly ami mo? Mymy i amhi amtlau nai sai kahawi deaungkho y leu anui parai nai hawi cheng parai naimy mymy i atiti sa nairachi amteng hai sy.

JAKOB 3:2

Atiti neangneangra y achi bawibawi tamang reng. Ami py leu thui naira y tamang y baly huni khumi ly khumi ka-cheang, mymy i tlang py bomrei amkym pajau nai khumi ne.

I PETERA 3:15

na i py nangchi i paleung theung y Krista ai ly Areng y palawn u pathyp. Nangmychi i paleung theung y awm nai athang khai naira satang molam y ami py deng nai ngierei teng y pathang ai nai angvei u rym jojo; ne mang ly leu anui nai hawi, tahm khai nai tarawi y pathang:

I JOHAN 5:16

Ami py amy i amjo amnau ai ly dei ai nai pa-rei ny y nai kamngo sa nai niu i khyly, hnei pi ai nai tla, hunaibaly dei ai nai pa-rei ny y nai kamngo sa nai keung i vui ly hengra ang nga hai ai. Dei ai nai pa-rei kamngo nai awm; huni molam y ly hnei pi ai nai tla kana nai ny y leang.