JOBA 5:9 - Khumi Common Language Bible

⁹ Kaichi ly mymy i sa nai nang parai nai saichi pany pajau y. Mymy i lyh ai awm parai nai saichi ly kati pajau y leang.

JOBA 5:9 ပူးပေါင်းရင်းမြစ်များ

JOBA 10:16

Kai, nang chawn nai khala, nang ly khrangsi kamta, kai ai preng iy patiu. Kai i tlang tleaung y no nga hai ai nai, rengrang nairachi malawn py sa.

JOBA 13:1

Huni i awm nai saichi, vaichi khala kai thai reng nai ne. Huni bawibawichi kai pany; nangchi pany nai ryrei kai pany. Kai ly nangchi tleaung y theang nai ny y leang.

JOBA 37:14

Joba awi, tanareichy kaneu iy, tangai kyh rai ba; Tameuh i sa nai lyh ai hawi parai naichi adawn pasym ba.

JOBA 37:16

Tameuh i lyh ai hawi parai nai kupe lasa napi nai khupanymchi ly kani khusangra y ali hawi akheang naimy, awm nai sai nang pany a?

JOBA 37:5

Tameuh my leu pei nai khala, rengrang naichi hawi achi pany thai y na pa-rei, lyh ai hawi parai naichi theu hai bo.

JOBA 42:3

Kai ly tau cheng y nai khumi ne iy, ati mana nai y nang i tau cheng nai ai ym thai y nai awm lawh nai ai nangmy deng bo. Kai ly kaimy i pany thai y nai leaungsaichi hawi, kaimy i tau pho pajau y nai lyh ai hawi parai nai saichi satang thui lawh bo.

JOBA 9:10

Achi ly mymy i sa nai, nang parai nairachi ai pany thai y. Mymy i rengrang ka-ma-rachi ly kati pajau y.

SAM 139:18

Hunichi ai kati ai nabaly, hunichi ly spryh amaichi tleaung y nawi keh ai. Kai ly i naira i nai ang thau nai khala y, nang hawi vanrei kaawm ai.

SAM 145:3

Areng ly nang parai nai deaungkho y, palo ai ataing nai ne; nang parai nai sai py dawn pata pajau y leang.

SAM 40:5

Kai i Areng Tameuh, nang ly kai i vui ati cheaungkhangchi sa pi. Nang hawi pata pajau nai khumi leaungrei py by y! Nangmy kaichi i vui dawn pi nai ka-dawnchi ly lyh ai hawi parai nai ne. Huni atitichi ly nawi parai nai deaungkho y, hunichi ai kati pajau y nai ne.

SAM 40:6

Nang ly apathyp nai hawi katalamrachi aly ngai y bo. Maicham tleaung y bom verei leng patlum nai tawnbawichi ai py, kamngo pahen nai kapathyprachi ai py, nang ly hnei y leang. Na i py nang ly nang teng i leu thai ai nai kai ai kano pei nai ne.

SAM 72:18

Israela chengchi i Tameuh napi nai Areng ai ly palo u! Mymy naini hina nai lyh ai hawi parai naichi sa nai ne.

SAM 86:10

Nang ly sa thai naira phum-ang len parai i, lyh ai nairachi sa pi bo; nang leaungrei naini Tameuh ne.

Parip nai leu 3:11

Mymy ly ati cheaungkhang i vui avo nai neng khai pi bo. Mymy ly achi teng y mo mang i satang pany ai ngai nai paleung ang pei; na i py mymy i sa nai atitichi pany angym ai nai pei y.

ISAIA 40:28

Areng ly deungtasarei heng jojo nai Tameuh ne, nanai nangchi pany u y nai sai a? Thai u vai y nai sai a? Mymy ly khaileaung bom verei ai sa nai ne. Mymy ly mana khala py paha y, akawm nai by y. Amimi py mymy i dawn tau naichi pany pajau y.

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!