KALATIA 5:17 - Khumi Common Language Bible

¹⁷ Tlang my ly Phailo ai tiu iy amymy ngaingai sa ai nai ngai: phailo py tlang ai tiu iy amymy ngaingai sa ai nai ngai; hunaibaly nangchi ly nangchi i atiti sa ai tau naichi ly so u thai y; hunini ly aawi hawi cheng vui veng.

KALATIA 5:17 ပူးပေါင်းရင်းမြစ်များ

ATITI AWM ANGCHEI NAI 6:3

Naibaly Areng my, “Kai ly khumichi ai heng sau hai y leang bo; nichi ly dei nai amjychi ne. Vai i dengdairei saneng 120 rei heng hai ai khyh bo,” napi.

SAM 119:133

Nang i adeu nai kamta, kai atlym y ai nai kry kyh ba; kamngo my ly kai ai peang moh sy.

SAM 119:159

Aw Areng, kai ly nang i reita leu pei naichi ai mana tanrei paleung apei mo, nanai pany pi kyh ba. nang i tamen nai ly takhra vai y nai deaungkho y, kai ai atleu kyh ba.

SAM 119:176

Kai ly tama nai beram kamta lam tamang bo; hunai deaungkho y jeu ly nang i miseaung kai ai hau kyh ba; kai ly nang i reita leu pei naichi ai tami y leang.

SAM 119:20

Kai ly nang i tara chih pi nai saichi ai neng tleirei, paleung theung y kadeaung naimy awm bo.

SAM 119:32

Nang ly kai ai cheng naira am-eaung hai ra nai ne i, kai ly leu pei naichi paleung ngai parai naimy tangai ai.

SAM 119:35

Kai ly nang i reita leu pei naichi tangai nai deaungkho y, huni reita leu pei naichi atyp pajau ai nai sabawm kyh ba.

SAM 119:40

Kai ly nang i reita leu pei naichi tangai ai nai khri pa-rei ngai; nang ly leu meitang ne nai deaungkho y, kai ai heng ai nai pei kyh ba.

SAM 130:3

Nang ly kaichi i kamngochi tajiu pi typ jo ai nabaly, kamngo pajengra i nai ami tleaung pajau ai mo?

SAM 65:3

Kaichi i tamang nairachi ly khri pa-rei nawi i py, nang ly kaichi i kamngo palawi pi nai ne.

Parip nai leu 7:20

Avawrei hawi naira sa iy hawi y nai pipi so vai y nai khumi, nanai ly khaileaung salo y leaungrei py by y.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

MATTHAI 12:30

Ami py kai mang y aso hai y nai ly kai ai tiu nai ne; ami py kai ai lo hai achu y nai ly ahei hai nai ne.

MATTHAI 16:17

Naibaly Isu my ni teng y, “Simon Bar-Jona, nang ly taham hawi mang: huni satang ly thi hawi ngan ly nang teng y amteng hai nai ny y leang, kani pri mang i Ngaai my amteng hai nai teu.

MATTHAI 16:23

Naibaly mymy ly hi iy Petera teng y, “Setan! Kai i nithun mang y anaw la; nang ly kai i vui atlym ai naira ne; nang ly Tameuh i atitichi dawn y nai ly, khumi i atitichi dawn lawh nai ne na a hi ly,” napi.

MATTHAI 26:41

Parawi naira y kun u y ai nai ajeng u rym paryp naimy chiu so u; phailo my ly angjeng i, tlang my ly ham y,” napi.

MATTHAI 5:6

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

LUKA 22:33

Naibaly ni my ly mymy teng y, “Areng, nang teng y ly theaung y hawi, dei naira y py chei teang ai nai kavam na a,” napi.

LUKA 22:46

“Ati mana nai i ngym lawh? Nangchi parawi naira y kun u y ai nai angthau u ly, chiu so u,” napi.

JOHAN 3:6

Tlang y tapen nai ly tlang ne: Phailo y tapen nai ly phailo ne.

ROM AVANGCHI TENG Y PAWLA I CHA PA NAI 8:13

Nangchi ly tlang i reita y awm baly dei u takengkei ai nai tla; na i py nangchi ly Phailo y tlang i atiti sa naichi ai padei baly, heng u ai.

KALATIA 3:21

Naibaly Reita ly Tameuh i leu adeu naichi ai ly paka nai sai a? Ny y leang; Reita y ang paheng thai nai ly ang pei chum makho baly, hawi naira ly Reita deaungkho y awm takengkei ai nai tla.

JAKOB 3:2

Atiti neangneangra y achi bawibawi tamang reng. Ami py leu thui naira y tamang y baly huni khumi ly khumi ka-cheang, mymy i tlang py bomrei amkym pajau nai khumi ne.