JOBA 9:10 - Khumi Common Language Bible

¹⁰ Achi ly mymy i sa nai, nang parai nairachi ai pany thai y. Mymy i rengrang ka-ma-rachi ly kati pajau y.

JOBA 9:10 ပူးပေါင်းရင်းမြစ်များ

JOBA 37:23

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.

JOBA 37:5

Tameuh my leu pei nai khala, rengrang naichi hawi achi pany thai y na pa-rei, lyh ai hawi parai naichi theu hai bo.

JOBA 5:9

Kaichi ly mymy i sa nai nang parai nai saichi pany pajau y. Mymy i lyh ai awm parai nai saichi ly kati pajau y leang.

SAM 136:4

Mymy leaungrei naini rengrang ka-ma-rachi patei pi; mymy i tamen nai ly deungtasarei ne.

SAM 145:3

Areng ly nang parai nai deaungkho y, palo ai ataing nai ne; nang parai nai sai py dawn pata pajau y leang.

SAM 71:15

Kai ly nang i hawi nai sai kathui ai; nang i atleu nai ly kai i pany nai tleaung y thiu parai nai ne; na i py huni pahen nai satang ai kai ly kani khengrei thui ai.

SAM 72:18

Israela chengchi i Tameuh napi nai Areng ai ly palo u! Mymy naini hina nai lyh ai hawi parai naichi sa nai ne.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

Parip nai leu 3:11

Mymy ly ati cheaungkhang i vui avo nai neng khai pi bo. Mymy ly achi teng y mo mang i satang pany ai ngai nai paleung ang pei; na i py mymy i sa nai atitichi pany angym ai nai pei y.

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!

EPHESI 3:20

Hunaibaly achi i paleung theung y sa thai naira sa reng nai kamta, achi i hnei nai hawi dawn nai bawibawichi tleaung y khri pa-rei ty keh nai sa thai nai keung kypkyp teng y ly,