JOBA 5:20 - Khumi Common Language Bible

²⁰ Cha nei takang nai neng khala, tlang heng ai nai pei iy, tavai atiu nai neng khala py, deira i nai ama hai ai.

JOBA 5:20 ပူးပေါင်းရင်းမြစ်များ

ATITI AWM ANGCHEI NAI 45:7

Tameuh my nangchi hawi nangchi i kangpreangchi heng thai ai nai mymy i lyh ai hawi parai nai hawimy, nangchi ai atleu ai nai kai ai ang pato man nai bo.

1 ARENG KEH 17:6

Ni ly micheaung tui nei; O-achi my ni i cha ai nai tako hawi mawichi kani tleirei, khawn mang y tlen rei, dym mang y tlenrei tha pi bo.

SAM 118:18

Mymy ly kai ai khri pa-rei pajeng teu i py, dei nai areng kiu y au y leang.

SAM 144:10

Nang ly samrangchi ai tavai eaung ai nai pei pi; nang i miseaung Davida ai atleu bo.

SAM 27:3

Tavaimi kamkawm pui harei my kai ai ang katanmeuh teu i py, kai ly jei y ai. Kai i paleung ka-echi my malawn py kai ai tiu lawh teu i py, kai ly Tameuh ai ym ai.

SAM 33:19

Mymy ly nichi ai deira i nai atleu bo. Cha nei takang nai neng khala y, nichi ai heng ai nai pei bo.

SAM 37:19

Rai parai nai neng khala y nichi ly patang u ai ny y. Cha nei takang nai neng khala y teicha teinei bym pa-rei nga u ai.

SAM 49:7

Khumi ly mana khala py amymy ai atleu pajau y; amy i hengra vang kateng ai Tameuh teng y pei teang pajau y.

LEU KACHENG 10:3

Areng ly khumi kahawichi ai kajeu kanglam khai ai ny y. Na i py khumi hawi y naichi i aly ngai naichi ai ly paka vui ai.

ISAIA 33:16

Huna i naini nangchi ly ka-dawn eaung iy, khaw parai nai lengseaung yhm y awm nai kamta chymme ai. Cha nei ai nai teicha teineichi py nga u ai.

JEREMIA 37:21

Hunaibaly samrang Zedekiah ly samrang yhm apai theung y kai ai deaungki thiu iy khai ai nai leu pei bo. Kai ly mary i takochi khei nai pa-rei, tako paawp naira i tako kanirei y phi harei kanga. Huna nai kamta kai ly samrang yhm apai theung y kaawm nai ne.

JEREMIA 39:18

Kai ly nang ai chymme naimy kang khai ai nai deaungkho y, nang ai ly padei ai ny y. Nang ly kai ai ym cheng nai deaungkho y, nang ly tlang heng naira nga ai. Hini ly kai, Areng i thui nai leu ne,’ nanai leu pei nai thui pi,” napi.

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

HABAKKUK 3:17

Thaidu keungchira y athai by y, kreip keungchi ly kreip athai athai y; Olive keungchi eaung y, li hlauchira y amti amjang thawn y, beramchi ly dei be i, tawnbawi yhmchi akeu rang teu i py,

MATTHAI 24:6

Naibaly nangchi ly atiu nai leu hawi atiu nai satang kamthang thai u ai; nangchi ly paleung bi y ai nai tau tleaung y awm u; hunichi ly tym ai nai angchi yb teu; na i py tem naira ly tym y leang rai.