KALATIA 1:6 - Khumi Common Language Bible

⁶ Nangchi ly Krista i pahen nai saho y ang palau nai keung teng i nai Satang Kahawi takhra mang y abi u praw vui nai ly kai ly rengrang tlai kana nai ne;

KALATIA 1:6 ပူးပေါင်းရင်းမြစ်များ

SAM 106:13

Na i py nichi ly mymy i sa nai saichi ai vaimy tami veng ryp chum baly, mymy i lam patei naichi ajeng y naimy sa u vui bo.

ISAIA 29:13

Areng my, “Hini khumichi ly kai ai labeaung mang ly kang chiu bo, nanai thui i py, nichi i leuchi ly ati sai py ny y. Nichi i paleung py meingtym takhra mang y apei vui nai ne. Nichi i reita ly khen y naimy thui kawp nai khumichi i tanyn hawi, reitachi naini lawm bo.

MARKA 6:6

Naibaly mymy ly nichi i ym y nai sai deaungkho y rengrang tlai, napi. Naibaly mymy ly leu patiu nai tarawi y avang tleirei y amki prei.

JOHAN 9:30

Naibaly huni khumi ly nichi teng y, “Huni na a, lyh ai awm nai ly, ma i nai theu nai mo, nanai nangchi pany y naimy, kai i mei angvang hai lawh nai ly.

AMTAW 15:11

Mymychi i kamta ly achi py Areng Isu i pahenra deaungkho y heng naira nga ai, nanai achi aym nai veng,” napi.

ROM AVANGCHI TENG Y PAWLA I CHA PA NAI 10:3

Nichi ly Tameuh i hawi naira pany y naimy, mymychi i hawi naira khaw hai ai nai tau iy, Tameuh i hawi naira y apei u y lawh.

ROM AVANGCHI TENG Y PAWLA I CHA PA NAI 5:2

mymy i saho y teang, achi i hini pahenra kakhaw angdo naira y ly ym naira deaungkho y kun bo; naibaly Tameuh i nang parai naira ai phy nga ai nai athang khai iy kawn u sina.

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

ROM AVANGCHI TENG Y PAWLA I CHA PA NAI 8:30

naibaly mymy i khai rym naichi ai ly ang palau teang; naibaly mymy i palau naichi ai ly ang eaung hai teang; naibaly mymy i eaung hai naichi ai ly ang palo teang.

I KORINTH 4:15

Nangchi ly Krista y patiu nai keungchi kati pajau y pa-rei awm iy py, nangchi ly ampo neangneang by y leang; kaimy Krista Isu y Satang Kahawi saho y kang tapen nai teu.

II KORINTH 11:4

Ami my ang jeu nai, kaichi my kang thui pi vai y nai Isu takhra ai ly ang thui pi iy, nangchi ly phailo takhra ngo u vai y nai hawi, Satang Kahawi takhra kawn u vai y nai kawn u lawh baly, nangchi ly mymy ai kham pi ai nai avo napi lo-oh?

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

KALATIA 1:11

Hunaibaly amjo amnauchi awi, kai i Satang Kahawi kang thui pi nai ly khumi i leu ny y leang, nanai nangchi ai kang pany hai nai ne.

KALATIA 1:15

Na i py nei i taku theung i dengdairei kai ai ang takhra hai nai hawi, ni i pahen nai deaungkho y kai ai ang palau nai keung Tameuh my ly,

KALATIA 1:7

huni ly takhra ny y leang; nangmychi ai khrukhra hai nai, Krista i Satang Kahawi ai takhra hai ai ngai nai ami mo awm atyhtyh nai teu.

KALATIA 2:14

Na i py nichi ly Satang Kahawi leu meitang kamta hawihai palai awm u y nanai kapany i, Kipha teng y nichi bawibawi i mo y, “Nang ly Juda khumi ne baly Judachi i awm nai kamta awm y naimy nang ly Cheng Takhrachi i awm nai kamta awm lawh nai ly, ati mana nai y Cheng Takhrachi ai ly Judachi i awm nai kamta nang ly awm hai akhikan lawh mo?” kanapi.

KALATIA 2:2

Naibaly amteng hai naira deaungkho y kachei i, Cheng Takhrachi theung y Satang Kahawi ka-eu hai reng nai ly mymychi ai kathuipi; na i py khumi kalenchi ai ly mymychi my tlairei kathuipi takhra bo, ti y baly vai i nai py jangni i py jawm my kangpreang atyhtyh nai ne lawh na.

KALATIA 2:5

Na i py Satang Kahawi leu meitang ly nangchi teng y awm jojo thai ai nai, kaichi ly tanarei chy py aau iy nichi i leu patawm y leang.

KALATIA 2:7

Huna nai tleaung y ly Petera ai lengkhym takip naichi teng y Satang Kahawi thui pi ai nai au nai kamta ly, lengkhym takip y naichi teng y Satang Kahawi thui pi ai nai ly kai teng y au veng bo.

KALATIA 5:14

Ati mana nai mo nabaly, “Nangmy ai atamen nai kamta ly nang i saleaungchi ai py tamen ai nai tla,” napi nai leu sairei naira y ly Reita bawibawi ly angym be veng bo.

KALATIA 5:4

Nangchi Reita y eaung ai nai tau nai keungchi awi, nangchi ly Krista hawi amprei u bo: nangchi ly pahenra ai ly atlym pi u veng bo.

II THESALONIKA 2:14

hunira y ly nangchi ly achi i Areng Isu Krista i nang parai naira nga thai ai nai, mymy ly kaichi i Satang Kahawi thui pi nai y nangchi ai ang palau.

I TIMOTHEI 1:14

naibaly achi Areng i pahenra hawi, Krista Isu y ym naira hawi tamen naira py khri pa-rei lem na bo.

I TIMOTHEI 1:3

Amichi ai mo ly patiu naira takhra ly den py patiu y ai nai hawi, leuchih rumrang hawi deung kamtawm satang temma pany y nai dawn y ai nai py (huni amjychi ly ym naira y awm nai Tameuh i patiu naira palo y naimy aei naira sa lawh veng),

II TIMOTHEI 1:9

mymy ly achi i atiti sa nai deaungkho y ny y naimy, mymy i khai rym nai hawi pahen nai kamta achi ai ang paheng iy, palau nai sai chai parai nai mang y ang palau; huni pahenra ly kani khaileaung palum y rai khala y my Krista Isu y ang pei nai bo:

II TIMOTHEI 2:1

Hunaibaly kai i chanau awi, nang ly Krista Isu y awm nai pahenra deaungkho y ham naira nga ryh nga ryh nai awm ba.

I PETERA 1:15

nangchi ai ang palau nai keung i chai nai kamta, nangchi py amhi amtlau u nai bawibawi ra y chai nai awm u;

II PETERA 1:3

Mymy i nang parai naira hawi, hawi naira saho y ang palau nai keung, mymy i satang pany nai deaungkho y mymy i Tameuh i atiti sa thai naira my heng naira hawi Tameuh ai dawn ryhryh nai lam y ly atiti bawibawi ang pei bo.

AMTENG HAI NAI 22:21

Areng Isu i pahenra ly khumi kachaichi teng y awm sy. Amen.