JOELA 3:18 - Khumi Common Language Bible

¹⁸ Huni neng khala mawichi ly kreip akhochi hawi kawi na ai. Mawi aheungchira py sichi tlai nai niu ai. Juda pri verei y tui hawihai palai nga u ai. Tavo micheaung tui ly Areng i Achura yhm mang dengdairei leaung ai i, Akasia leaunghawi ai am-i hai ai.

JOELA 3:18 ပူးပေါင်းရင်းမြစ်များ

JOBA 29:6

Kai i sichi, mi-ichi teng i kanu hang neangneang nga; kai i Olive keungchi ly lengseaung nawi nai meingtymra y malawn py, prau nai ne.

SAM 46:4

Tameuh i mary pui napi nai tahm asang parai nai Tameuh i yhm y amo theu hai nai tavo awm.

THEU NAI 3:8

Aikupta chengchi kiu i nai nichi ai atleu chum baly, huni pri i nai kapahawi iy paitiu khuta hawi nai, meingtym kau parai nai pri mang y pahawi ai nai kang jeu kathiu bo. Huni pri ly khaileaung hawi iy teicha teinei neangneang awm. Huni pri y Kanan cheng, Hiti cheng, Amori cheng, Perizi cheng, Hevit chengchi awm u nai ne.

ISAIA 30:25

Nangchi ly paleung ka-echi i amtangrachi taphra vui iy, nichi ai padei pawn nai khala y, mawi hawi mawi aheung awm nai tleireira i micheaung tuichi ly leaung kathiu ai.

ISAIA 35:6

Kheu kangbaichi ly achaw u ai; leu ka-achi py amo theu naimy aeu u ai. Daichi ka-vymra y tuino achawn iy, micheaung tui leaung ai.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 45:8

Kai ly kanitui kamta, kani mang i dengdairei, eaung naira pala pi ai. Huni ai khaileaung ly am-eaung iy, tlamsa naira hawi adyh adawi naira, napi nai athaichi theu ai. Kai, Areng ly hini atitichi tym hai ai.

ISAIA 55:1

Areng my, “Tui ahai nai khumi bawibawichi awi, jeu u; hi y tui awm! Paisa tangka by y nai khumichi awi jeu u ly, choh van iy cho u! Kanu tui hawi kreip hang vang u! nangchi ati sai py vang tlo y leang!

ISAIA 66:11

Nangchi ly amhm i paleung tleaung y awm nai deaungdicho kamta, paleung anyp naimy Jerusalem mary i nang chawn naira amtym u ai.

JEREMIA 31:12

Nichi ly jeu iy Zion mawi salo y amo theu nai khulym thui u ai. Kai i amtheaung naira kapei pi nai choh, kreip hang, olive asitui, beramchochi hawi si, painochi molam y amo theu u ai. Nichi ly tui hawihai palai nga nai akhobai kamta ne iy, mo mang y mana khala py paleung bi u ai ny y.

MIKHA 6:5

Kai i khumichi awi, Moba samrang Balak my, nangchi phra tleaung phra ra ai nai mana dawn mo, nanai py, Bera i chapo Balam my samrang teng y ati mana thui pi mo, nanai py, pany u jo. Akasia taira i dengdairei, Kilakala mary mang chei nai lam y avum nai leaungsaichi pany u jo baly, Areng ly nangchi ai ati mana atleu pi mo, nanai nangchi pany u ai,” napi.

ZEKHARIAH 14:8

Huni neng kani ang tym nai khala y, Jerusalem mary i dengdairei micheaung tuichi leaung ai. Huni tui ka-hyhrei nai ly pangli kadei theung y, takhra ka-hyhrei nai ly Mrethe pangli theung y saneng jeungrei, kaseih y py, kanipui y py, leaung jo ai.

Kati Nai 25:1

Israela chengchi ly Akasia leaunghawira tai u nai thym khala, neampachochi ly huni meingtym y awm yb nai Moba neampachychi hawi tamang u nai ne.