JONA 1:2 - Khumi Common Language Bible

² Mymy ly “Nang ly Ninevi mary pui y chei iy, pany hai ba. Huni mary i khumichi ly khri pa-rei aso y, nanai kai pany,” napi.

JONA 1:2 ပူးပေါင်းရင်းမြစ်များ

ATITI AWM ANGCHEI NAI 10:11

Ni ly huni pri dengdairei Asuria pri mang y chei iy, Ninevi mary, Rehobo Ire mary hawi Kalah marychi napi nai mary kalenchi ai py,

2 ARENG KEH 19:36

Huna nai khala Asuria empara samrang Sennakheri ly tavai anaw teang iy, Ninevi mary mang y ali u bo.

2 NENG SATANG 28:9

Oded napi nai Areng i amo ly Samari mary y awm nai ne. Ni ly tavai keung i vawi nai Israela tavaimi kamkawm ai mary apai katheu pa-khora lawh i, ni my, “Nangchi amsi pajochi i Areng Tameuh ly Juda khumichi ai kado theu nai deaungkho y, nichi ai nangchi my tiu ai nai pei nai ne. Na i py nangchi ly kado theu nai apatawn pajau y i, tamyh u lawh bo.

EZARA 9:6

Kai ly “Aw Tameuh, kaichi i kamngo ly kaichi i lu um nanai pa-rei nawi na bo. Huni kamngochi ly kani mang y angteu na bo.

ISAIA 37:37

Huna nai khala Asuria empara samrang Senakheri ly tavai athawn iy Ninevi mary y vawi u ali teang nai ne.

ISAIA 58:1

Areng my, “Baw katyn pajeng thai ryrei eng nai kamta aeu! Kai i khumichi teng y mychi i kamngo nai sai thui pi!

JEREMIA 20:9

Na i py, “Kai ly Areng ai katami veng ai; mymy i amyn y leu kathui y leang bo,” nanai kai, kathui nai khala, nang i leu ly kai i paleung theung y mai kamta angveaung iy, kai ly huni leu ai paleung theung y pateung me ai nai atho kasa teu i py, pakymme pajau y bo.

Ezekiela 2:7

Nichi tangai i py ne sy, tangai y i py ne sy, kai i leu pei nai ngiereichi thui pi ai nai tla. Nichi ly atiu ham, nanai pany jo ba.

HOSEA 7:2

Kai ly nichi i sa tamang naichi kapany pi jo, nanai nichi py u y. Nichi i kamngochi ly mychi ai taki teungtareung iy, kai i mo y huni kamngochi ly amteng nai ne,” napi.

JONA 3:2

“Angthau ly Ninevi mary pui mang y chei; kai i leu pei nai kamta mary i khumichi teng y pany hai,” nanai tlen pa-nyh leu pei bi nai ne.

JONA 3:3

Hunai deaungkho y Jona ly Areng i leu pei nai tangai iy, Ninevi mary y chei bo. Ninevi mary ly khri pa-rei len i, mary kakau tako prei baly kani thomrei ateng nai ne.

JONA 4:11

Hunai kamta ly hawi nai, hawi y nai khawilang thai y nai khumi 120,000 rei chang y naichi hawi, tawnbawi neangneang awm nai Ninevi mary ai, kai ly pasai keh ai nai avo na a!,” napi.

MIKHA 3:8

Na i py kai ly Israela chengchi teng y mymychi i sa tamang naichi pany hai ai nai Areng i phailo sa thai naira, leu meitang naimy tara chih pajau nai haiho hawi sorai paleung kawi angym bo.

NAHUM 1:1

Hini ly Ninevi mary molam y pany hai nai ne i, Elakosa avang i Nahum my paleung mei y niu nai satangchi ne.

NAHUM 3:19

Nang i angvawi i vui asi by y. Nang i tamo kalemchi ai py hawi pa-rei so thai y. Nang i phra nai satang thai nai khumi bawibawichi ly amo theu naimy kiu tabeang u bo. Amimi py, pata pajau y na pa-rei nang i ana pumpi nai sai avum y nai ha py by y.

MATTHAI 10:18

Ne, mymychi hawi Cheng Takhrachi ai pany hai ai naira lawn ai nai, kaimy deaungkho y nangchi ai miteaung kehchi hawi samrangchi i mo y ang hawi ai.

MATTHAI 12:41

Ninevi avang i khumichi ly tara chih nai neng khala y ly vai deung i kangthauchi hawi vanrei angdo ai i, nichi ai sum hai ai; ati mana nai mo nabaly Jona my leu thui nai deaungkho y nichi ly uikhei u veng bo; naibaly khen cham, Jona tleaung y len keh nai ly hi y awm na a.

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.

AMTENG HAI NAI 18:5

ati mana nai mo nabaly mymy i kamngo nairachi ly kani pri angteu vi na i, Tameuh my ni i atiti hawi y sa naichi ly pany pi be bo.