KALATIA 3:21 - Khumi Common Language Bible

²¹ Naibaly Reita ly Tameuh i leu adeu naichi ai ly paka nai sai a? Ny y leang; Reita y ang paheng thai nai ly ang pei chum makho baly, hawi naira ly Reita deaungkho y awm takengkei ai nai tla.

KALATIA 3:21 ပူးပေါင်းရင်းမြစ်များ

LUKA 20:16

Mymy ly jeu ai i, huni akho kry nai keungchi ai ly tama hai vui iy, kreip akho ly khumi takhrachi teng y au ai,” napi. Naibaly nichi ly huna nai thai iy, “Huna tanrei kaau ly tym moh sy,” napi.

ROM AVANGCHI TENG Y PAWLA I CHA PA NAI 3:31

Hunaibaly achi my Reita ly ati sai py ny y nai palawn lawh a? Ny y leang, achi ly Reita ai khaw hai nai teu.

ROM AVANGCHI TENG Y PAWLA I CHA PA NAI 3:4

Ny y leang; Tameuh ly meitang khyp ne sy ly, khumi bawibawi ly ka-chawi ne lawh sy; “Nang ly nang i leu thui naira y eaung thai iy, Nang ly tara chih naira y awm iy py, nang ly pajau thai ai nai,” nanai tajiu nai kamta.

ROM AVANGCHI TENG Y PAWLA I CHA PA NAI 3:6

Ny y leang; huna nai ne baly Tameuh ly khaileaung pri y mana nai tara chih ai mo?

ROM AVANGCHI TENG Y PAWLA I CHA PA NAI 9:31

Na i py hawi naira Reita ai hui nai Israelachi ly huni Reita ai kai pajau y leang bo.

II KORINTH 3:7

Na i py dei naira i kalop sa nai, lengseaung y cha mawih tajiu nai malawn py huna tanrei nang parai naira y tym iy, Israela kangpreangchi ly Mosi i meimai nang parai nai sai deaungkho y ni i meimai ai khen jo pajau y baly (huni nang parai nai sai ly tama ryh tama ryh nai ne),

KALATIA 2:17

Na i py achi ly Krista y eaung naira nga naira y awm ai tau nai tarawi y achi kypkyp py khumi kamngo ne vui lawh baly, Krista ly khumi kamngo i kalop sa nai keung ne lawh a? Ny y leang.

KALATIA 2:19

Kai ly Tameuh mang y kaheng thai ai nai Reita deaungkho y Reita y kadei chum veng bo.

KALATIA 2:21

Tameuh i pahenra ly kataphra y leang, Reita deaungkho y hawi naira awm lawn baly, Krista ly jawm dei atyhtyh nai tla bo.

KALATIA 6:14

Na i py kai naini achi i Areng Isu Krista i kraws ai ny y baly kai i amlyh ai naira awm moh sy, huni i saho y ly khaileaung pri ly kai i vui tahen nai awm bo, kai py khaileaung pri i vui y tahen nai kaawm teang nai ne.

HEBRAI 11:7

Ym naira deaungkho y Nova ly atiti amteng y rai naira y Tameuh my tau pei i, Tameuh ai tahm khai iy dengtheungchi ai paheng ai nai paleaung sa bo; huni deaungkho y mymy ly khaileaung pri ai pasum iy, ym naira i saho y nga nai hawi naira ai amtym nai keung lawn bo.

HEBRAI 7:18

Angchei i leu pei nai ly ham y nai hawi chawn y nai deaungkho y taphra nai ne;

HEBRAI 7:19

(Reita ly ati sai py angym hai y leang:) naibaly athang khai naira hawi kyh nai ai tym hai lawh nai ne, huni i saho y achi ly Tameuh teng y kasa jojo.