JOBA 8:20 - Khumi Common Language Bible

²⁰ Na i py Tameuh ly mymy tlang tleaung y ka-ym awm naichi ai, mana khala py khai su ai ny y. Khumi hawi y naichi ai ly mana khala py sabawm ai ny y.

JOBA 8:20 ပူးပေါင်းရင်းမြစ်များ

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

JOBA 21:30

Tameuh my kado theu i kamngo pajeng nai kani y, khumi hawi y nai ly awmnem naira nga jojo nai ne.

JOBA 4:7

Nang adawn ali teang cham rai; mani khumi kahawi ly khri pa-rei patang naira avum vai mo, nanai kai ai thui pi cham.

SAM 34:17

Khumi kahawichi ly mymy ai palau u nai khala y, mymy ly pathang pi iy, ngari kamtangchira i nai atleu pi bo.

SAM 37:24

Areng ly nichi ai sabawm pi ai i, nichi ly atlym i py, ang thau y naimy awm ai ny y.

SAM 37:37

Khumi kahawi ai khen cham; leu meitang teaung nai khumi ai khen paryp cham; tlamsa naira nga nai khumi ly katu chanau deung akai nai ne.

SAM 94:14

Areng ly mymy i khumichi ai aphi su ai ny y; mymy i peang nai khumichi ai ly khai su ai ny y.

LEU KACHENG 10:9

Neaung hawi nai khumichi ly chymme naimy awm ai nai nga u reng nai ne. Na i py neaung hawi y nai khumichi ly mychi i hawi y nai sai amteng ai.

ISAIA 45:1

Samrang Kuru ly Areng my vawi takhra nai khumi ne na a! Mymy ly khumi cheng cheaungkhangchi ai eaung ai nai, ni ai samrang palyn nai ne. Mymy ly pri peang nai samrangchi i sa thai naira la pi veng ai nai, ni ai pato bo. Areng ly ni i vui mary katheu pa-khochi paeaung pi ai. Areng my samrang Kuru teng y,