JOELA 3:11 - Khumi Common Language Bible

¹¹ Tengpang sahawi y awm nai khumi cheng cheaungkhangchi awi, jeu u kaliki iy, leaunghawira y angym u,’ napi. Aw Areng, huni khumichi ai tiu ai nai nang i tavaimi kamkawm ai pato ba.

JOELA 3:11 ပူးပေါင်းရင်းမြစ်များ

SAM 103:20

Sa thai naira haiho len parai iy, mymy i leu pei naichi sa patawm nai, mymy i leu tangai nai kani pri amtaw thauchi awi, Areng ai palo u!

ISAIA 10:34

Atu thengreung theung i dengkeaung keungchi ly atiu mareng tamo hawi aheng nai kamta, Lebanon daichi theung i vang teng keh nai dengkeaung keungchi aheng pawn nai kamta, nichi ai Areng my atlym hai ai.

ISAIA 13:3

Areng ly mymy i kado theu hai nai khumichi i tlang tleaung y pajeng ai nai molam, mymy ka-ym awm iy tahm khai nai tavaimi kahawichi ai palau nai ne.

ISAIA 37:36

Huni vum y Areng i kani pri amtaw thau ly Asuria tavaimichi taira y chei iy tavaimi risa leaung 185,000 reichi ai padei pawn bo. Khawn khutawi sum khala ly huni khumi bawibawichi dei be nai ne.

JOELA 3:2

Khumi cheng cheaungkhangchi ai angym hai teang iy tara chih nai leaunghawi mang y pahawi ai. Kai i khumichi ai nichi my sa nai molam y huni meingtym y nichi ai, kaimy tara chih ai. Nichi ly Israela chengchi ai, pri takhra mang y ahei hai i, kai i pri Israela ai ahei hai akyhkyh nai ne.

MIKHA 4:12

Na i py Areng i dawn yb nai ly mana mo, nanai huni prichi ly pany u y. Choh ati ai nai talangra y kachu nai kamta, mymy ly nichi ai pajeng ai nai pangym achu hai nai nichi pany u y.

ZEPHANIAH 3:8

Areng my, “Ajeng u jo; khumi cheaungkhangchi ai kai ang thau iy, thui tamawn nai neng kani ajeng. Kai i kado theu nai haiho avum ai nai, khumi cheaungkhangchi hawi pri tleitleireichi ai kachu ai nai, kai ly leu pacheang yb veng bo. Khaileaung pri verei ly kai i kado theu nai mai hawi kang iy phra veng ai.

II THESALONIKA 1:7

mymy ly mymy i kani pri i amtaw thau nai ham parai naichi hawi mai kangveaung theung y kani pri mang i dengdairei amteng nai khala y ly,

AMTENG HAI NAI 19:14

Naibaly kani pri i atiu ai nai kamkawmchi ly kanih mai ka-syn kangleung hawi amchai nai akhiu naimy keaungngo kangleungchi tleaung y atang nai ni teng y abang u bo.