KALATIA 4:9 - Khumi Common Language Bible

⁹ Na i py vai ly nangchi ly Tameuh ai pany u nai bo y ly--ny y leang, Tameuh my nangchi ai pany nai bo y ly--nangchi ly ham y nai hawi awm atyhtyh nai pakeungchi i miseaung y awm u bi ai nai ngai u nai ly, hunichi mang y ly nangchi ly ati mana nai ali u teang nai mo?

KALATIA 4:9 ပူးပေါင်းရင်းမြစ်များ

1 ARENG KEH 8:43

nichi i hnei takeng nai ly tangai pi kyh ba. Nangmy i awm nai kani pri mang dengdairei tangai pi iy, ni i hnei nai kamta pathang pi kyh ba. Huna i naini, khaileaung pri y awm nai khumi bawibawichi ly nang i khumichi kamta, nang ai pany u iy jei kaji naimy tahm khai u ai. Hunaibaly nang i vui kaimy kang sa pi nai hini Achura Yhm ly chiu sa nai meingtym ne, nanai nichi pany u ai.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

SAM 1:6

Areng ly khumi kahawichi ai pahawi iy kry ai; na i py khumi hawi y naichi ly tama u ai.

SAM 9:10

Aw Areng, nang ai pany nai khumichi ly nang ai ym u ai; nang ly nangmy teng y ahihawi nai ngiereichi ai khai su y leang.

THEU NAI 33:17

Areng ly Mosi teng y, “Kai ly nang ai hawihai palai pany iy paleung kang no nai deaungkho y, nang i hnei nai kamta kang sa pi ai,” napi.

LEU KACHENG 2:5

Hina nai kamta sa baly nang ly Areng ai jei kaji ai nai sai pany ai i, Tameuh i satang pany pajau ai.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

HABAKKUK 2:14

Panglichi ly tui my kawi nai kamta, khaileaung py Areng i nang parai nai ai pany nai hawi kawi naimy awm ai.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

LUKA 5:38

Na i py kreip athai hang kangtha ly mawipeih adym kangtha y tleng ai nai tla.

JOHAN 10:14

Kai ly beram typ nai keung kahawi ne.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;

ROM AVANGCHI TENG Y PAWLA I CHA PA NAI 8:3

Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,

I KORINTH 13:12

Vai ly achi ly dengkhang apui y niu vuivai nai ne, na i py hunai khala y ly moatha ai; vai ly angym y nai kapany, na i py hunai khala y ly kai ai ang pany angym nai kamta kai py kapany angym ai.

I KORINTH 15:34

Hawi ai naira y anglaw u jau, kamngo so u moh; phyreichi ly Tameuh ai pany naira pipi by y he; hini ly nangchi ai kaji hai ai nai kang thui pi nai ne.

I KORINTH 8:3

na i py ami py Tameuh ai tamen baly mymy kypkyp ai ly ang pany.

II KORINTH 11:20

Ami my nangchi ai miseaung ang palawn khyly, ang cho khrai khyly, miseaung y ang hawi khyly, amymy ai apalo khyly, nangchi i meimai y ang tabeang khyly nangchi ly kham pi reng.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

KALATIA 3:3

Nangchi ly hina tanrei pathu u a? Phailo y amteaung u chum veng nai iy, tlang y angym u pajau ai a?

KALATIA 4:3

Hunai kamta ly achi py deungdi khala y ly khaileaung pri i pakeungchi i anui i miseaung y awm.

EPHESI 1:17

mymy ai pany naira y cheng nai hawi, hawihai pany nai phailo ang pei thai ai nai, kai i chiu sa naira y ly nangchi ai chiu sa hai iy, nangchi i tlang tleaung y kawn nai leu thui nai ly ka-nawn y leang;

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.

HEBRAI 7:18

Angchei i leu pei nai ly ham y nai hawi chawn y nai deaungkho y taphra nai ne;

II PETERA 2:20

Naibaly nichi ly Areng hawi Paheng Keung Isu Krista ai pany nai deaungkho y khaileaung pri i amnyng naira i nai angpreng vui nai bo y, hunira y ang tang u teang bi iy pajau nai awm makho baly, nichi i kangkhym i awm nai sai ly angchei i tleaung y ly hawi y kehkeh nai ne.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.