KALATIA 5:1 - Khumi Common Language Bible

¹ Krista my ly miseaung ny y ai nai ang patheu jau chy bo; hunaibaly khaw pa-rei angdo u ly, miseaung i langvui savan y ly atang u reng moh jau.

KALATIA 5:1 ပူးပေါင်းရင်းမြစ်များ

SAM 51:12

Nang i atleu naira deaungkho y, amo theu naira nga nai ly kai ai pei teang kyh jemjem ba; nang i leu pei nai tangai kawp ai nai pei kyh ba.

LEU KACHENG 23:23

Ka-ym leu, cheng naira, thui parip nai leu, tau cheng naichi ai ly tangka hawi van iy amtiu ba. Hunichi ly vang teng parai nai ne i, paisa tangka hawi angtheung pajau y.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

MATTHAI 23:4

Nichi ly myn ji parai nai pavei u iy, khumichi ai apu hai lawh, na i py nichi ly kiu pajeung kadeaung chy y py teaungdei ai ngai u y.

LUKA 5:38

Na i py kreip athai hang kangtha ly mawipeih adym kangtha y tleng ai nai tla.

AMTAW 15:10

Hunaibaly achi i amsi sangumchi hawi achi py patawm pajau y nai langvui savan ly abangnaichi i tlang tleaung y patli ai nai ati mana nai Tameuh ai cham u lawh a?

ROM AVANGCHI TENG Y PAWLA I CHA PA NAI 6:14

Kamngo naira my ly nangchi i tlang tleaung y aly peang ai nai ny y leang bo; ati mana nai mo nabaly nangchi ai ly Reita my peang nai ny y leang, pahenra my ang peang nai teu.

ROM AVANGCHI TENG Y PAWLA I CHA PA NAI 6:18

naibaly nangchi ly kamngo miseaung i nai law u i, hawi naira i miseaungchi lawn u bo; hunai deaungkho y Tameuh teng y kawn nai leu tym sy;

ROM AVANGCHI TENG Y PAWLA I CHA PA NAI 7:3

Hunaibaly mymy i juvo heng nai sala ryrei ly mymy ly neampacho takhra hawi apom baly, Pajang sa nai neampachy, nanai amyn pathi ai; na i py mymy i juvo dei baly mymy ly reita i dengdairei patlaw bo; hunaibaly mymy ly khumi takhra hawi apom iy py, pajang sa nai neampachy ny y leang bo.

ROM AVANGCHI TENG Y PAWLA I CHA PA NAI 7:6

Na i py cha tajiu nai kangngym kamta ny y naimy, phailo kangtha y atiti sa thai ai nai, achi ly vai ly ang patawn naira i nai dei chum iy, achi ai Reita i dengdairei ang patlaw bo.

ROM AVANGCHI TENG Y PAWLA I CHA PA NAI 8:15

Nangchi ly jei nai awm bi ai nai miseaung lawn ai nai phailo nga u bi nai ny y leang; na i py chanau lawn ai nai phailo nga u nai teu; achi ly huni deaungkho y Abba, Ngaai, nanai aeu reng.

ROM AVANGCHI TENG Y PAWLA I CHA PA NAI 8:2

Ati mana nai mo nabaly Krista Isu y heng naira phailo i reita my ly kamngo hawi dei naira reita i nai ly kai ai ang law hai veng bo.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

I KORINTH 16:13

Atyp u ly, ym naira y ly khaw pa-rei angdo u, vam u ly., ham parai naimy awm u.

I KORINTH 7:22

Miseaung y awm nai thym khala y Areng y palau nai ly Areng i miseaung alaw nai ne; hunai kamta khyp teang miseaung alaw nai thym khala y palau nai ly Krista i miseaung ne.

II KORINTH 11:20

Ami my nangchi ai miseaung ang palawn khyly, ang cho khrai khyly, miseaung y ang hawi khyly, amymy ai apalo khyly, nangchi i meimai y ang tabeang khyly nangchi ly kham pi reng.

