JOELA 1:13 - Khumi Common Language Bible

¹³ Maichamra amsi nai nangchi pathyp pi nai keungchi awi, paisiu kanih akhiu iy vo tangam u! Kai i Tameuh mo y kalop sa nai keungchi awi, Achura yhm theung y kun iy, vumtorei vo tangam u! Nangchi i Tameuh teng y talam ai nai chohpui chomaw hawi, kreip hangchi by y leang bo.

JOELA 1:13 ပူးပေါင်းရင်းမြစ်များ

2 SAMUELA 12:16

Davida ly deaungdi no hawi ali teang ai nai, Tameuh teng y chiu sa; samrang ly ati sai py cho nei y. Dym tleitleirei, my i takun theung y kun iy angsaveaungra y vumtorei aseaung nai ne.

1 ARENG KEH 21:27

Elija my hini leu thui pi pajau nai khala y Ahab ly mymy i ateaungchi sei vui iy, paisiu amchiu bo. Ni ly teicha py cho y naimy paisiu amchiu iy i bo. Aleaung ali nai khala py meimai takhuisui nai ne.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

ISAIA 61:6

Nangchi ai ly Areng i pathyp pi nai keungchi, Tameuh i miseaungchi napi ai. Khumi cheng cheaungkhangchi i yhmtheaung katuichi amtym iy, huna nai amtym nai molam y, nangchi ly amlyh u ai.

JEREMIA 4:8

Hunai deaungkho y paisiu akhiu iy vo tangam u. Ati mana nai mo nabaly Areng i khri pa-rei kado theu nai ly Juda pri mang y patyp jo rai nai deaungkho y ne.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

Ezekiela 21:12

Nang khumicho awi, paleung si nai y vo naimy hang na ba; hini haisau ly kai i khumichi hawi Israela chengchi ai lu sa nai keungchi i vui ne. Nichi ly awm asai rai nai kai i khumichi theung y abawi naichi hawi vanrei padei ai nai tla ai. Paleung phra nai y nangmy i paleung y atum ba!

Ezekiela 27:31

Nichi ly nang i tlang tleaung y tym nai sai niu u i, sam avau biu iy paleung si paleung mawn nai ka-ma-ra y paisiu apam u. Nichi ly paleung si nai khrikhri pa-rei vo hang u bo.

Ezekiela 7:18

Nichi ly paisiu akhiu iy ngan tlang verei kaso tahyn theu u ai. Lu tabiuliu iy kangji kangai nga u ai.

HOSEA 9:5

Nichi ly Areng ai tahm khai naimy palo ai nai, khai takhra nai pawi kanichi neng tym baly, ati mana sa u ai mo?

JOELA 2:12

Areng my, “Na i py nangchi ly vaimy uikheih u tatang. Biu hai nai hawi vo tangam naimy, kai teng y vawi u ali teang.

JOELA 2:14

Nangchi i Areng Tameuh ly paleung amtlau tan amtlau lym ai i, nangchi ai amti amjang neangneangchi hawi amtheaung hai ai. Huna nai khala nangchi ly mymy teng y chohpui chomaw hawi, kreip hang katalamrachi talam u pajau ai.

JOELA 2:17

Maicham hawi Achura yhm katheu pa-kho sala y Areng i kalop sa nai pathyp pi nai keungchi ly vo naimy chiu sa ai; “Aw Areng, nang i khumichi ai pahen pi kyh ba. Cheng takhrachi ly ‘Nichi i Tameuh ly ma y mo?’ nanai thui i, kaichi ai niu ngai y iy panui hai u moh sy,” nanai chiu sa u ai nai tla ai.

Kati Nai 28:14

Huni leng patlum nai kapathypra hawi vanrei talam nai kreip hang ly si katai ha harei hawi vanrei kreip hang palang palyhrei, beram katai hawi vanrei kreip hang palang thomrei, beram cho ha harei hawi vanrei kreip hang palang nyhrei talam ai nai tla.

Kati Nai 28:4

Beram cho harei nai ly khawn mang y talam iy, harei nai ly dym mang y talam ai nai tla.

Kati Nai 28:7

Angchei i beram hawi vanrei, maicham tleaung y kreip hang palang nyhrei leih iy, kreip hang katalamra kamta talam ai nai tla.

Kati Nai 29:6

Lo tleirei, lo si kani harei kani y talam nai leng patlum nai katalamra, huni hawi vanrei teicha teinei katalamra, kani tleirei leng patlum nai katalamra, huni hawi vanrei teicha teinei katalamra, kreip hang katalamra bo y, hini katalamrachi py talam ai tla. Hini teicha teinei katalamrachi i mui kahawi ai ly Areng my kawn pi nai ne.

I KORINTH 4:1

Ami my kaichi ai Krista i kalop sa nai keung hawi Tameuh i leu kathiu kry nai keung y palawn sy.

I KORINTH 9:13

Achura yhm kalen pui y atiti kachai kry nai keungchi ly, achura yhm kalen pui i atitichi cha u nai hawi, maicham kalop sa nai keungchi ly maicham hawi phy nga, nanai pany u y nai sai a?

II KORINTH 11:23

Nichi ly Krista i kalop sa nai keungchi ne a? (Khumi kamthu kamta thui teu sy ly), kai naini ne keh; sa akawm naira y py khri pa-rei ty nanai, theaung y tla naira y py khri pa-rei ty nanai, ang pakhau naira y py khri pa-rei nawi nanai, dei naira py neangneang avum bo.

II KORINTH 3:6

Mymy ly leu maikawm kangtha kry ai nai keungchi y ang pha hai, cha mang i leu kry ai nai ny y naimy, phailo mang i kry ai nai teu: cha i leu my ly padei nai teu, phailo my naini paheng nai ne.

II KORINTH 6:4

na i py Tameuh i krykeungchi kamta ati cheaungkhangra y py khumi i mei kangai awm, khri pa-rei kham pajau naira y py, patang naira y py,

AMTENG HAI NAI 11:3

Naibaly kai i leu pany hai nai keung nyhrei teng y ly leu kapei ai i, nini ly mawi mui kanih akhiu naimy kani sang atlo chungvai nyh pa-thom kani vui tariu ryrei ly leu thui hawi ai,” ang napi.