KALATIA 2:16 - Khumi Common Language Bible

¹⁶ na i py Reita i atitichi sa nai deaungkho y ami my eaung naira ngo y leang, Isu Krista ai ym nai deaungkho y harei nga khyh, nanai achi py Reita i atitichi sa nai deaungkho y ny y i, Krista ai ym nai deaungkho y eaung naira nga thai ai nai, achi ly Krista Isu ai ym nai ne; khumi nanai ly Reita i atitichi sa nai deaungkho y eaung naira ha py ngo y leang.

KALATIA 2:16 ပူးပေါင်းရင်းမြစ်များ

JOBA 25:4

Tameuh i mo y mani khumi ly khumi kahawi hawi, khumi kachai lawm pajau ai mo?

JOBA 9:29

Huna nai kamta Tameuh ly kai ai kamngo awm nai khumi, nanai dawn veng nai deaungkho y, kai ly ati mana nai y paleung bi paleung mawn atyhtyh naimy awm ai mo?

SAM 143:2

Nang i miseaung kai hawi ka-jo ka-thui awm moh sy ba; nang i mo y kamngo chai nai leaungrei py by y.

JOHAN 20:31

na i py Isu ly Krista, Tameuh i Chapo ne, nanai nangchi ym ai nai hawi, nangchi ym iy mymy i amyn y hengra nga ai nai py hinichi tajiu nai ne.

AMTAW 4:12

Takhra ami teng y py pahengra by y leang, kani anui y khumi amyn pathi naichi theung y achi ai paheng ai nai amyn takhra ha py by y,” napi.

ROM AVANGCHI TENG Y PAWLA I CHA PA NAI 1:17

Naibaly ym naira veang ryh veang ryh ai nai, hunira y ly Tameuh i hawi nai sai amteng hai nai ne; “Khumi kahawi ly ym naira y heng ai,” nanai tajiu nai kamta.

ROM AVANGCHI TENG Y PAWLA I CHA PA NAI 3:30

Ne teang chy; lengkhym takip naichi ly ym y nai deaungkho y eaung hai ai nai keung hawi lengkhym takip y naichi ly ym u nai saho y eaung hai nai keung ly Tameuh harei khyh baly, mymy ly Cheng Takhrachi i Tameuh py ne teang chy.

ROM AVANGCHI TENG Y PAWLA I CHA PA NAI 4:2

Abraham ly atiti sa nai deaungkho y eaung naira nga nai baly, mymy ly amlyh ai naira awm: ne mang ly Tameuh mang y ly by y leang.

ROM AVANGCHI TENG Y PAWLA I CHA PA NAI 4:24

achi, Isu achi i Areng ai kadeichi theung i dengdairei pathau nai keung ai ym naichi i vui y palawn ai;

ROM AVANGCHI TENG Y PAWLA I CHA PA NAI 8:3

Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,

ROM AVANGCHI TENG Y PAWLA I CHA PA NAI 9:30

Tumbaly achi ly mana thui ai mo? Hawi naira hui y nai Cheng Takhrachi ly hawi naira ai kai nai bo, huni ly ym nai deaungkho y hawi naira ne.

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

KALATIA 4:5

Reita i anui y awm naichi ai ly atleu ai nai, Tameuh my mymy i Chapo ai, neampachy my tapen nai, Reita i anui y tapen iy pato bo.

KALATIA 5:4

Nangchi Reita y eaung ai nai tau nai keungchi awi, nangchi ly Krista hawi amprei u bo: nangchi ly pahenra ai ly atlym pi u veng bo.

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,

I PETERA 1:2

Bithunia pri y py ahei nai, leu tangai ai nai hawi Isu Krista i thi hei nai nga ai nai Phailo i khai takhra nai hawi, Ampo Tameuh i pany rym nai kamta vawi naichi teng y ly; Nangchi i tlang tleaung y pahenra hawi awmnem naira py peung hai dudu nai tym sy.

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

I JOHAN 1:7

na i py mymy ly kangvang y awm nai kamta achi py kangvang y tako baly, achi ly vanrei amkawm leungtang nai ne, naibaly mymy i Chapo Isu i thi my achi i kamngo bawibawi ang pachai pi.

AMTENG HAI NAI 7:14

Naibaly kai ly ni teng y, “Areng, nang ly pany bo,” kanapi. Naibaly mymy ly kai teng y, “Hinichi ly patang parai naira i dengdairei theu u naichi ne, nichi ly Beram Cho i thi y nichi i kanihchi pasiu iy, kaleung hai bo.

AMTENG HAI NAI 7:9

Huni bo y kai ly khen i khen cham, theaung cheaungkhangchi hawi, cheng cheaungkhangchi hawi, khumi cheaungkhangchi hawi, leu cheaungkhangchi theung i ami py kati pajau y nai khumi mipui ka-teng ny y naichi ai ly kanih kangleung akhiu nai, kiu y lymlo syn naimy areng atehra hawi Beram Cho i mo y angdo nai kaniu;’