KALATIA 2:2 - Khumi Common Language Bible

² Naibaly amteng hai naira deaungkho y kachei i, Cheng Takhrachi theung y Satang Kahawi ka-eu hai reng nai ly mymychi ai kathuipi; na i py khumi kalenchi ai ly mymychi my tlairei kathuipi takhra bo, ti y baly vai i nai py jangni i py jawm my kangpreang atyhtyh nai ne lawh na.

KALATIA 2:2 ပူးပေါင်းရင်းမြစ်များ

Parip nai leu 10:1

Rimui hangra y pathau veu tla nai deaungkho y rimui hang ai kaveaung mui hai nai kamta, maidenreichy akhum nai ly khri pa-rei tau cheng naira ai phra hai pajau.

MATTHAI 10:16

“Khen cham, kasuichi theung y beram awm nai kamta kang pato nai bo he: hunaibaly pavui kamta cheng iy, buhu kamta hawi y naira so y naimy awm u.

AMTAW 15:12

Hunaibaly khumi mipui bawibawichi ly katheu y naimy Barnaba nini Pawla ai Tameuh my teaung iy cheng Takhrachi theung y ka-ma-rachi hawi atiti lyh ai awm naichi satang thui pi nai sala ryrei ly tangai u bo.

AMTAW 15:2

Hunaibaly Pawla nini Barnaba ly mymychi hawi khrikhri pa-rei aei ala nai aei y alam nanai hawi, aly ngang nai deaungkho y, Pawla nini Barnaba ai ly hinichi theung i amichi hawi mo huni leu khrukhra naira y Jerusalem i amtaw thau naichi hawi, miteaung kehchi teng y kalau ai nai khai rym bo.

AMTAW 15:4

Naibaly nichi ly Jerusalem y tym baly palau takhra kamkawm hawi, amtaw thau naichi hawi, miteaung kehchi py nichi ai kawn, naibaly Tameuh my mymychi ai teaung iy atiti sa nai bawibawichi ly thui pi.

AMTAW 18:9

Naibaly vum y Areng my Pawla teng y ly amang kamta amang i, “Jei moh, anawn y naimy leu thui jojo;

AMTAW 23:11

Naibaly huni vum y Areng ly Pawla i ahawi y angdo iy, “Ham parai naimy awm ly, Jerusalem y nang ly kai i leu pany hai nai kamta ly, Rom avang y py nang pany hai ai nai tla,” napi.

AMTAW 5:34

Na i py tara chih nai keungchi theung y amyn Kamaliela, Pharisai, Reita pany nai keung, khumi bawibawichi theung y amyn amthang parai nai leungrei ly angdo iy, nichi ai tanarei patheu ai nai leu pei.

ROM AVANGCHI TENG Y PAWLA I CHA PA NAI 9:16

Hunaibaly huni ly ami i ngai nai hawi angpreng nai deaungkho y ne y leang, pahen nai keung Tameuh deaungkho y teu.

I KORINTH 1:23

na i py achi ly kraws tleaung y tahen nai Krista i satang thui pi nai he; huni ly Judachi i vui ly atlym naira ne i,

I KORINTH 2:2

Ati mana nai mo nabaly Isu Krista hawi mymy ai kraws tleaung y tahen nai leu harei ny y baly, nangchi theung y ati sai py kang thui pi ai nai katau y ly.

I KORINTH 9:24

Angpreng acham naira y acham naichi bawibawi ly angpreng, na i py kawn nai vang ly leaungrei chy nga khyh, nanai ly nangchi pany y a? Nangchi nga thai ai nai hunai kamta khyp angpreng u.

I KORINTH 9:26

Hunaibaly kai ly amny amcha y nai angpreng nai ny y leang; kai i tapheu nai sai ly ali ai tapheu nai kamta ny y leang;

II KORINTH 12:1

Avo y i py kai ly kamlyh tanga ai nai tla: na i py Areng teng i dengdairei amteng hai naira hawi pany hai naira leu kathui patawm veangveang ai.

KALATIA 1:12

Khumi teng i dengdairei kanga nai ny y i, khumi my ang patiu nai py ny y leang, Isu Krista my amteng hai nai deaungkho y teu.

KALATIA 1:16

Cheng Takhrachi theung y ni i satang thui pi thai ai nai, ni i Chapo ai ly paleung hawi parai naimy kai ai amteng hai nai thym khala y ly tlang hawi thi hawi adeng kang y naimy,

KALATIA 1:6

Nangchi ly Krista i pahen nai saho y ang palau nai keung teng i nai Satang Kahawi takhra mang y abi u praw vui nai ly kai ly rengrang tlai kana nai ne;

KALATIA 2:6

Na i py khumi kalen y palawn naichi (mani mo khumi ka-tawn py ne sy, kai i vui y ati sai py ny y leang; Tameuh ly ami ai py patle takhra y), nichi khumi kalen kyh y palawn naichi teng i nai kai ati sai py panawi bi y leang, kang napi.

KALATIA 2:9

naibaly kai ai pahenra ang pei nai ly nichi ly pany u nai khala y, yhm mawm y palawn nai Jakob, Kipha, Johanchi ly, kaini ly Cheng Takhrachi teng y chei ai nai hawi, nichi ly lengkhym takip naichi teng y chei ai nai py Barnaba kaini ai vanrei adawi nai lamtang mang i kiu ang pei u lawh.

KALATIA 5:7

Nangchi ly hawihai palai angpreng u veng chy bo; nangchi ai ly leu meitang patawm y ai nai ami my ang paka mo?

PHILIPI 2:16

hunaibaly jawm my kangpreang atyhtyh nai ny y nai hawi, jawm my kasa akawm atyhtyh nai py ny y nai deaungkho y, Krista i kani y ly amlyh ai naira kanga thai ai.

PHILIPI 2:29

Hunaibaly nangchi ly mymy ai amo theu parai naimy kawn u ly, hinai kamta khumi ai ly tahm pasang u;

I THESALONIKA 3:5

Hunai deaungkho y kham pajau y nai kha y ly parawi nai keung my nangchi ai parawi vui lawh iy, achi i sa akawm nai ly jawm jawm sum lawh na, nanai nangchi i ym nai sai kapany thai ai nai kang pato nai ne.

II TIMOTHEI 4:7

Angpreng acham naira y atho kasa iy tem pa-rei kangpreang bo: ym naira ai ly katyp me chum veng bo.

HEBRAI 12:1

Hunaibaly angdeang nai keungchi my huna tanrei achi ai khupanym sau ana pa-rei ang taki nai deaungkho y, achi ai ateu hai yh nai ngierei hawi, amychi y abi cheng nai kamngo ly khai u veng teang sina;