JOBA 5:5 - Khumi Common Language Bible

⁵ Kajeu alam nai khumi ly khumi ka-khum i pakym achu nai choh cha u ai. Aleng reaung y prau nai choh malawn py cha u ai. Tui ahai nai khumichi py, khumi ka-khum i yhmtheaung katui paleung no u ai.

JOBA 5:5 ပူးပေါင်းရင်းမြစ်များ

2 NENG SATANG 33:11

Hunai deaungkho y Areng ly Asuria tavaimi kamkawm hawi tavai luchi ai, Juda pri y kun ai nai pei bo. Nichi ly Manase ai patiu i tamo leangkhawn hawi ve iy, sengkry hawi pakheng naimy Babulon mary mang y hawi jo nai ne.

JOBA 1:15

Huna nai thym y Seba chengchily, vaimy tym u iy ang tiu miu i, tawnbawichi ang lawm pi pawn na bo. Nichi ly nang i miseaungchi ai padei pawn i, kaimy leaungrei naini tleaung khyh; huna nai y areng nang teng y kang jeu iy, satang kang thai hai nai ne.” napi.

JOBA 1:17

Huna nai huni khumi ny thui pi i, leu tem y rai khala my takhra miseaung leaungrei tym bi i, “Khalidedamra kamkawm thomrei ly kaichi ai ang tiu i, kula-iuchi la pawn bo; nang i miseaungchi ai padei pawn nai deaungkho y, kaimy leaungrei naini tleaung khyh i, areng nang teng y kang jeu iy, satang kang thai hai nai ne,” napi.

JOBA 12:6

Kangviu damrachi hawi tameuh by y nai khumichi ly mymychi i atho haiho naini, a-ym nai khumichi ne i py, tlamsa naimy awm u nai ne.

JOBA 2:3

Areng my, “Khaileaung pri y hawi angym iy kai, Tameuh ai jei kaji naimy hawi y naira asyn ai nai pany nai khumi, kai i miseaung Joba kamta leaungrei py by y, nanai pany bo a? Nang ly ni i vui hawi y ai nai atyhtyh naimy kai teng y takeng. Na i py Joba ly ka-ym awm tleaung awmra bo,” napi.

JOBA 20:15

Khumi hawi y nai ly my i paviu nai vawnsaichi paleu ali teang ai. Hunichi ai Tameuh ly ni i taku theung i nai patheu pi vui ai.

JOBA 20:22

Ni ly yhmtheaung katui khri pa-rei, nang chawn nai neng khala py, paleung bi naira khrikhri pa-rei avum ai.

JOBA 22:10

Hunai deaungkho y nang ly nangmy i tengpang sahawi y deaungchi awm i, vaimy jei hyn na bo.

SAM 109:11

Kalai keungchi ly ni i yhmtheaung awm nai ngiereichi ai la pi pawn iy, cheng takhrachi ly ni i kalop sa naira i ko nai atitichi py. lo pi pawn sy.

ISAIA 62:8

Areng ly sa thai naira lamtang kiu hawi vaineng abeu bo. “Nang i amti amjangchi ly paleung ka-echi i vui, cha nei ateaung lawm ai ny y. Cheng takhra khumichi py, nang i atho sa nai kreip hang nei ai nai nga u ai ny y.

JEREMIA 51:34

Babulon samrang ly Jerusalem mary ai ateng piupa iy cha vui bo. Ni ly huni mary ai chy-y kamta pakeu vui iy, tuireng nam kamta pajawn vui bo. Ni ly mymy i ngai nai ngierei la iy huni bo i nai ly aphi su nai ne.

JEREMIA 51:44

Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

TANGAM NAI LEU 2:16

Nang i paleung ka-e bawibawichi ly nang ai panui hai iy, niu ngai y nai paleung hawimy, khen u kalingie bo. Nichi ly labeaung pi naimy notareang mie iy, “Ni ai achi my taphra veng bo! Hini kani ly achi i ajeng jo nai kani ne he!,” nanai thui u nai ne.

TANGAM NAI LEU 2:5

Areng ly paleung ka-e kamta, Israela chengchi ai taphra bo. Nichi i amtangrachi hawi samrang i yhmchi py, phra seaungkhrang naimy awm hai bo. Mymy ly Juda pri khumichi i tlang tleaung y, paleung mawn naira tem y pa-rei tym hai na bo.

HOSEA 8:7

Nichi ly ali ai hei nai khala, kamchai tyn u lawh ai! Li i chohpui chomaw myn y baly tako ngo pajau y. Huni lira i chohpui chomaw myn lawh tei u py pri takhrachi cha u ai.

Leu Thui Nai 28:33

Nangchi kalop sa akawm parai naimy pati nai amti amjang bawibawichi ai pri takhra i khumichi my la pi vui ai. Nangchi ly ana panang nai bo baly ati sai py ngo u y ai.

Leu Thui Nai 28:51

Nichi ly nangmychi i tawnbawichi hawi amti amjangchi ang cha pi pawn nai deaungkho y, nangchi ly kajeu kanglam y dei u ai. Nangchi i choh, kreip hang, olive asitui hawi si, beramchi ai cha pi pawn nai deaungkho y nangchi ly dei u ai.

TARA CHIH NAI KEUNGCHI 6:11

Naibaly Areng i kani pri amtaw thau nai ly Ophra avang y jeu iy, Abieza nupai theung i khumi leaungrei, Joasa i ngopraibiu keung anui y ateh. Joasa i chapo Kideon ly mymy ai Midian chengchi my niu pajau y ai nai, kreip athai nip nai angawm theung y choh ati nai ne.