JOBA 8:6 - Khumi Common Language Bible

⁶ Nang ly khri pa-rei chai i hawi lawh baly, Tameuh ly ang jeu iy nang ai ang sabawm ai. Kawn vang langseaung pei nai kamta, nang i yhm dengtheungchi ai, palum pi ali teang ai.

JOBA 8:6 ပူးပေါင်းရင်းမြစ်များ

JOBA 1:8

Areng my, “Khaileaung pri y hawi angym iy kai, Tameuh ai jei kaji nai, hawi y naira ai asyn ai pany nai khumi, kai i miseaung Joba kamta leaungrei py by y, nanai pany bo a?” napi.

JOBA 11:14

Hawi y naichi ai nang i yhm i nai patheu pawn veng ba.

JOBA 16:17

Na i py mani khrukhra nairachi py, kai so y leang. Tameuh teng y py paleung kahawi naimy chiu kasa nai ne.

JOBA 34:28

Huni khumichi i pahyp y naimy ana naira avum nai, khumi kamawnchi ly Tameuh teng i kasabawmra hnei ai nai aeu u nai khala, mymy ly nichi i aeu nai raawi thai.

JOBA 5:24

Huna nai khala, nang ly kanih tambeung theung y, tlamsa naimy awm ai nai nga ai. Amy i beramchi ai khen nai khala, chymme naimy awm nai niu ai.

SAM 18:25

Aw Areng, nang ly ka-ym awm nai khumichi tlang tleaung y ka-ym awm; cheh ai nai by y pa-rei hawi nai khumichi tlang tleaung y, hawi hai reng nai ne.

SAM 44:23

Aw Areng, anglaw ly ang thau ba! Nang ly ati mana nai y i pi vui lawh mo? Angthau ba! Kaichi ai deungtasarei khai su moh kyh ba!

SAM 7:6

Aw Areng, kado theu naimy ang thau ba! Kai i tlang tleaung y ka-jo hau nai khumichi i kado theu nai paka pi kyh ba. Angthau iy kai ai sabawm ba! Nang ly leu meitang adyh adawi nai ai ngai nai deaungkho y,

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 3:33

Areng ly khumi hawi y naichi i yhm ai amsawi lawi hai iy, khumi kahawichi i yhm ai ly amtheaung hai nai ne.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

ISAIA 51:9

Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

I TIMOTHEI 2:8

Hunaibaly neampachochi ly meingtym tleirei y kado theu y nai hawi aei y naimy kiu kachai pheu iy chiu so khyly kangai.