KALATIA 2:6 - Khumi Common Language Bible

⁶ Na i py khumi kalen y palawn naichi (mani mo khumi ka-tawn py ne sy, kai i vui y ati sai py ny y leang; Tameuh ly ami ai py patle takhra y), nichi khumi kalen kyh y palawn naichi teng i nai kai ati sai py panawi bi y leang, kang napi.

KALATIA 2:6 ပူးပေါင်းရင်းမြစ်များ

JOBA 34:19

Tameuh ly khumi cheng cheaungkhangchi ai sa nai ne i, samrangchi ai meimai khen patleh y. Khumi kanangchi ai khumi kamawnchi tleaung y meimai khen patleh y leang.

MATTHAI 22:16

Naibaly nichi ly mymychi teng y abangnaichi hawi, Heroda i kamkawmchi ai mymy teng y pato i hunichi my ly, “Sara awi, nang ly khumi meitang ne, Tameuh i lam y py leu meitang khyp naimy patiu iy, ami ai py meimai akhen y, nanai kaichi pany: ati mana nai mo nabaly nang ly ami ai py patle takhra lawh nai py by y.

MARKA 12:14

Hunaibaly nichi ly tym u i mymy teng y, “Sara awi, nang ly khumi meitang ne, nang ly ami ai py meimai akhen y, nanai kaichi pany: ati mana nai mo nabaly nang ly khumi ami ai py patle takhra lawh y naimy Tameuh i lam y py leu meitang khyp naimy patiu reng. Kaisara teng y akeu pei nai ly pei ngau a pei ngau y a?

LUKA 20:21

Nichi my ly mymy teng y, “Sara, nang ly leu meitang khyp naimy thui py thui, patiu py patiu, ami ai py patle takhra lawh y naimy, Tameuh i lam y py leu meitang khyp naimy patiu reng, nanai kaichi pany.

AMTAW 10:34

Naibaly Petera ly leu thui i, “Tameuh my ly khumi ai patle takhra y leang, nanai kai hawihai palai pany:

AMTAW 5:36

Hini ny y rai kha y py Theuda ly, Khumi kalen kai ly, nanai py awm; mymy teng y py khumi neangneang, chungvai palyhrei tahm mo amkawm; naibaly mymy ai ly padei i, ni i leu patawm nai ngiereichi ly ahei bebe, ati sai py ny y leang bo.

ROM AVANGCHI TENG Y PAWLA I CHA PA NAI 2:11

ati mana nai mo nabaly Tameuh ly khumi ai patle takhra nai by y leang.

II KORINTH 11:5

Kai ly huni amtaw thau nai len keh naichi ai ly atira y py pho y ai nai athang kakhai y.

II KORINTH 12:11

Kai ly pathu nai bo he: na i py nangchi my kai ai sa hai nai teu; kai ai ly nangmychi my palo ai nai chy bo; ati mana nai mo nabaly kai ly ati sai py ny y nai teu i py, ati mo ra y py huni amtaw thau nai len keh naichi ai kapho y nai ny y leang.

II KORINTH 5:16

Hunai deaungkho y kaichi ly vai i dengdairei tlang mang y ly ami ai py pany y; kaichi ly tlang y Krista ai ly pany chum teu iy py, vai ly mymy ai pany y leang bo.

KALATIA 2:2

Naibaly amteng hai naira deaungkho y kachei i, Cheng Takhrachi theung y Satang Kahawi ka-eu hai reng nai ly mymychi ai kathuipi; na i py khumi kalenchi ai ly mymychi my tlairei kathuipi takhra bo, ti y baly vai i nai py jangni i py jawm my kangpreang atyhtyh nai ne lawh na.

KALATIA 6:3

Khumi ly ati sai py ny y pui nai awm iy, khumi kalen amlawn baly, amy ai atapawp amang atyhtyh nai teu.

Leu Thui Nai 10:17

Nangchi i Areng Tameuh ly tameuh bawibawichi hawi areng bawibawichi tleaung y py len keh. Areng ly nang parai iy sa thai naira angym nai Tameuh, tahm khai iy jei kaji ai hawi nai Tameuh ne. Mymy ly khumi ai patleh takhra y i, un py cho y nai ne.

HEBRAI 13:17

Nangchi ai peang nai keungchi i leu tangai u ly, nichi i ngaingai awm u; ati mana nai mo nabaly nichi ly mymychi i sa nai sai thui pi cham ai nai tla nai keung kamta, nangchi i phailo ai ang typ pi nai ne; huni ly paleung mawn nai tarawi y ny y naimy, amo theu nai tarawi y so u sy; huni ny y baly nangchi i vui kamran by y leang bo.

HEBRAI 13:7

Nangchi ai kry nai, Tameuh i leu ang thui pi nai keungchi ai ly pany u jojo ly: nichi i awm nai reita y atiti theu naichi ly dawn iy, nichi i ym nai sai amtiu u.

I PETERA 1:17

Naibaly patle naira by y naimy, khumi leaung leaungrei i kalop sa nai kamta tara chih nai keung ai ly Ampo kamta palau u baly, hi y ni awm u nai sala y ly jei naimy awm u;