KALATIA 3:29 - Khumi Common Language Bible

²⁹ Krista y ly nangchi bawibawi bomrei lawn u bo. Naibaly nangchi ly Krista i ne u baly, nangchi ly Abraham i kangpreang, leu adeu nai kamta amtym ai nai keungchi ne u bo.

KALATIA 3:29 ပူးပေါင်းရင်းမြစ်များ

MATTHAI 3:9

nanai paleung theung y adawn u moh; Tameuh my hini lengseaungchi ai ly Abraham i kangpreang y angdo hai thai na a, kang napi.

ROM AVANGCHI TENG Y PAWLA I CHA PA NAI 8:17

naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tameuh i kamtym Krista hawi amtym ahawi nai keungchi ne.

I KORINTH 15:23

Na i py leaung leaungrei ly amymy i ka-thui ka-thui awm ai, Krista ly angthau man nai keung, huni bo y ang jeu bi nai kha y ly Krista i ngiereichi.

II KORINTH 10:7

Nangchi ly nangchi i mei ka-niu y atiti awm naichi ai khen u lawh nai ne. Ami py, Kai ly Krista i ne, nanai aym baly, hini ly amymy adawn bi sy: mymy ly Krista i ne nai kamta ly kaichi py ne teang he.

KALATIA 3:16

Naibaly Abraham teng y hawi, mymy i kangpreangchi teng y py atiti leu adeu hai nai ne. Khumi neangneangchi i molam leu thui nai kamta, “Kangprengchi teng y py,” tapi y; na i py leaungrei molam leu thui nai kamta, “Nang i kangpreang teng y py,” napi nai ne lawh veng; huni ly Krista ne.

KALATIA 3:18

Amtym ai nai ly Reita deaungkho y ne baly, leu adeu nai deaungkho y ny y leang bo; na i py leu adeu nai deaungkho y Tameuh my Abraham teng y pei nai ne.

KALATIA 3:28

Hunai ra y ly Juda khumi py Krik khumi py awm thai y leang, hunaira y ly miseaung py miseaung ny y nai py awm thai y leang, hunaira y ly neampachy py neampacho py awm thai y leang;

KALATIA 3:7

Hunaibaly pany u, ym naira y awm naichi ly, hunichi kypkyp ly Abraham i chanauchi ne.

KALATIA 4:1

Na i py kai ly hinai kana nai ne; Yhmtheaung amtym ai nai keung ly ati cheaungkhangchi i tlang tleaung y lu ne i py, deaungdi nai khala y ly miseaung hawi ati sai py takhra lawh y leang;

KALATIA 4:7

Hunaibaly nang ly vai i dengdairei ly miseaung ny y leang bo, chanau ne; naibaly nang ly chanau ne baly Tameuh i saho y nang ly yhmtheaung amtym ai nai keung ne.

KALATIA 5:24

Naibaly Isu Krista i khumichi ly tlang hawi mymy i kamngo dawn naira hawi, ngai phi teng y naira hawi raurei tahen u veng bo.

KALATIA 6:16

Naibaly huni i reita kamta tako nai ngiereichi hawi Tameuh i Israelachi i tlang tleaung y py awmnem naira hawi pahen naira py awm sy.

EPHESI 3:6

huni ly hini ne he, Satang Kahawi deaungkho y Krista Isu y ly Cheng Takhrachi ly yhmtheaung amtym ahawi nai hawi, tlang angprei ahawi nai hawi, leu adeu nai nga ahawi naichi ne.

TITA 3:7

hunaibaly achi ly mymy i pahenra deaungkho y eaung naira nga iy, deungtasarei hengra nga ai nai athang khai nai kamta ly yhmtheaung amtym nai keung y lawn thai ai.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

HEBRAI 11:18

Ne, leu adeu nairachi kawn parai naimy nga nai keung kypkyp teng y, “Isaka y ly nang i kangpreangchi ai amyn pathi ai,” napi nai, huni khumi ly mymy i chapo harei kalei khyh nai ai talam bo;

HEBRAI 11:7

Ym naira deaungkho y Nova ly atiti amteng y rai naira y Tameuh my tau pei i, Tameuh ai tahm khai iy dengtheungchi ai paheng ai nai paleaung sa bo; huni deaungkho y mymy ly khaileaung pri ai pasum iy, ym naira i saho y nga nai hawi naira ai amtym nai keung lawn bo.

HEBRAI 6:17

Hunaibaly Tameuh my leu adeu nai amtym naichi teng y ly mymy i sa tau nai pipi palai lawh thai y nai sai patei ai ngai nai, vaineng abeu kheng bo.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.