Naibaly Isu ly Judachi i achura yhm takhra takhra y leu patiu i Tameuh i peang nai Satang Kahawi thui pi iy, khumichi theung y no nai cheaungkhang man nai hawi, ham y naira cheaungkhang hawi sa pi nai Kalili pri bawibawi amki prei bo.
Ati mana nai mo nabaly nichi ly, “Mymy i cha pa naichi ly ji py ji, ho py ho; na i py mymy i mo ly tahm by y, mymy i leu katheu nai py kaneng by y,” napi.
Kai ly leu thui naira y kaneng by y iy py, pany naira y ly kai ly hunai kamta ny y leang; ne, ati cheaungkhangra y huni ly khumi bawibawichi theung y nangmychi mang y kaichi my amteng hai bo.
Ni ly ham y nai deaungkho y tahen naimy awm veng, na i py ni ly Tameuh i atiti sa thai naira deaungkho y heng nai ne. Kaichi py mymy y ly ham y nai ne, na i py nangmychi mang y Tameuh i atiti sa thai naira deaungkho y kaichi ly mymy teng y heng teang ai.
Nangchi ly Krista i pahen nai saho y ang palau nai keung teng i nai Satang Kahawi takhra mang y abi u praw vui nai ly kai ly rengrang tlai kana nai ne;
Amjo amnauchi awi, kaimy ka-tawm awm ai nai kang takeng, kai py nangmychi ka-tawm awm. Nangchi ly kai i tlang tleaung y hawi y nai ati sai py so u y leang.
Naibaly kai i tlang y nangchi i vui parawi naira awm nai ly nangchi ly tahm py panem u y, paso py paso u y; na i py nangchi ly kai ai Tameuh i kani pri i amtaw thau nai kamta hawi, Krista Isu ai kamta tanrei kawn u lawh nai ly.
Na i py kai nangchi teng y awm nai khala y khyh ny y naimy, hawi naira mang y ly mana khala py hawihai palai ang hau naimy awm jojo ai nai hawi chy bo.