JUDA 1:20 - Khumi Common Language Bible

²⁰ Na i py ngai parai naichi awi, nangchi ly nangchi i ym naira chai parai nai ai akhaw hai iy

JUDA 1:20 ပူးပေါင်းရင်းမြစ်များ

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

AMTAW 15:9

naibaly achi hawi nichi hawi patle takhra y naimy, ym naira deaungkho y mymychi i paleung chai hai bo.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

AMTAW 6:7

Naibaly Tameuh i leu ly ahei ryh ahei ryh i, Jerusalem y py abangnaichi khrikhri pa-rei peung bo; pathyp pi nai keungchi i kamkawm theung y py neangneangchi ly ym naira patawm bo.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

ROM AVANGCHI TENG Y PAWLA I CHA PA NAI 15:2

Amy i saleaungchi ai khaw hai ai nai nichi i hawi naira hau iy, nichi ai kawn hai ai nai tau u bawibawi sina;

ROM AVANGCHI TENG Y PAWLA I CHA PA NAI 8:15

Nangchi ly jei nai awm bi ai nai miseaung lawn ai nai phailo nga u bi nai ny y leang; na i py chanau lawn ai nai phailo nga u nai teu; achi ly huni deaungkho y Abba, Ngaai, nanai aeu reng.

I KORINTH 1:8

ni ly achi i Areng Isu Krista i kani y ly nangchi cheh naira by y pa-rei awm ai nai nangchi ai tem khala y khrairei ang khaw hai ai mang.

I KORINTH 10:23

Ati cheaungkhang sa ngau; na i py ati cheaungkhang sa ai nai avo y leang. Ati cheaungkhang sa ngau, na i py ati cheaungkhang sa naira y khaw hai y leang.

I KORINTH 14:15

Tumbaly mana kasa ai mo? Phailo y chiu kasa ai i, pany thai naira y py chiu kasa teang ai; phailo y khulym kathui ai i, pany thai naira y py khulym kathui teang ai.

I KORINTH 14:26

Amjo amnauchi awi, tumbaly mana sa ai mo? Nangchi ly achu u nai khala y ly leaung leaungrei ly palo nai khulym mo, leu patiu nai mo, amteng hai nai leu mo, leu athai y nai mo, thui pi pachai nai leu mo awm u bawibawi veng.

KALATIA 4:6

Naibaly nangchi ly chanau ne u nai deaungkho y Tameuh my mymy i Chapo i Phailo ai ly Abba, Ngaai, nanai aeu naimy achi i paleung y ang pato bo.

EPHESI 4:12

khumi kachaichi ai angym hai ai nai hawi, kry nai kalop sa ai nai hawi,

EPHESI 4:16

Mymy i saho y tlang bomrei ly amtawm naira cheaungkhang sa nai deaungkho y adyh parai pa-rei myacha typ nai patawm achu iy, kangprei cheaungkhang my sa nai kamta, tlang ai ly tamen naira y amcheang ai nai veang hai nai ne.

EPHESI 4:29

Leu hawi y nai ly nangchi i labeaung y den py theu moh sy, tangai nai keungchi ai pahenra nga hai thai ai nai, aeang nai kamta khaw hai ai nai leu kahawi ngierei phai thui sy.

EPHESI 6:18

huni ly Tameuh i leu ne; chiu sa nai hawi atiti takeng nai cheaungkhangra y mani neng khala y py Phailo y chiu so u; hunira y ly khumi kachai bawibawichi i vui hawihai palai chiu sa pi nai patlaw y naimy atyp u.

KOLOSA 2:7

nangchi ai ang patiu nai kamta ym u naira y ly khaw parai pa-rei awm u.

I THESALONIKA 5:11

Hunai deaungkho y nangchi i sa reng nai kamta ly apachei u leungtang iy akhaw hai u.

I TIMOTHEI 1:4

nang ly nichi ai parip thai ai nai, kai ly Makedonia pri y chei nai khala y ly nang ai Ephesi avang y awm jo ai nai kang takeng nai kamta, vai py kang takeng jojo rai.

II TIMOTHEI 1:5

nangmy i paleung theung y awm nai ym naira tatang kapany jo: huni ly ngamsi Losi paleung theung y hawi, ngamhm Euniki i paleung theung y py awm man nai ne; naibaly vai py nang teng y awm teang, nanai kai pany khyp bo.

TITA 1:1

Pawla, Tameuh i miseaung hawi, Tameuh i vawi naichi i ym naira hawi, nichi i Tameuh ai dawn ryhryh nai leu meitang pany nai sai py angym hai ai nai Isu Krista i amtaw thau nai ne: naibaly deungtasarei hengra nga ai nai athang khai nai ly huni i sangum ne:

JAKOB 2:22

Ym naira ly atiti sa naira hawi sa abom, nanai nang pany bo, naibaly atiti sa naira awm nai deaungkho y ni i ym naira ly hawi angym bo:

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

I JOHAN 5:4

Tameuh i tapen nai ly khaileaung pri ai pajau jojo veng; khaileaung pri ai pajau iy eaung naira ly achi i ym naira ne.

JUDA 1:3

Ngai parai naichi awi, achi ai paheng ahum nai satang ly nangchi teng y tajiu ai katau tanga nai thym khala y, khumi kachaichi teng y tlenrei au nai ym naira mang y atho sa patyp ai nai, nangchi ai pachei ai nai cha kang tajiu hai ai nai aly aeang, nanai kapany bo.

AMTENG HAI NAI 13:10

Ami ai py miseaung y hawi ai nai tla baly miseaung y hawi takengkei ai: ami py haisau y khumi ai tleh baly ni ai ly haisau ai tleh teang takengkei ai. Hinira y ly khumi kachaichi i kham tanga naira hawi ym naira amteng hai nai ne.