KALATIA 3:8 - Khumi Common Language Bible

⁸ Naibaly Tameuh i cha-iu ly Tameuh ly ym naira deaungkho y Cheng Takhrachi ai ly eaung hai ai, nanai pany hai rym i, “Nangmy y ly cheng cheaungkhangchi ly amtheaung hai naira nga ai,” nanai Abraham teng y Satang Kahawi thui pi yb bo.

KALATIA 3:8 ပူးပေါင်းရင်းမြစ်များ

ATITI AWM ANGCHEI NAI 12:3

Nang ai amtheaung hai nai khumichi ai ly kaimy amtheaung hai ai, Na i py nang ai pasawi nai khumichi ai ly kaimy kapasawi teang ai. Naibaly nang i saho y khumi cheng cheaungkhangchi ly amtheaung naira nga u ai,” napi.

ATITI AWM ANGCHEI NAI 18:18

Mymy i kangpreangchi ly cheng kalen hawi sa thai naira awm nai khumi cheng lawm ai; ni deaungkho y cheng cheaungkhangchi ai kaimy amtheaung hai ai.

ATITI AWM ANGCHEI NAI 22:18

Nang ly kai i leu tangai nai saho y, nang i kangpreangchi ai amtheaung hai nai kamta, khaileaung pri y awm nai khumi cheng cheaungkhangchi my py, amtheaung naira nga ai nai kai teng y takeng u ai,” napi.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 28:14

Nang i kangpreangchi ly khaileaung salo y spryh kamta peung u ai. Nangchi i khu ka-peang ly tosyh tokalawi, nidym nisi tym pa-rei kau ai; kai ly nang hawi nang i kangpreangchi i saho y khaileaung pri y awm nai khumi bawibawichi ai amtheaung hai ai.

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

SAM 72:7

Samrang i deung y leu meitang adyh adawi naimy peang hai sy; lo my kangvang pei nai ryrei ly tlamsa naira awm sy.

ISAIA 6:13

Huni pri y khumi chungphy horei vi awm ai khyh na lawh teu i py, huni khumichi ly myh kang u ai nai ne. Huni khumichi ly paliu vui nai ngopraibiu keungchi i miukhiuchi hawi atawm ai,” napi. (Dengkeaung miukhiuchi ly Tameuh i khumichi deung kangtha amteaung nai sai pany hai nai ne.)

ISAIA 65:9

Juda chengchi ai amtheaung naira pei ai. Juda kangpreangchi ly mawi tleaung pri napi nai kai i pri amtym u ai. Kai i miseaung, kai i khumichi ly huni pri y awm iy amtym u ai.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

JOHAN 19:37

Naibaly Tameuh i cha-iu leu sai takhra ly, “Nichi i thun nai ai ly nichi ly khen ai,” nanai tajiu bi.

JOHAN 7:38

Ami py kai ai ym baly Tameuh i cha-iu y tajiu nai kamta tui kangheng tavochi ly ni i taku theung i leaung ai,” nanai aeu.

JOHAN 7:42

Krista ly Davida i kangpreangchi theung i nai, Davida i awm naira avang Bethlehem i nai theu ai nai tla, nanai Tameuh i cha-iu y tajiu nai ny y a?” napi.

AMTAW 2:35

Kai i lamtang mang y ateh, napi’ nanai na a.

ROM AVANGCHI TENG Y PAWLA I CHA PA NAI 9:17

Naibaly Tameuh i cha-iu ly Pharao teng y, “Nangmy y ly kai i sa thai naira kapatei thai ai nai hawi, khaileaung pri verei y kai i amyn amthang hai thai ai nai py nang ai kang khai yb khyp bo,” napi.

ROM AVANGCHI TENG Y PAWLA I CHA PA NAI 9:30

Tumbaly achi ly mana thui ai mo? Hawi naira hui y nai Cheng Takhrachi ly hawi naira ai kai nai bo, huni ly ym nai deaungkho y hawi naira ne.

KALATIA 3:16

Naibaly Abraham teng y hawi, mymy i kangpreangchi teng y py atiti leu adeu hai nai ne. Khumi neangneangchi i molam leu thui nai kamta, “Kangprengchi teng y py,” tapi y; na i py leaungrei molam leu thui nai kamta, “Nang i kangpreang teng y py,” napi nai ne lawh veng; huni ly Krista ne.

KALATIA 3:22

Na i py Isu Krista ai ym nai deaungkho y atiti adeu nai ly mymy ai ym nai keungchi teng y pei nai lawn thai ai nai, Tameuh i cha-iu ly kamngo i anui y ati cheaungkhang bebe kho hai veng.

KALATIA 4:30

Na i py Tameuh i cha-iu ly mana thui mo? Miseaung nu ai ly mymy i chapo hawi raurei patheu; miseaung nu i chapo ly miseaung nu ny y nai i chapo ai ly yhmtheaung amthym hai y ai, napi.

HEBRAI 4:2

Nichi teng y thui pi nai kamta ly achi teng y py satang kahawi thui pi nai ne khyp bo: na i py nichi ly tangai nai keung tatangchi hawi ym naira y amtawm y nai deaungkho y, nichi i thai nai leu ly nichi ai chawn hai y leang.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.