JOHAN 13:20 - Khumi Common Language Bible

²⁰ Meitang khypkhyp kang thui pi, ami py kai i pato nai ai kawn nai ngierei ly kai ai kawn nai bo:amipy kai ai kawn nai ly kai ai pato nai keung ai py kawn nai bo,” napi.

JOHAN 13:20 ပူးပေါင်းရင်းမြစ်များ

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

MARKA 9:37

“Ami py kai i amyn deaungkho y hinai kamta deaungdichy leaungrei ai py kawn nai ngierei ly kaimy ai kawn nai bo; ami py kai ai kawn nai ngierei ly kai ai kawn nai ny y leang, kai ai pato nai keung ai kawn nai bo,” napi.

LUKA 10:16

“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.

LUKA 9:48

“Ami py kai i amyn deaungkho y hini deaungdichy ai kawn nai ngierei ly kaimy ai kawn nai bo; ami py kai ai kawn nai ngierei ly kai ai pato nai keung ai kawn nai bo; nangchi bawibawi tleaung y theang keh nai ly huni ly len keh,” napi.

KALATIA 4:14

Naibaly kai i tlang y nangchi i vui parawi naira awm nai ly nangchi ly tahm py panem u y, paso py paso u y; na i py nangchi ly kai ai Tameuh i kani pri i amtaw thau nai kamta hawi, Krista Isu ai kamta tanrei kawn u lawh nai ly.

KOLOSA 2:6

Hunai deaungkho y nangchi ly Areng Krista Isu ai kawn u nai kamta ly, mymy y tangjyn pala nai hawi adyh kalau ryhryh nai awm iy,

I THESALONIKA 4:8

Hunai deaungkho y hini leu tahm khai y nai khumi ly khumi ai tahm khai y nai ny y i, nangchi teng y Phailo Kachai ai ang pei nai Tameuh ai tahm khai y nai teu.