JOELA 2:14 - Khumi Common Language Bible

¹⁴ Nangchi i Areng Tameuh ly paleung amtlau tan amtlau lym ai i, nangchi ai amti amjang neangneangchi hawi amtheaung hai ai. Huna nai khala nangchi ly mymy teng y chohpui chomaw hawi, kreip hang katalamrachi talam u pajau ai.

JOELA 2:14 ပူးပေါင်းရင်းမြစ်များ

2 SAMUELA 12:22

Davida my, “Ne, deaungdi heng nai thym khala y cho nei y naimy vo tangam nai ne. Areng ly kai ai pahen iy deaungdi ai dei hai y ai, nanai kadawn.

2 SAMUELA 16:12

Areng ly kai i patang nai niu nai deaungkho y, huni khumi i pasawi nai jeng y, amtheaung naira ang pei tang ang pei lym ai,” napi.

2 ARENG KEH 19:4

Asuria empara samrang ly tavailu areng keh ai pato iy, Tameuh kangheng ai thui tamawn nai leu thui hai bo. Nang i Areng Tameuh ly huni leu thai iy, huna nai thui nai khumichi ai kamngo pajeng na sy. Hunai deaungkho y dei kamthum khumichi i vui Tameuh teng y chiu so pi ba,” napi.

THEU NAI 32:30

Kani pa-nyh y Mosi my Israela chengchi teng y, “Nangchi ly khri pa-rei kamngo sa tamang u bo. Vai, kai ly Areng awm nai mawi salo y lyn kalau ai; nangchi i kamngo lawira nga ai nai takeng pi ai i, nga tan nga lym ai,” napi.

ISAIA 65:8

Areng my, “Kreip athai kahawichi ai ami py taphra vai y; ati iy kreip hang sa u nai ne. Kai ly kaimy i khumi bawibawichi ai tamyh veng ai ny y. Kai ai chiu nai khumichi ai ly kaimy atleu ai.

JEREMIA 18:8

huni khumi chengchi ly uikheih u lawh baly, kai ly paleung amtlau ai i, vaichi khala thui naichi kaso y naimy awm ai.

JEREMIA 26:13

Nangchi ly nangmychi i amhi amtlau nai sai takhra iy, nangmychi i Areng Tameuh i leu tangai u ai nai tla. Huna nai kamta sa u baly mymy ly nangchi ai taphra ai, nanai leu pei yb teu i py, mymy i leu amtlau hai vui ai.

JEREMIA 26:3

Khumichi ly tangai iy mychi i hawi y nai saichi khai u su lym ai. Nichi hunai nai kamta khai u su lawh teu baly, kai ly nichi i hawi y nai molam y katamyh ai nai paleung ka-dawn amtlau vui ai,” napi.

JOELA 1:13

Maichamra amsi nai nangchi pathyp pi nai keungchi awi, paisiu kanih akhiu iy vo tangam u! Kai i Tameuh mo y kalop sa nai keungchi awi, Achura yhm theung y kun iy, vumtorei vo tangam u! Nangchi i Tameuh teng y talam ai nai chohpui chomaw hawi, kreip hangchi by y leang bo.

JOELA 1:16

Kaichi ly kaimychi i amti amjangchi phra naira avum khala, ati sai py so thai y, khen su na bo. Tameuh i Achura yhm theung y py, amo theu naira by y leang bo.

JOELA 1:9

Achura Yhm y talam ai nai chohpui chomaw py, kreip hang py, by y leang bo; pathyp pi nai keungchi ly Areng teng y talam ai naichi by y nai deaungkho y, vo tangam u bo.

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

JONA 1:6

Naibaly samphora y lu sa nai miteaung keh ly chei i ni teng y, “Nang ly ati mana nai y i ngym vui lawh mo? Angthau ly nangmy i tameuh teng y achi ai atleu ai nai chiu so bei. Mymy ly achi ai pahen iy atleu tan atleu lym ai,” napi.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

ZEPHANIAH 2:3

Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

HAKAI 2:19

Nangchi teng y chohpui chomaw by y bo i, kreip keungchi, thaidu keungchi hawi olive keungchi py athai y leang rai. Na i py kai ly vai i dengdairei, nangchi ai amtheaung naira pei ai,” napi.

II TIMOTHEI 2:25

hawi y sa naira y kham pajau nai, mymy i patiu nai leu ngai y naichi ai leu anui parai naimy nichi ai patiu lawh ai nai tla;

JOSUA 14:12

Hunai deaungkho y kai i ahawichi my satang amti pi nai kani y, Areng my pei ai, nanai adeu nai hini mawi aheung meingtym ly kai ai pei ba. Huni meingtym y tlum tlang len nai Anakim cheng ly khaw parai nai mary apaichi theung y awm u, nanai kaichi my amti pi bo. Na i py Areng ly kai hawi vanrei awm baly mymy i adeu nai kamta, kai ly tiu iy patheu pawn pajau ai, nanai takeng bo.

1 SAMUELA 6:5

Huna nai y uisalu i myn, nangchi i pri ai taphra nai paju mynchi sa iy, Israela chengchi i Tameuh ai tahm khai nai hawimy, palo ai nai tla. Mymy ly nangchi hawi nangchi i tameuhchi ai py, nangchi i pri ai py, pajeng nai ly anawn hai lym ai mang.