JOELA 3:5 - Khumi Common Language Bible

⁵ Nangchi ly kai i muku, tangka, yhmtheaung katuichi ai, nangmychi i achura yhmchi mang y syn u bo.

JOELA 3:5 ပူးပေါင်းရင်းမြစ်များ

2 ARENG KEH 12:18

Juda samrang Joasa ly mymy ny y rai khala i peang nai samrang Jehoshapha, samrang Jehoram hawi samrang Ahaziachi my, Areng teng y talam nai katalamrachi hawi my i talam nai katalamrachi py, Achura yhm hawi samrang yhm i awm nai mukuchi py la iy, langseaung palawn i, samrang Hazaela teng y pei nai ne. Huna nai khala Hazaela ly my i tavaimichi ai Jerusalem mary i nai anaw hai vui bo.

2 ARENG KEH 16:8

Naibaly Ahaz ly Achura yhm hawi samrang yhm vang kateng khaira i muku, tangkachi la iy, empara samrang teng y langseaung palawn nai talam pi bo.

2 ARENG KEH 24:13

Achura yhm hawi samrang yhm theung i, vang kateng bawibawichi ai Babulon pri mang y syn pawn nai ne. Areng my thui pi yb nai kamta, Nebukhadnezar ly Achura yhm y teaung ai nai samrang Solomon i sa nai, muku ateaung bawibawichi ai kheaung pawn bo.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

JEREMIA 23:7

Areng my, “Khumichi my kai ai ly Israela khumichi ai Aikupta pri i dengdairei pahawi nai keung Tameuh kangheng ne, nanai mana khala py vaineng abeu u y nai neng tym ai.

JEREMIA 50:28

(Babulon pri i dengdairei law tleaung nai tavai kamtangchi ly Jerusalem mary y tym u iy, mymy i Achura yhm ai Babulon khumichi my taphra nai molam y, achi i Areng Tameuh ly nichi ai ati mana vawitheung tha mo, nanai thui pi u bo.)

JEREMIA 51:11

Areng ly Babulon mary y taphra ai nai tau nai deaungkho y, Media samrangchi ai kachyh nai ne. Huna nai kamta Areng ly mymy i Achura yhm taphra vui nai molam y vawitheung tha ai. Atiu thym nai tavaimi kamkawm miteaung kehchi my,” Nangchi i thailiho chynchi pasui u! Khopuichi py angvei u!

Ezekiela 37:12

Hunai deaungkho y kai i khumi Israela chengchi teng y amo leu thui pi; Sa thai naira angym nai kai, Areng ly nichi i tapreaungchi paeaung pi pawn ai, nanai thui pi. Kai ly nichi ai patheaung chum baly Israela pri y hawi ali teang ai.

DANIELA 11:38

Huni tameuhchi i jeng y ni ly amtangra meingtymchi ai kry nai tameuh ai palo ai. My i amsi pajochi my, mana khala py chiu vai y nai tameuh teng y muku, tangka, lengseaung vang katengchi hawi, takhra vang kateng langseaung katalamrachi talam ai.

OBADIA 1:17

“Na i py Zion mawi salo y tleaung nai khumi phyrei awm ai; hini mawi ly meingtym kachai lawm ai. Jakob i kangpreangchi ly mymychi i vui amtym ai nai nga ai. Pri amtym ai nai nga u ai.