JOELA 2:16 - Khumi Common Language Bible

¹⁶ Khumichi ai pangym iy, tahm awm nai achupui angvei u rym. Saneng len nai khumichi ai palau iy, deaungdi katheangchi hawi kanu nei thym naichi ai angym hai u; apom ang vawi nai aju juvochi malawn py, mymychi i yhm takunchi khai su ai nai tla ai.

JOELA 2:16 ပူးပေါင်းရင်းမြစ်များ

2 NENG SATANG 20:13

Juda neampacho bawibawichi ly mymychi i aju chanauchi hawi vanrei, Achura yhm mo y angdo u bo.

2 NENG SATANG 29:5

nichi teng y leu pei nai ly “Nangchi Levi theaungchi awi, nangchi ly nangmychi ai apachai u iy, nangchi amsi pajochi i Areng Tameuh i Achura yhm chai ai nai so u. Achura yhm y chai hai y nai ngiereichi ai pasym u pawn.

2 NENG SATANG 30:17

Khumi neangneangchi malawn py, Reita leaungsaira thui nai kamta kachai so y naichi ne nai deaungkho y, Katlen Vui Nai beramchi tleh ai nai ngo y. Hunai deaungkho y nichi i jeng y Levi theaungchi my beramchi tleh pi iy, Areng teng y talam pi bo.

2 NENG SATANG 30:19

“Aw kaichi amsi pajochi i Areng Tameuh, huni khumichi ly kachai aso y teu i py, nang ai paleung hawi verei chiu naichi ne nai deaungkho y, nang ly neaung hawi parai nai saho y, nichi ai ly pahen pi kyh ba,” nanai chiu sa bo.

2 NENG SATANG 35:6

Nangchi ly Katlen Vui nai beramchi, mi-ichi tleh ai nai tla. Vai, nangmychi ai Reita leaungsai kamta kachai sa iy, Mosi dengdairei Areng i leu pei naichi teaung u patawm ai nai kapathyprachi angvei u rym,” napi.

JOBA 1:5

Pawi lui nai tleirei kani pa-nyh khawn y Joba ly kangthodyh ang thau iy, chapo chaniuchi i vui kachai sa nai kapathyprachi talam pi reng. Huna nai kamta Joba i sa nai sai ly mymy i chapo chaniu leaung leaungrei my, Tameuh ai dawndan y nai, mei aniu y nai kamngo so lawh na, nanai paleung mawn nai deaungkho y ne.

SAM 19:5

Mymy i yhm takun theung mang dengdairei theu nai aju palyn nai keung kamta py, angpreng acham ai nai ngai kasada nai angpreng nai keung kamta py, kanito ly theu lup na bo.

THEU NAI 19:10

Areng my Mosi teng y, “Khumi mipuichi teng y Areng ai chiu ai nai molam angveirym ai nai vaini hawi khawndam ly amymy ai apalum apachai ai nai thui pi. Nichi ly mymychi i ateaungchi pasiu iy,

THEU NAI 19:15

Mosi ly nichi teng y, “Pa-thom kani y ly angvei u rym; huni thym y ly aju teng y i y naimy kaja so u, nanai thui pi bo.

THEU NAI 19:22

Kai sahawi y ahai nai pathyp pi nai keungchi malawn py, mymychi ai apalum apachai u ai nai tla, ti y baly kai ly nichi ai pajeng ai,” napi.

JOELA 1:14

Biu hai ai nai leu pei nai ahei hai ly mipui achu nai pawi harei so u! Nangchi i Areng Tameuh i Achura yhm y Juda mipuichi hawi lu sa naichi ai angym hai chum baly, mymy teng y vo naimy aeu u.

MATTHAI 21:16

Naibaly Isu my nichi teng y, “Thai chy: Deaungdi chymplei naichi hawi kanu nei thym naichi i labeaung y theu nai ly nang ly palo naira angym hai bo,’ nanai ly phain u vai y a?” napi.

MATTHAI 9:15

Naibaly Isu ly nichi teng y, “Aju palyn nai keung i ahawichi ly aju palyn nai keung nichi teng y awm jo nai sala ryrei ly paleung mawn thai a? Na i py aju palyn nai keung ai mymychi teng i dengdairei la vui nai kani tym ai i, hunai khala y ly biu hai ai.

I KORINTH 7:5

Chiu sa ai nai apei hawi thai ai nai hawi, amkawm hawi bi thai ai nai, kra y nai sala chy i vui y avo na hawi mei nai ny y baly, apei y ai nai so moh, ti y baly amkym pajau y nai deaungkho y Setan my nangni ai parawi lawh na.

JOSUA 7:13

Angthau! khumichi ai kachai so hai ly khawndam kai i mo y kun ai nai angvei hai rym. Israela chengchi i Areng Tameuh my, hina nai leu pei nai ly thui pi; ‘Israela cheng bawibawichi awi, taphra pawn ai nai tla, napi nai kai i leu pei yb nai vawnsai phyrei nangchi teng y awm. Huni vawnsaichi ai nangchi taphra y nai ryrei ly nangchi ly paleung ka-echi i mo y angdo u pajau ai ny y!

JOSUA 8:35

Josua ly neampachy hawi deaungdichi, nichi hawi vanrei awm nai cheng takhrachi raurei, Israela cheng bawibawichi i mo y, Mosi my pei nai Reita ngiereichi phain pi nai ne.

1 SAMUELA 16:5

Samuela my, “Paleung awmnem naimy kang jeu nai ne; kai ly Areng teng y apathyp ai nai kang jeu nai teu; nangchi ly nangmychi naimy apachai iy, kai hawi vanrei abang u,” napi. Jesai i chapochi ai py mychi apachai iy, apathyp naira y jeu ai nai palau bo.