KALATIA 3:27 - Khumi Common Language Bible

²⁷ nangchi theung y Krista y baptisma nga nai ngiereichi ly Krista ai amthyp u bo.

KALATIA 3:27 ပူးပေါင်းရင်းမြစ်များ

JOBA 29:14

Kai ly hawi naira hawi, adyh adawi naira y atyp jojo.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

LUKA 15:22

Na i py ampo my ly mymy i miseaungchi teng y, ‘Kanih hawi keh nai lo kaliki ly, akhiu hai u; kiu pajeung y kiu sabyh hawi, kheu y phainai py pachu hai u,

AMTAW 16:15

Naibaly mymy hawi, my i dengtheaungchi hawi baptisma nga pajau nai kha y, “Kai ly Areng ai ym tatang, nanai nangchi athang khai baly, kai i yhm y ango u ba,” napi; naibaly mymy ly kaichi ai khrikhri pa-rei takeng i patawn bo.

AMTAW 2:38

Naibaly Petera ly nichi teng y, “Uikhei u ly, nangchi i kamngo pahen ai nai Isu Krista i amyn y baptisma ngo u bawibawi, hunaibaly Phailo kachai pei nai ly nangchi py ngai ai.

AMTAW 8:16

hu ti y rai khala y ly nichi theung y ami teng y py tym y rai; nichi ly Areng Isu i amyn y baptisma harei nga nai khyh rai.

AMTAW 9:18

Naibaly tlenrei khyh my mymy i mei i dengdairei ali ka-tawm tla praw i, mymy i mei ly angvang teang bo; naibaly mymy ly angthau iy baptisma nga bo.

ROM AVANGCHI TENG Y PAWLA I CHA PA NAI 13:14

Areng Isu Krista ai phai amthyp u ly, nangchi i tlang i ngai phi teng y naira amcheang ai nai ati sai py so u moh.

ROM AVANGCHI TENG Y PAWLA I CHA PA NAI 3:22

huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

I KORINTH 10:2

naibaly nichi bawibawi ly khupanym y hawi pangli y py Mosi teng y baptisma nga u bebe;

I KORINTH 12:13

Achi bawibawi ly Judachi mo Krikchi mo, miseaung mo miseaung ny y nai mo, tlang bomrei y awm ai nai achi ly Phailo harei y baptisma nga bawibawi i, Phailo harei y ang nei hai bawibawi teang.

EPHESI 4:24

leu meitang hawi naira hawi chai naira y py Tameuh kamta ang sa nai ly amthyp u, nanai he.

KOLOSA 3:10

huni khumi kangtha ai ly pany angym naira nga hai ai nai, ni ai sa nai keung atawm khyp nai kangtha sa hai dudu nai ne;

I PETERA 3:21

huni atawm hai nai baptisma ly Isu Krista i angthau bi nai deaungkho y vai ly nangchi ai paheng nai ne: huni ly tlang i anyng pachai nai ny y naimy, hawi nai hawi y nai pany naira kachai nga ai nai, Tameuh i mo y ahui nai ne lawh veng;