KALATIA 3:11 - Khumi Common Language Bible

¹¹ Naibaly ami py Tameuh i mei ka-niu y ly Reita deaungkho y eaung naira ngo y leang, nanai amteng angchi yb nai ne. Ati mana nai mo nabaly, “khumi kahawi ly ym naira y heng ai,’ nanai ne.

KALATIA 3:11 ပူးပေါင်းရင်းမြစ်များ

1 ARENG KEH 8:46

“Kamngo so y nai khumi leaungrei py by y leang. Hunai deaungkho y nang i khumichi ly nang i tlang tleaung y kamngo sa u ai. Huna nai khala nang ly kado theu ai i, nichi ai paleung ka-echi i kiu y sum hai iy, pri takhra mang y nichi ai hawi jo ai.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

JOBA 9:3

Khumi ly ati mana nai y mymy hawi a-ei pajau ai mo? Khumi ly mymy i deng nai leusai sangrei theung y harei py pathang pajau y leang.

SAM 143:2

Nang i miseaung kai hawi ka-jo ka-thui awm moh sy ba; nang i mo y kamngo chai nai leaungrei py by y.

SAM 19:12

Amimi py amy i tamang naichi ly niu pajau y; Aw Areng, amny pajau y nai kamngochira i nai, kai ai chai hai kyh ba!

Parip nai leu 7:20

Avawrei hawi naira sa iy hawi y nai pipi so vai y nai khumi, nanai ly khaileaung salo y leaungrei py by y.

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

HABAKKUK 2:4

Pany hai nai leu ly ‘khumi hawi y naichi ly heng pajau y leang; khumi kahawichi ly Tameuh ai ym nai deaungkho y heng u ai.’ ” napi.

ROM AVANGCHI TENG Y PAWLA I CHA PA NAI 1:17

Naibaly ym naira veang ryh veang ryh ai nai, hunira y ly Tameuh i hawi nai sai amteng hai nai ne; “Khumi kahawi ly ym naira y heng ai,” nanai tajiu nai kamta.

KALATIA 2:16

na i py Reita i atitichi sa nai deaungkho y ami my eaung naira ngo y leang, Isu Krista ai ym nai deaungkho y harei nga khyh, nanai achi py Reita i atitichi sa nai deaungkho y ny y i, Krista ai ym nai deaungkho y eaung naira nga thai ai nai, achi ly Krista Isu ai ym nai ne; khumi nanai ly Reita i atitichi sa nai deaungkho y eaung naira ha py ngo y leang.

HEBRAI 10:38

Na i py kai i khumi kahawi ly ym naira deaungkho y heng ai; Ni ly nithun mang y anaw baly Kai i paleung ly den py ni ai kawn y ai.”

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.

JAKOB 3:2

Atiti neangneangra y achi bawibawi tamang reng. Ami py leu thui naira y tamang y baly huni khumi ly khumi ka-cheang, mymy i tlang py bomrei amkym pajau nai khumi ne.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;