JOBA 7:1 - Khumi Common Language Bible

¹ Khumi ly khaileaung y akawm parai naimy kalop sa ai tla nai ne. Kalop ram sa nai khumi hawi atawm.

JOBA 7:1 ပူးပေါင်းရင်းမြစ်များ

JOBA 10:17

Nang ly kai i molam y avawrei, hawi y nai pany hai nai keungchi patei. Kado theu naira ly nawira nawira bo. Nang ly kai ai avaw avawrei tiu nai ne.

JOBA 14:1

Khumichi ly tapen khyp khala i dengdairei atho di u i, jeaungmang u nai ne. Nichi ly deung dawi iy, patangra y awm u joja nai ne.

JOBA 5:7

Mai kadeu ly mai kalichi lawm hai reng nai kamta, Khumi py amy i ngari kamtang tym hai reng nai ne.

JOBA 7:2

Khumi ly savairu nai ka-khui kadeaung nai miseaung, kalop sa nai vang ajeng nai, lop-pan nai khumi hawi atawm.

SAM 39:4

Mana khala kadei ai mo? Kai ai dei naira satang pany hai ba,” nanai nang teng y deng y naimy awm pajau y bo.

Parip nai leu 8:8

Khumi ami py deira i lawi tleaung ai nai so pajau y; ti y baly dei ai nai kani kasyh vui thai y; hini atiu naira ly achi en vui thai y nai atiura ne. Li-tapawp iy achi tleaung pajau y leang.

ISAIA 16:14

Vai ly Areng my, “Saneng thomrei awm khyp nai khala, Moba pri i yhmtheaung katuichi ly tama pawn ai. Mipui neangneangchi theung i khumi maidenreichy naini, dei kamthum awm ai. Nichi py atho bai naimy awm u ai,” napi.

ISAIA 21:16

Huni bo y Areng my kai teng y, “Sanengrei awm nai bo khala y Keda cheng theaungchi i phum-ang ly tama pyn vui ai.

ISAIA 38:5

Hezekia teng y pato ali teang bi i, “Nang i amsi pajo Davida i Tameuh kai, Areng ly nang i chiu sa hnei takeng nai thai i, nang i meikatuichi kaniu bo. Kai ly nang ai mo mang y saneng holai pangrei heng ai nai kang pei ai.

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

Levi 25:50

Amy ai vang nai khumi hawi ka-ly sa iy, amymy ai jo vui nai saneng dengdai, vai momang pei ali teang nai saneng tym nai ryrei, amy i nga ai nai ka-tham vang kati iy apani ai nai tla.

Leu Thui Nai 15:18

Nang ly nangmy i miseaung leaungrei ai palawi naira y, paleung adi adiu nai awm moh; ni ly ka-thamkhumi i tham nai vang ka-hyhrei nga khyh naimy nang teng y saneng tariurei miseaung achei nai ne. Huna nai sa baly nangchi i Areng Tameuh my nangchi i sa naira tleirei y amtheaung hai ai.