JOSUA 6:20 - Khumi Common Language Bible

²⁰ Naibaly pathyp pi nai keungchi my baw eng phai eng baly, khumi bawibawichi ly tao pajeng parai pa-rei aeu u i, mary apaichi anawi seaungkhrang na bo. Israela cheng bawibawichi ly mary theung y rai y naimy kun u i, mary ai vym vui bo.

JOSUA 6:20 ပူးပေါင်းရင်းမြစ်များ

2 NENG SATANG 13:15

Juda chengchi ly Abijah my lu sa i, athorei my aeu iy tiu u nai ne. Huna nai khala Israela chengchi ly Juda chengchi teng i nai preang u bo.

ZEPHANIAH 1:16

amtangra marychi, asang parai nai lengseaung yhmchi ai tiu nai, risachi i baw eng nai katynchi, aeu nai raawichi hawi amsau nanai kani ne.

HEBRAI 11:30

Ym naira deaungkho y Jeriko avang i apai ly kani saryhrei taki u nai bo y ly anawi veng bo.

JOSUA 6:5

Naibaly pathyp pi nai keungchi ly baw raawi pajeng parai naimy tlenrei eng u ai nai tla. Huni baw katyn thai nai khumi bawibawichi ly tao pajeng parai naimy aeu u ai nai tla. Huna nai khala mary apai anawi ai i, tavaimi risa bawibawichi ly mychi awmra dengdairei, rai y nai my mary theung y kun ai nai nga u ai,” nanai leu pei bo.

1 SAMUELA 4:5

Leu Maikawm Pawm tym nai khala y Israela chengchi ly amo theu nai deaungkho y, khaileaung amchyh na pa-rei aeu u bo.