KALATIA 5:22 - Khumi Common Language Bible

²² Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 5:22 ပူးပေါင်းရင်းမြစ်များ

SAM 1:3

Huni khumichi ly tavo peang y prau nai neng tym baly athai iy ngam ajawi vai y nai keungchi hawi atawm. Nichi ly sa naira tleirei y eaung jojo reng nai ne.

SAM 92:14

Huni dengkeaung keungchi ly keung reng teu i malawn py, athaichi athai iy apu parai naimy khaw jojo nai ne.

Parip nai leu 7:8

Ati mo sai sairei ai patem vui nai ly amteaung nai tleaung y hawi keh; paleung amnym nai ly amlyh am-e nai tleaung y hawikeh.

JEREMIA 33:6

Na i py kai ly mary hawi mary i khumichi ai hawi sa pi ai i, noso hawi u ali teang ai. Mary i khumichi ai tlamsa naira hawi chymme naira nga hai ai.

HOSEA 14:8

Israela khumichi ly mynchi hawi atakai u ai. Kai ly nichi i chiu sa nai tangai iy, nichi ai kry ai. Kai ly heng-yh jo nai keung kamta, nichi ai ama hai ai. Kai ly nichi i vui amtheaungra lem phraiphreaung pa-rei leaung naira lawm ai.

MATTHAI 12:33

“Dengkeaung ai ly kahawi palawn u makho baly athai py kahawi palawn ai nai tla; dengkeaung ai ly hawi y nai palawn u mako baly athai py hawi y nai palawn ai nai tla; ati mana nai mo nabaly dengkeaung ly athai y amny.

LUKA 13:9

kaimy keung ahawi y tai iy ei hawi bawn ai; hunai bo y athai baly hawi: athai y baly paliu teu ba,’ napi” nanai thui pi.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 15:2

Kai hawi amtawm iy athai y nai changpi ngierei ly mymy ly aphi ai; athai nai ngierei ly athai nawi tleaung nawira ai nai ang chai hai.

JOHAN 15:5

Kai ly kreip angjyn pakeung ne, nangchi ly changpi ne; ami py kaimy teng y awm jo iy, kai py mymy teng y awm jo nai ly huni kypkyp ly neangneang athai; nangchi ly kai hawi ny y baly ati sai py so thai y leang.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

ROM AVANGCHI TENG Y PAWLA I CHA PA NAI 15:14

Naibaly amjo amnauchi awi, nangchi i molam ly nangmychi kypkyp my hawi naira kawi iy, pany naira cheaungkhang awm i, nangmychi my apachei leungtang pajau, nanai kaimy kypkyp py kapany bo.

ROM AVANGCHI TENG Y PAWLA I CHA PA NAI 15:3

Krista py amy i kawn ai naira hau y leang: “Nangmy ai jo nai keungchi ai jo nai ly Kaimy i tlang tleaung y tla bo,” nanai tajiu nai kamta ne lawh veng.

ROM AVANGCHI TENG Y PAWLA I CHA PA NAI 15:30

Amjo amnauchi awi, kai ly Judai pri i ym y naichi teng y kachym me thai ai nai hawi, Jerusalem avang i vui sabawm naira kasyn nai ly khumi kachaichi i kawn parai naira ne thai ai nai hawi,

ROM AVANGCHI TENG Y PAWLA I CHA PA NAI 6:22

Na i py vai ly kamngora i nai ang law hai i, Tameuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deungtasarei hengra ne.

ROM AVANGCHI TENG Y PAWLA I CHA PA NAI 7:4

Hunai kamta teang amjo amnauchi awi, achi ly Tameuh mang y athai nga thai ai nai, nangchi ly khumi takhra, kadeichi theung i nai pathau chum veng nai keung hawi amtawm thai ai nai, Krista i tlang deaungkho y nangchi ai ly Reita molam y ang dei hai bo.

ROM AVANGCHI TENG Y PAWLA I CHA PA NAI 8:5

Tlang i reita y awm naichi ly tlang mang i atitichi ngai; Phailo i reita y awm naichi naini Phailo mang i atitichi ngai.

I KORINTH 13:13

Hunaibaly hini thomrei, ym naira hawi, athang khai naira hawi, tamen naira py awm jojo ai; naibaly hinichi theung y len keh nai ly tamen naira ne.

KALATIA 5:13

Amjo amnauchi awi, nangchi ai ly miseaung ny y ai nai ang palau u nai ne; na i py nangchi i miseaung ny y naira ly tlang i vui ka-vo teaung u reng moh ly, tamen naira y phai asabawm u leungtang.

EPHESI 4:23

nangchi i paleung phailo y ly kangtha awm u ly, naibaly khumi kangtha,

EPHESI 5:9

Areng i kawn nai ly ati mo, nanai cham iy, kangvang i chanauchi kamta tako u;

PHILIPI 1:11

Tameuh ai tahm pasang ai nai hawi palo ai nai py, Isu Krista i saho y hawi naira athai nai ly kawi nai awm u.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

II THESALONIKA 3:2

kaichi py Tameuh ai dawn y nai hawi kamngo sa nai khumichi teng i nai lawi naira nga thai ai nai, kaichi i vui chiu so pi u kyh:khumi bawibawichi ly ym naira awm bebe nai ny y leang.

I TIMOTHEI 3:11

Hunai kamta teang neampachychi py tahm khai ai nai khumi ne ai nai tla; seu rumrang nai khumi ny y naimy, amkym thai nai khumi hawi atiti cheaungkhangra y ka-ym awm nai khumi ne ai nai tla.

I TIMOTHEI 4:12

Nang i saneng nau nai sai ly ami my tahm khai y ai nai so moh: na i py nang ly leu thui naira y hawi, amhi amtlau naira y hawi, tamen naira y hawi, ym naira y hawi, chai naira y py ym naichi i vui y amtiu naira lawn ba.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;

I PETERA 5:12

Achi i amjo amnau ka-ym awm parai nai, athang kakhai nai Silvana i kiu y ly nangchi ai pachei ai nai hawi, huni ly Tameuh i pahenra tatang ne, nanai pany hai ai nai py nangchi teng y cha kadawi pe chy katajiu nai ne: hunira y ly kahawi angdo u.