KALATIA 1:7 - Khumi Common Language Bible

⁷ huni ly takhra ny y leang; nangmychi ai khrukhra hai nai, Krista i Satang Kahawi ai takhra hai ai ngai nai ami mo awm atyhtyh nai teu.

KALATIA 1:7 ပူးပေါင်းရင်းမြစ်များ

JEREMIA 23:26

Hini amochi ly mychi phym u nai leu ka-chawichi hawi, kai i khumichi ai mana tanrei lam tamang hai u ai rai mo?

JEREMIA 23:36

Hunai deaungkho y, ‘Areng i mynji,’ nanai nichi thui ai nai tlo y. Ati mana nai mo nabaly khumi leaungrei my huna nai thui lawh teu baly, kai i leu pei nai ai huna nai kamta thui nai keung ai ly mynji lawm hai angchi khyp ai. Khumichi ly mychi i Tameuh, ati cheaungkhang sa thai nai keung Areng, Tameuh kangheng i leuchi ai tamang hai piupa u bo.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

AMTAW 13:10

“Nang tapawp nai khumi hawi mei amcheu rawi nai cheaungkhang kawi nai keung, nang diabola i chapo nang hawi naira cheaungkhang ai paka nai keung awi, Areng i lam teng parai nai taphra nai ly nang anawn y ai a?

AMTAW 15:24

Achi i kamkawm theung i khumi amichi mo leu thui nai ang khrukhra hai i, nangchi ai paleung phra hai, nanai kaichi thai; kaichi ly nichi teng y ati sai py leu pei y leang.

AMTAW 20:30

Nangmychi theung i khumi kypkyp py abangnaichi ai nichi teng y abi hai ai nai thui thli nai awm ai mang.

II KORINTH 11:13

Huna nai khumi ly Krista i amtaw thau nai amlawn amang iy, amtaw thau nai tapawp naichi, tapawp nai kalop sa nai keungchi ne.

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

KALATIA 1:6

Nangchi ly Krista i pahen nai saho y ang palau nai keung teng i nai Satang Kahawi takhra mang y abi u praw vui nai ly kai ly rengrang tlai kana nai ne;

KALATIA 2:4

huni ly tapawp nai amjo amnauchi ai kangviu y kun hai nai deaungkho y teu; hunichi ly kaichi ai miseaung ang palawn u thai ai nai kaichi i Krista Isu y tlamsa naira nga nai ly khen paryp ai nai kangviu y kun u bo.

KALATIA 4:17

Nichi ly hawi ai naira mang y ny y pui naimy nangchi ai hawihai palai hau lawh; ne, nangchi ly mymychi ai hau u thai ai nai nichi ly nangchi ai angam mang y ang kho hai tawp ai ngai nai ne.

KALATIA 5:10

Nangchi i dawn nai ly takhra lawh y leang, nanai kai ly nangchi ai Areng y ly kang ym nai ne; na i py nangchi ai khrukhra hai nai keung ly ami py ne sy, mymy i tlang tleaung y leu atlym nai ly patang ai.

KALATIA 5:12

Nangchi ai khrukhra hai nai keungchi ly ataphra u tlam tlam i khyly kangai nai ne.

KALATIA 6:17

Vai i dengdairei ly ami py kai ai khrukhra hai reng moh sy; kai i tlang tleaung y ly Isu i ka-ma-rachi ka-pu nai bo.

II TIMOTHEI 2:18

nini ly “Angthau bi nai ly vai py ne palai veng bo,” na hawi iy, leu meitang lam ai ly tako hawi akawi veng i, phyreichi i ym naira ai ly atlym hai bo.

I JOHAN 2:26

Nangchi ai ang tapawp ai tau nai keungchi i satang ly nangchi teng y katajiu nai ne.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

II JOHAN 1:10

Ami py huni patiu nai leu y syn y naimy nangchi teng y ang jeu lawh baly, nangchi i yhm y ango hai moh ly, leu kahawi py pavum u moh;

II JOHAN 1:7

Isu Krista ly tlang y ang jeu, nanai thai hai y nai tapawp nai keung neangneangchi ly khaileaung pri y theu u bo. Hunai kamta khumi ly tapawp nai keung hawi Krista ai paka nai keung ne.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 13:14

Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.

AMTENG HAI NAI 2:2

Nang i atiti sa naichi hawi, sa akawm nai hawi, kham tanga nai sai hawi, khumi kamngochi ai kham pajau y nai sai py kapany: naibaly amtaw thau naichi ny y naimy, amtaw thau nai angam naichi ai cham iy nichi ly tapawp nai keungchi ne, nanai pany bo;

AMTENG HAI NAI 2:20

Na i py kai ly sai sairei nang i tlang tleaung y thui ai nai awm: nang ly huni neampachy Jezebeli, amo angam nai ai ly ngai lawh nai ne; ni ly kai i miseaungchi ai angai ai nai hawi, myn y chiu nai apathyp nai mawi cha ai nai py ang patiu iy tapawp reng.

AMTENG HAI NAI 2:6

Na i py hini ly nang i vui hawi naira ne; nang ly Nikolachi i atiti sa naichi ly niu ngai y, huni ly kai py niu ngai y teang.

AMTENG HAI NAI 20:3

naibaly saneng sangrei khei y ryrei ly cheng cheaungkhangchi ai tapawp bi y ai nai, ni ai ly angawm kalawi by y naira y ly aphi iy, kho i pajawp hai typ bo; huni bo y tanarei sala y ni ai theu hai ai nai tla.