JOBA 7:2 - Khumi Common Language Bible

² Khumi ly savairu nai ka-khui kadeaung nai miseaung, kalop sa nai vang ajeng nai, lop-pan nai khumi hawi atawm.

JOBA 7:2 ပူးပေါင်းရင်းမြစ်များ

ATITI AWM ANGCHEI NAI 34:8

Hamor my nichi teng y, “Kai i chapo Sekhem ly nang i chaniu ai khrei nai ne i, pahen parai naimy apom hai kyh.

JOBA 7:1

Khumi ly khaileaung y akawm parai naimy kalop sa ai tla nai ne. Kalop ram sa nai khumi hawi atawm.

JOBA 7:3

Kai i vui ly lorei bo y lorei, heng ai nai paleung ka-no maidenreichy py by y. Kai ly vum tleitleirei, paleung bi paleung mawn naimy kaawm bo.

SAM 119:131

Kai ly nang i leu pei naichi ai ngai nai kadeaung i, akawm nai y labeaung anghau nai, tao jeng na bo.

SAM 143:6

Kai ly kiu pheu naimy nang teng y chiu sa bo; tui ahai nai khaileaung kamta, kai i phailo ly nang ai kadeaung nai ne.

JEREMIA 6:4

Nichi my, “Jerusalem mary ai tiu ai nai angvei u rym! Kani thunteng nai khala y achi tiu u sina!” nanai thui u. Na i py nichi my, “Vaini ly kani dym ai bo; kani ka-reu bo i, vai ly patyh bo.

Levi 19:13

“Amy tleaung y atho di nai khumi ai, kamjau kamteang khai moh; ami i vawnsai lawm moh. Ka-tham vang pei ai awm nai ly kani dym y naimy pei praw ai nai tla; khawn mang khrairei pei y naimy khai moh.

JONA 4:6

Huna nai khala Jona teng y kani bi kangngo tym hai y ai nai Areng Tameuh my palang-uipo keung harei prau hai i, Jona i tlang tleaung y ka-khui akhui hai. Naibaly Jona ly huni keung prau nai deaungkho y, khri pa-rei amo theu.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

Leu Thui Nai 24:15

“Kani tleirei kani dym y naimy, ni ai ka-tham vang pei pi ai nai tla; nichi ly kamawn nai deaungkho y ka-tham tangka ngai nai ne. Nang ly vang pei y baly ni my Areng teng y hnei ai i, nang ly kamngo sa nai lawm ai.

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.