II KORINTH 3:17

Naibaly Areng ly Phailo ne: naibaly Areng i Phailo awm naira ngierei y ly alaw naira awm.

KALATIA 2:4

huni ly tapawp nai amjo amnauchi ai kangviu y kun hai nai deaungkho y teu; hunichi ly kaichi ai miseaung ang palawn u thai ai nai kaichi i Krista Isu y tlamsa naira nga nai ly khen paryp ai nai kangviu y kun u bo.

KALATIA 3:25

Na i py vai ly ym naira tym nai bo y ly, achi ly pahawi nai keung i anui y awm y leang bo.

KALATIA 4:26

Na i py salo mang i Jerusalem naini miseaung ny y i, huni kypkyp ly achi i amhm ne.

KALATIA 4:31

Hunaibaly amjo amnauchi awi, achi ly miseaung nu i chanauchi ny y leang, miseaung nu ny y nai i chanauchi teu.

KALATIA 4:9

Na i py vai ly nangchi ly Tameuh ai pany u nai bo y ly--ny y leang, Tameuh my nangchi ai pany nai bo y ly--nangchi ly ham y nai hawi awm atyhtyh nai pakeungchi i miseaung y awm u bi ai nai ngai u nai ly, hunichi mang y ly nangchi ly ati mana nai ali u teang nai mo?

KALATIA 5:13

Amjo amnauchi awi, nangchi ai ly miseaung ny y ai nai ang palau u nai ne; na i py nangchi i miseaung ny y naira ly tlang i vui ka-vo teaung u reng moh ly, tamen naira y phai asabawm u leungtang.

EPHESI 6:14

Hunaibaly akeng y leu meitang akawm u nai, hawi naira tangta ang i khupui py adang u iy,

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

I THESALONIKA 3:8

Vai ly nangchi ly Areng y phai khaw pa-rei angdo baly kaichi ly heng nai bo.

II THESALONIKA 2:15

Hunaibaly amjo amnauchi awi, khaw pa-rei angdo u ly, leu thui nai deaungkho y mo, kaichi i cha pa nai deaungkho y mo, kaichi kang patiu nai leu taviu nai bawibawi ly patawm u cheng cheng.

HEBRAI 10:23

Hini achi i athang khai naira i ym nai leu amchyh y ai nai patawn u cheng sina; ati mana nai mo nabaly leu adeu nai keung ly ka-ym awm nai ne:

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.

HEBRAI 4:14

Hunaibaly kani mang y tako prei chum nai pathyp pi nai keung kalen keh nang parai nai, Isu, Tameuh i Chapo ai ly achi my nga nai deaungkho y, achi i ym nai leu patawm u cheng sina.

I PETERA 2:16

Nangchi ly alaw nai ne, na i py nangchi i alaw nai ly kamngo ai khiu naira y teaung y naimy, Tameuh i miseaung y awm nai kamta teaung u.

II PETERA 2:19

nichi ai alaw hai naira adeu hai u lawh reng, na i py mymychi kypkyp ly phra naira i miseaungchi ne:ati mana nai mo nabaly khumi ai pajau naira ngierei ly huni khypkhyp ly mymy ai miseaung y palawn lawh reng nai ne.

JUDA 1:3

Ngai parai naichi awi, achi ai paheng ahum nai satang ly nangchi teng y tajiu ai katau tanga nai thym khala y, khumi kachaichi teng y tlenrei au nai ym naira mang y atho sa patyp ai nai, nangchi ai pachei ai nai cha kang tajiu hai ai nai aly aeang, nanai kapany bo.

AMTENG HAI NAI 2:25

na i py kai kang jeu y ryrei ly nangchi i awm angchi nai ly patawm u cheng.

AMTENG HAI NAI 3:3

Nang i nga chum nai hawi thai chum nai py adawn vau ly; huni ai ly patawm jojo iy uikhei ly. Naibaly nang ly atyp y baly kai ly khumi kangviu kamta kang jeu ai, naibaly kai i kang tym ai nai neng nang pany ai ny y.