JOELA 2:12 - Khumi Common Language Bible

¹² Areng my, “Na i py nangchi ly vaimy uikheih u tatang. Biu hai nai hawi vo tangam naimy, kai teng y vawi u ali teang.

JOELA 2:12 ပူးပေါင်းရင်းမြစ်များ

2 SAMUELA 24:10

Na i py Davida ly khumi amyn vuikanai la chum nai khala, mymy teng y patang nairachi tym i Areng teng y, “Kai ly hini ka-jei awm nai kamngo sa lawh bo; kai i kamngo pahen pi kyh ba; kai ly kamthu kamleaung kamta sa tamang lawh bo,” napi.

2 NENG SATANG 30:6

Samrang hawi miteaung kehchi i leu pei nai kamta, savaichi ly palau nai chachi syn u iy, Juda pri hawi Israela pri verei y chei u bo. Palau nai cha ra y, “Aw Israela chengchi awi, nangchi ly Asuria samrang kiu i tleaung nai dei kamthomchi ne. Abraham, Isaka, Jakobchi i Areng Tameuh teng y ali u teang jau; mymy py nangchi teng y ang jeu teang ai mang.

2 NENG SATANG 6:27

aw Areng, kani pri mang dengdairei tangai pi kyh ba. Nang i miseaung Israela khumichi i kamngochi pahen pi kyh ba. Nichi ai lam kateng mang y pahawi ba. Nang i khumichi teng y pei nai pri y kani nai hai pi teang kyh ba.

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

THEU NAI 33:5

Areng my Mosi dengdairei Israela chengchi teng y, “Nangchi ly paleung tang nai khumi ne; kai ly nangchi hawi kani tanareichy chei hai lawh baly, nangchi ai kang padei chauchau ai; vai ly nangchi i vang kateng ateaungchi aleng u; huna khala naini, kai ly nangchi ai mana kang sa hai ai mo, nanai dawn pi ai,” napi.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

ISAIA 58:4

Nangchi biu hai nai ly nangmychi tengtawi avawrei kado theu, ajo athui iy ani u bo. Hina nai kamta nangchi chiu sa hnei takeng u nai ly kaimy kang tangai pi ai, nanai nangchi athang khai u a?

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 36:7

Areng ly hini khumichi ai kaso tahyn theu ai hawi nanai kado theu naira hawi pajei pahyn nai deaungkho y, khumichi ly mychi i hawi y nairachi khai su iy, Areng teng y chiu sa u tan chiu sa u lym ai,” nanai leu pei bo.

JEREMIA 4:1

Areng my, “Israela mipuichi awi, nangchi vawi u ali teang ai nai ngai lawh teu baly, kai teng y vawi u. Kai i niu ngai y nai mynchi va pawn iy, kai i tlang tleaung y ka-ym awm u lawh teu baly,

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

DANIELA 9:3

Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

HOSEA 12:6

Hunai deaungkho y Jakob i kangpreangchi awi, nangmychi i Tameuh ai ym iy mymy teng y vawi u teang ba, ka-ym awm u, kahawi so u, nangmychi i Tameuh ai paleung sau parai naimy ajeng u.

HOSEA 12:7

Areng my, “Israela khumichi ly Kanan chengchi kamta, paleung akawi parai. Nichi ly teng y nai sie khyry hawi van nai khumichi teng y jo u reng nai ne.

HOSEA 14:1

Israela khumichi awi, nangchi i Areng Tameuh teng y vawi u teang jau. Nangchi ly nangmychi i kamngo molam y athei thleaung iy atlym u bo.

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

JOELA 1:13

Maichamra amsi nai nangchi pathyp pi nai keungchi awi, paisiu kanih akhiu iy vo tangam u! Kai i Tameuh mo y kalop sa nai keungchi awi, Achura yhm theung y kun iy, vumtorei vo tangam u! Nangchi i Tameuh teng y talam ai nai chohpui chomaw hawi, kreip hangchi by y leang bo.

ZEKHARIAH 7:5

Mymy ly “Mipuichi hawi pathyp pi nai keungchi ly saneng vui saryh ryrei, pa-ngo lo hawi saryh lo theung y biu hai iy, paleung si nai ka-ma-ra patei u nai ly kai ai tahm pasang nai ny y.

MALAKHI 1:9

Nangchi pathyp pi nai keungchi awi, achi ai hawi naira pei ai nai vai, Tameuh teng y hnei u cham. Mymy ly nangchi i chiu sa nai tangai pi ai ny y. Huna nai tym nai py nangmychi i kamngo nai deaungkho y ne.

AMTAW 26:20

Jerusalem y py, Judai pri meingtym tleirei y py, Cheng Takhrachi teng y py, uikhei iy Tameuh mang y hi nai uikhei nai amyn ataing ai nai atiti sa ai nai tla, nanai kathuipi nai teu.

TARA CHIH NAI KEUNGCHI 2:4

Hina nai kamta kani pri amtaw thau naimy thui chum nai khala, Israela cheng bawibawichi ly khri pa-rei vo u.

TARA CHIH NAI KEUNGCHI 20:26

Huna nai khala Israela cheng bawibawichi ly Bethela mary y chei iy vo u. Nichi ly Areng i mo y ateh iy, kani dym nai pa-rei biu hai u bo. Nichi ly Areng i mo y amkawm nai kapathypra hawi leng patlum nai kapathyprachi talam u.

1 SAMUELA 7:3

Samuela my Israela chengchi teng y, “Nangchi ly Areng teng y paleung hawi verei, jeu aliteang ai nai ngai baly cheng takhrachi i tameuhchi ai py, kani anglo Asatare i mynchi ai py, khai su ai nai tla; Areng teng y nangmychi ai aau patyp iy, mymy ai naini chiu u baly mymy ly nangchi ai, Philistia chengchi kiu i nai atleu ai,” napi.

1 SAMUELA 7:6

Naibaly nichi bawibawi ly Mizapa mary y angym u iy, tui maidenreichy deu i, Areng teng y talam nai lei i, huni kani khengrei biu hai u bo. nichi my, “Kaichi ly Areng ai kamngo kasa u lawh bo,” napi u. (Mizapa mary i dengdairei Samuela ly Israela chengchi ai peang nai ne.)