JOELA 2:11 - Khumi Common Language Bible

¹¹ Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

JOELA 2:11 ပူးပေါင်းရင်းမြစ်များ

SAM 18:14

Mymy ly thailihochi ko naimy, paleung ka-echi ai ahei hai pawn bo. Amlosadi theu hai naimy nichi ai angpreng hai bo.

SAM 46:6

Khumi cheng cheaungkhangchi ly jei hyn u ai; Tameuh my leu pei nai khala y khaileaung ly tlawn vui nai ne.

SAM 68:18

Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

ISAIA 13:4

Mawi salo y awm nai khumi mipuichi i raawi tangai u. Huni raawi ly khumi cheng cheaungkhangchi hawi prichi akachu u nai katynchi ne. Kani pri tavai luchi i Areng ly mymy i tavaimichi ai tavai thau hai ai nai angveirym bo.

ISAIA 42:13

Areng ly sorai kamta, tavai atiu ai nai amsa bo. Mymy ly tavai atiu ai nai a-eng yb iy, paleung pade na bo. Mymy ly tavai kachyh nai raawi aeu iy, mymy i paleung ka-echi teng y, sa thai naira patei pi bo.

ISAIA 7:18

“Huni neng tym nai khala Areng ly Aikupta chengchi ai pathauchi kamta, Naing tavo kangprei syh mang dengdairei py, Asuria chengchi ai khawichi kamta mychi pri i dengdairei py tym u ai nai, amsui sai hawi ka-ma-ra pei ai.

JEREMIA 25:30

“Aw Jeremia awi, nang ly kai i leu pei nai ngiereichi ai, hini khumichi teng y thui pi ai nai ly ‘Areng ly kani khusang mang dengdairei kani pajyh hai ai. Salo ka-sang kani khusang mang dengdairei katyn amsau hai ai. Mymy ly mymy i khumichi ai ryh hai ai. Mymy ly kreip athai nip nai khumi kamta aeu ai. Khaileaung pri y awm nai khumi bawibawichi ai py, aeu hai ai.

JEREMIA 30:7

Ka-jei awm nai neng kani ly ang tym dudu bo; takhra mani kani py, huni kani hawi ly pata pajau y. Huni kani ly Jakob cheng ngari kamtang avum ai nai kani ne. Na i py nichi ly dei y naimy heng u ai,” napi.

JEREMIA 50:34

Na i py nichi ai atleu ai nai keung ly atho awm parai nai ne. Ni i amyn ly ati cheaungkhang sa thai nai keung Areng ne. Mymy kypkyp ly nichi ai ama hai iy, huni pri y tlamsa naira tym hai ai. Na i py Babulon khumichi ai ly khrukhra naira tym hai ai,” napi.

Ezekiela 22:14

Nang ai kaimy pajeng chum baly, nang ly sorai paleung awm rai na a? Nang i kiu pheu ai nai atho awm rai na a? Kai, Areng my leu pei nai ne; kai ly kaimy i leu pei nai kamta kasa khyp ai.

JOELA 1:15

Areng i tara chih ai nai neng kani ly kasa bo. Huni neng khala, ati cheaungkhang sa thai nai keung my, khri pa-rei ka-jeira tym hai ai. Huni kani ly jei ai nai khri pa-rei hawi ai na a!

JOELA 1:6

Akhu-tama kanghu pui ly achi i pri y khri pa-rei ang tiu bo; nichi ly atho awm iy, kati pajau y na pa-rei nawi; nichi i hochi ly khrangsi i ho kamta chiu parai.

JOELA 2:1

Tameuh i nang parai nai mawi napi nai Zion mawi salo y baw eng u; pany hai nai katyn pei u. Juda khumichi awi, kaso tahyn theu u! Areng i neng kani ly kra y naimy tym ai.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

JOELA 2:25

Nangchi i amti amjangchi ai akhutama kanghuchi my cha krai nai sanengchi khala, nangchi i phra nai ai, kaimy kang heung pi teang ai. Nangchi teng y huni akhutama kanghuchi ai, pato nai keung ly kai ne.

JOELA 2:31

Areng i ka-jei awm nai neng kani tym y rai khala, kanito ly veng ai. Lo py thi kamta pasen vui ai.

JOELA 3:14

Khumi sang neangneangchi ly tara chih nai leaunghawira y awm u bo. Huni leaunghawira y Areng i neng kani ly kra y naimy ang tym ai.

JOELA 3:16

Areng ly Zion mawi salo y aeu bo. Jerusalem mary i dengdairei aeu. Khaileaung hawi kani khusang py amchyh u bo. Na i py mymy ly mymy i khumichi ai ama hai ai.

AMOS 1:2

Amo my, “Zion mawi dengdairei Areng i aeu nai raawi thai bo; Jerusalem mary theung i dengdairei, kani pajyh nai katyn thai hai bo. Beram sui tlai nairachi ly jeirawm be bo i, Karamela mawi i achachi ly jei nawm veng bo,” nanai thui.

AMOS 5:18

Areng i neng kani ajeng nai khumi i vui ly khri pa-rei ka-jei hawi parai na ly! Huni neng kani ly nangchi ai ati kahawi ang sa pi thai ai mo? Kangvang by y naimy kaveng khiu nai neng kani naini tym ai.

AMOS 5:20

Areng i neng kani ly kangvang ngo y naimy, kaveng tym nai neng kani lawn ai. Angvang phang nanai kangvang pipi by y naimy, khri pa-rei veng nanai neng kani lawm ai.

OBADIA 1:15

“Kai, Areng my khumi cheng cheaungkhangchi ai tara chih ai nai neng kani tym hai ai. Aw Edom pri awi, amichi ai nangmy i sa nai kamta amichi my nang ai ang sa u teang ai. Nang ly nangmy i pei nai kamta nga teang ai.

NAHUM 1:6

Mymy kado theu nai khala, ami kham pajau ai mo? Mymy i ka-jei awm nai kado theu nai haiho ly ami kham pajau ai mo? Mymy ly mai theu nanai kado theu nai ai lei nai deaungkho y, mymy mo i lengseaungchi ly dei lawm na bo.

MALAKHI 3:2

Na i py ami nai ly nang jeu ai nai neng kani y ami aheu vui vam ai mo? Nang i amteng nai neng khala y, heng nai khumi awm rai na a? Hawi keh nai saibeung hawi py, vang kateng tamo patlawn nai mai hawi py atawm ai.

Kati Nai 24:23

Balam ly hina nai kamta amo leu thui bi nai ne: “Tosyh ngan mang y akachu u nai khumichi ly amichi mo?

I THESALONIKA 4:16

Areng mymy kypkyp ly aeu nai katyn hawi, kani pri i amtaw thau nai salo keh i raawi hawi, Tameuh i baw katyn hawi kani mang i dengdairei ang satla kathiu ai; naibaly Krista y dei chum naichi ly angthau u man ai;

AMTENG HAI NAI 18:8

Hunai deaungkho y kanirei y ly mymy ai patang hai nairachi, dei naira hawi, paleung mawn naira hawi, takang theu nai py tym bawibawi ai:naibaly mymy ai ly mai y kang hai bebe ai; ati mana nai mo nabaly ni ai tara chih pi pawn nai Areng Tameuh my ly ham parai nai ne.

AMTENG HAI NAI 6:17

nini i kado theu naira kani aly len parai nai ang tym nai bo he; hunaibaly ami angdo pajau ai mo?” napi.