JOELA 2:10 - Khumi Common Language Bible

¹⁰ Nichi ang jeu nai neng khala, kaleih theu. Kani khusang py amchyh neung na. Kanito hawi lo ly veng na bo i, ka-si taukichi py angvang y bo.

JOELA 2:10 ပူးပေါင်းရင်းမြစ်များ

SAM 114:7

Khaileaung awi, Areng ang jeu nai thym khala y, mymy i mo y jei hyn naimy kaso theu u; Jakob i Tameuh i mo y ly jei kaji naimy kaso theu u.

SAM 18:7

Naibaly Tameuh i kado theu nai molam y, khaileaung amchyh na pa-rei kalei theu hai. Mawichi ly kheutang mang dengdairei amchyh. Sabawmra nga ai nai kai i aeu nai raawi, mymy ly thai bo.

ISAIA 13:10

Ka-si tauki bawibawichi ly angvang y naimy awm ai. Kani si nai khala veng naimy awm ai. Lo py kangvang pei ai ny y.

ISAIA 34:4

Kanito, lo, ka-si taukichi ly khaileaung y tla ai. Kani khusang ly taeang veng nai cha aeang kamta tama ai i, ka-sichi ly kreip keung, ti y baly thaidu keungra i ngam vui nai kamta vui ai.

ISAIA 5:30

Huni neng khala nichi ly pangli tui amsau nai katyn kamta, raawi pajeng parai naimy Israela pri y aeu u ai. Huni pri ai khen u cham rai! Huni ly vengpam, ngari kamtang cheichei lawh ly! Kangvang ly kaveng theung y tama jo nai ne.

JEREMIA 4:23

Kai ly khaileaung y khen nai khala, huni ly mo cha by y. Kani khusang ai khen nai khala py, kangvang niu y.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

JOELA 2:31

Areng i ka-jei awm nai neng kani tym y rai khala, kanito ly veng ai. Lo py thi kamta pasen vui ai.

JOELA 3:4

Turu mary, Sidon mary hawi Philistia pri meingtym tleirei i khumichi awi, nangchi ly kai ai ati sa ai nai atho sa u nai mo? Kai ai vawitheung tha ai nai atho sa u nai a? Huna nai atho sa u lawh baly, kai ly nangchi ai vawitheung tha manme ai!

AMOS 5:8

Areng ly ka-si taukichi ai sa. Mymy ly ka-si niprawn hawi eupui eulo ka-jeaung ka-si ai py sa nai ne. Mymy ly kaveng ai kangvang lawm hai iy, kanithun ai py vum lawm hai bo. Mymy ly pangli tui bawibawichi ai palau iy, khaileaung salo y leih nai ne. Mymy i amyn ly Areng ne.

NAHUM 1:5

Areng i mo y mawi puichi ly ahyn iy, mawi katheangchi ly tlawn pawn ai. Areng jeu nai khala kaleih theu iy, khaileaung pri hawi vanrei, khaileaung pri i khumi bawibawichi ly jei hyn u bo.

MATTHAI 24:29

“Na i py huni neng patang nai bo y ly kanito ai ly veng hai ai i, lo py angvang y leang bo, ka-sichi py kani mang i dengdairei tla ai i, kani mang i atiti sa thai nairachi ai ly ahyn hai ai;

MATTHAI 27:51

Naibaly khen cham, achura yhm kalen pui i kanih jang nai ly salo mang i dengdairei anui mang y khrairei asei thla veng bo; naibaly kaleih theu i lengseaung puichi py kawi bo;

AMTAW 2:20

Areng i kani nang parai nai hawi amyn amthang parai nai ly tym y rai kha y, Kanito ly kaveng lawn ai i, Lo py thi lawn ai:

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.

AMTENG HAI NAI 6:12

Naibaly mymy ly pajawp typ nai ka-ma-ra tariurei nai ly su phai su baly kai ly khen i, kaleih khra pa-rei theu bo; kanito py mawi mui kanih kamta panum iy, lo py bom verei thi kamta lawn veng bo;

AMTENG HAI NAI 8:12

Naibaly kani pri i amtaw thau nai palyh i nai ly eng i, kanito phy thomrei y phyrei hawi, lo phy thomrei y phyrei hawi, ka-sichi phy thomrei y phyrei py chau bo; hunaibaly nichi phy thomrei y phyrei ly kaveng lawn veng bo; kanithun py phy thomrei y phyrei ly angvang y, vum py hunai kamta ne teang.

AMTENG HAI NAI 9:2

Naibaly ni ly kho paeaung i, mai pui khyh nai kamta ly angawm i dengdairei maikhyh theu kalau bo; kanito hawi kani ly angawm i maikhyh nai deaungkho y veng bo.