JUDA 1:16 - Khumi Common Language Bible

¹⁶ Hunichi ly athui apreaung naichi, cheh nai keungchi ne, mymychi i ngai phi teng y nai kamta khyp naimy tako nai ne; nichi i labeaung py am-e parai nai leu kawi bo, atiti kamran cha ai nai khumichi ai patle takhra naichi ne.

JUDA 1:16 ပူးပေါင်းရင်းမြစ်များ

JOBA 32:21

Kai ly meimai akhen y naimy katheu ai. Ami ai py palo hawp nai leu katheu ai ny y.

JOBA 34:19

Tameuh ly khumi cheng cheaungkhangchi ai sa nai ne i, samrangchi ai meimai khen patleh y. Khumi kanangchi ai khumi kamawnchi tleaung y meimai khen patleh y leang.

SAM 106:25

Nichi ly mychi i Taichi theung y awm u naimy tangam u; Areng i leu tangai u y.

SAM 15:4

Nichi ly Tameuh my khai su nai khumichi ai paso i, Areng i leu tangai nai khumichi ai ly tahm khai iy palo reng; mana tanrei amy i vui sum naira tym lawh teu i py, amy i leu adeu nai kamta sa jojo reng.

SAM 17:10

Nichi ly pahen nai paleung by y naimy, amlyh am-e nai leu katheu u.

SAM 73:8

Nichi ly khumi takhrachi ai panui hai iy, chai y nairachi katheu u; paleung len iy khumi takhrachi ai ana pumpi ai nai dawn pasym u bo.

LEU KACHENG 28:21

Meimai khen nai ly hawi y. Na i py phyrei tara chih nai keungchi ly un langseaung maidenreichy nga ai nai molam, tau hawi y nai sa u nai ne.

ISAIA 29:24

Khumi ka-khumchi ly pany thai naira nga u ai. Tangam nai khumichi hawi paleung kyhchaw nai khumichi py, thui parip nai ai amo theu parai naimy tangai u ai.

Levi 19:15

Ka-jo kahmchi ai leu meitang naimy chih pi ai nai tla. Khumi kamawn ai patleh takhra moh; kanangchi ai ly meimai khen moh.

Kati Nai 14:36

Kanan pri khen pavui ai nai Mosi my pato nai khumichi ly teng y nai satang thui u nai deaungkho y thai nai khumichi ly Areng i tlang tleaung y josei u nai ne. Hunai deaungkho y Areng ly satang teng y nai thui nai khumichi ai no kanghawi y dei hai bo.

Kati Nai 16:11

Nang hawi nang i ka-bang bawibawichi my Aron ai josei u nai ly Areng ai tiu tatang nai teu bo,” napi.

Kati Nai 16:41

Kani pa-nyh y Israela cheng bawibawichi ly Mosi nini Aron ai, “Nangni ly Areng i khumi phyreichi ai padei hawi bo,” nanai josei u.

LUKA 15:2

Naibaly Pharisaichi hawi Reita patiu nai keungchi my ly. “Hini khumi ly khumi kamngochi ai kawn i, nichi teng y biu cha teang ly,” nanai jo sei u lenglang.

LUKA 19:7

Naibaly huna nai niu baly nichi bawibawi my, “Khumi kamngo teng y anga ai nai kun bo ho,” nanai josei u.

LUKA 5:30

Naibaly Pharisaichi hawi, nichi i Reita patiu nai keungchi ly abangnaichi i tlang tleaung y jo sei i, “Ati mana nai nangchi ly akeu cheaung nai keungchi hawi, kamngochi teng y nei cha lawh mo?” napi.

JOHAN 6:41

Hunaibaly mymy ly, “Kani pri mang i dengdairei satla kathiu nai tako ly kai ne,” napi nai deaungkho y Judachi ly mymy ai preaung i,

JOHAN 6:61

Hunaibaly abangnaichi my huni leu y preaung, nanai Isu ly mymy i paleung y pany i nichi teng y, “Nangchi ly hini leu y paleung hawi u y lawh kha?

I KORINTH 10:10

Naibaly nichi theung i nai phyreichi ly preaung iy, tama hai nai keung my tama hai nai kamta ly preaung u moh.

KALATIA 5:16

Hunaibaly kai ly kang napi; Phailo y tako u, hunaibaly nangchi ly tlang i ngai phi teng y nai patawm u y ai.

KALATIA 5:24

Naibaly Isu Krista i khumichi ly tlang hawi mymy i kamngo dawn naira hawi, ngai phi teng y naira hawi raurei tahen u veng bo.

Leu Thui Nai 1:27

Nangmychi tengtawi tangam naimy, ‘Areng ly achi ai niu ngai y nai deaungkho y Amori chengchi i kiu y achi ai dei hai ai nai Aikupta pri i dengdairei ang pahawi nai bo, nanai josei u pangau lawh.

PHILIPI 2:14

Padeng ai by y nai hawi, avo y naira abawi y nai py, vai i kangthau paleung akawi nai hawi taphra naichi theung y Tameuh i chanau cheh naira by y naichi lawn u thai ai nai,

I THESALONIKA 4:5

leaung leaungrei ly chai naira y hawi tahm khai naimy amy i tlang ai ly apako u bawibawi sy;

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.

II TIMOTHEI 4:3

Patiu nai kateng dawn u ngai y nai neng tym ai; nichi i kano patha parai nai deaungkho y mymychi i ngai phi teng y naira ngai nai kamta, patiu nai keung neangneangchi ai mymychi teng y pakheng achu ai;

I PETERA 1:14

Leu tangai nai chanauchi kamta ly, nangchi i pany y nai thym khala i jangni y nangchi i tlang i ngai phi teng y nai kamta awm u moh;

I PETERA 2:11

Ngai parai naichi awi, nangchi ly khuleaung chei naichi hawi angvynchi ne nai deaungkho y, phailo ai tiu reng nai tlang i ngai phi teng y nairachi ai ly anawn veng ai nai kang takeng;

I PETERA 4:2

hunaibaly vai i dengdairei nangchi ly tlang mang y awm nai sala ryrei ly khumi i ngai phi teng y naira y ny y naimy, Tameuh i ngai naira y awm u ai bo.

II PETERA 2:10

tlang i ngai phi teng y nai chai y naira mang y asa nai hawi, aly peang naira tahm khai y naichi ai khai ai nai pany nai tleaung y ang pany ra nai ne. Nichi ly khri pa-rei vam iy mymychi i ngai nai harei dawn khyh i, nang parai nai keungchi ai thui tamawn ai nai kaso theu u vai y:

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

JUDA 1:15

Tameuh ai tahm khai y nai bawibawichi i tahm khai y nai sala y Tameuh ai dawndan y nai sa naira bawibawi lam y hawi, Tameuh ai tahm khai y nai kamngo sa nai keungchi i mymy i tlang tleaung y leu kasi thui nai bawibawi lam y py pasum ai nai, Areng my ly mymy i tep rep ma pany y nai khumi kachaichi hawi ang jeu nai bo,” napi.

JUDA 1:18

Mymychi ly nangchi teng y, “Kani kangkhym y ly panui hai nai keungchi ly mymychi i Tameuh ai tahm khai y nai ngai phi teng y nai kamta tako nai awm u ai,” napi.