JOBA 8:3 - Khumi Common Language Bible

³ Tameuh ly tara chih naira y mana khala py, jawi tamang hai vai y leang. Mymy ly mana khala py, hawi nairachi so y naimy awm vai y leang.

JOBA 8:3 ပူးပေါင်းရင်းမြစ်များ

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

2 NENG SATANG 19:7

Areng ai jei kaji naimy, hawihai palai so u. Ati mana nai mo na baly achi i Areng Tameuh ly li-tapawp nai, meimai khen patleh nai, un cha naichi ai niu ngai y nai deaungkho y ne,” napi.

JOBA 10:3

Nang i hina tanrei ana nai ly avo na a? Nangmy i sa nai sai ai paso y a? Khumi hawi y nai katauchi ai ly khen i, panuiyhm ai nai avo y a?

JOBA 19:6

Huna naichi sa nai keung ly Tameuh ne, nanai nangchi pany u pajau y nai sai a? Mymy ly kai ai patiu ai nai deaung pateung yb bo.

JOBA 19:7

Kai ly mymy i khrukhra hai nai ai kaei i py ami py tangai pi y; leu meitang adyh adawi ai nai takeng i py, ami py thai y.

JOBA 21:15

Nichi ly Tameuh ai chiu ai nai ngai u y. Mymy teng y chiu sa hnei takeng nai ly ati sai py ny y, nanai dawn u bo.

JOBA 21:20

Kamngo sa nai khumichi ly ataing khyp nai kamngo pajengra avum u na sy. Ati cheaungkhang sa thai nai Tameuh i, kado katheu pajeng nai avum u ai.

JOBA 34:5

Joba ly my teng y kamngo by y, Tameuh ly ni i molam y meitang naimy chih pi y, nanai thui bo.

JOBA 35:13

Huna nai vo u teu i py, nichi i vui kamran by y; ati cheaungkhang sa thai nai Tameuh ly nichi ai niu y; nichi i raawi py thai y.

JOBA 36:23

Ami py Tameuh ai pacheang pajau y; mymy ly hawi y naira sa, nanai neng hai pajau y.

JOBA 36:3

Kai i cheng naira ly kau parai; kai ai sa nai keung Tameuh ly meitang ne, nanai kai i cheng naira teaung iy thui pi ai.

JOBA 37:23

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.

JOBA 4:17

Huni katyn my, “Khumi ly Tameuh i mo y, khumi kahawi lawm pajau na a? Mani khumi ly amy ai sa nai keung i mo y, kamngo by y naimy awm pajau na a?

JOBA 40:8

Nang ly kai teng y leu meitang adyh adawi nai by y leang, nanai pany hai nai ka-ma-ra patei ai nai atho sa ai a? Nangmy mang kateng lawm ai nai, kai ai cheh nai sai a?

SAM 89:14

Nang i pri ly kateng lam hawi leu meitang salo y langdeng pala nai ne; nang i sa nai ngiereichi ly tamen naira hawi ka-ym awm naira amteng bo.

SAM 99:4

Sa thai naira len parai nai samrang awi, nang ly kateng lam ai khrei; nang ly Israela pri y leu meitang kawi hai; kateng lam hawi leu meitang ai khaw hai nai ne.

Ezekiela 18:25

“Na i py nangchi my, ‘Areng i sa nai ly teng y,’ nanai thui u bo. Aw Israela chengchi awi, kai i thui nai leu tangai u. Nangchi my kai i sa nai sai teng y, nanai athang khai u nai sai a? Teng y nai saichi ly nangchi i sa naichi teu.

Ezekiela 33:17

“Na i py nang i chengchi my, Areng ly kahawi so pi y, nanai thui u lawh ly! Nichi naini kahawi so u y nai ne.

Ezekiela 33:20

Na i py nangchi Israela chengchi awi, nangchi my kai i sa nai ly teng y, nanai thui u bo. Kai ly nangchi i sa nai molam y nangchi ai tara chih ai,” napi.

DANIELA 9:14

Kaichi i Areng Tameuh awi, nang ly kaichi ai pajeng ai nai angveirym nai kamta pajeng ba. Ati mana nai mo na baly nang ly kahawi sa jojo nai ne teu i py, kaichi ly nang i leu tangai u y nai deaungkho y ne.

ROM AVANGCHI TENG Y PAWLA I CHA PA NAI 2:5

Na i py nang i atangai y nai hawi uikhei y nai paleung awm nai deaungkho y kado theu naira hawi, Tameuh i tara chih naira hawi parai nai amteng ai nai kani i vui ly, nang i tlang tleaung y kado theu naira pateung achu amang nai ne.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.

AMTENG HAI NAI 16:7

Naibaly maicham ly, “Ne khyp, Aw Atiti py Sa Thai Nai Tameuh awi, Nang i tara chih nai ly teng py teng, hawi py hawi,” napi nai kathai.