JOBA 5:2 - Khumi Common Language Bible

² Paleung kham pajau y nai deaungkho y, amymy ai no patang hai iy, dei nai ly akhum nai hawi ati sai py ny y nai ne.

JOBA 5:2 ပူးပေါင်းရင်းမြစ်များ

ATITI AWM ANGCHEI NAI 30:1

Na i py Rakeli ly Jakob i vui cho chanau leaungrei py tapen pi y nai deaungkho y mymy ly amjo ai paleung hawi y nai khai i Jakob teng y, “Kai ly cho chanau ngo y baly kadei ai,” napi.

ATITI AWM ANGCHEI NAI 38:9

Na i py Onan ly mymy hawi nga nai deaungdi ly mymy i vui ne y ai nanai pany, hunai deaungkho y mymy ly amjo i aju hawi i ahawi teu i py taheaung tui ai ly angam mang y paleaung vui bo. Hunai kamta amjo i vui chanauchi ngo y pa-rei sa nai ne.

JOBA 18:4

Nang i kado theu nai ly nangmy ai phra naira tym hai nai ne. Nang i kado theu nai molam y, khaileaung pri ly khumi angso savai tlang nai lawm vui na a? Nang i paleung awmnem naira nga pajau ai nai, Tameuh ly mawichi ai kasyh pi vui na a?

SAM 107:17

Phyrei khumichi ly mychi i kamngo molam y no patang u; mymychi i sa tamang nai molam y, ngari kamtang avum u bo.

SAM 14:1

Khumi ka-khumchi my, “Tameuh by y,” nanai dawn iy athang khai u nai ne. Nichi bawibawi ly sa nai sai hawi y i, amso ngai nairachi sa u; kahawi sa nai khumi leaungrei py by y.

SAM 75:4

Kai ly hina nai leu kang pei; khumi hawi y naichi awi, amlyh u moh.

SAM 92:6

Khumi ka-khumchi pany pajau y naira, cheng naira by y nai khumichi pany thai y naira, harei awm.

LEU KACHENG 12:16

Khumi ka-khum ly paleung khrukhra naira tym nai khala, vaimy kado theu praw ryp reng; khumi kachengchi ly ami my mei aniu y nai sa nai ai, dawndan pi y nai ne.

LEU KACHENG 19:16

Tameuh i leu pei naichi tangai nai khumi ly heng sau ai. Hunichi ai dawndan y nai khumi ly deung dawi ai.

LEU KACHENG 19:19

Kado theu len nai khumi ly pajeng naira avum sy. Ni ai patang naira i nai angchei tlenrei atleu pi baly, atleubi atleubi ai nai tla ai.

LEU KACHENG 27:3

Lengseaung hawi spryh ly ji. Hawi y nai deaungkho y avum reng nai ngari kamtang ly hunichi tleaung y ji keh nai ne.

LEU KACHENG 8:5

Nangchi ly cheng naira angym bo a? Cheng naira angym pa-rei amtiu u. Nangchi ly khumi ka-khumchi a? Cheng naira nga ai nai amtiu u.

Parip nai leu 7:9

Nang i kado theu nai ly am-yh vui; paleung ka-e khai nai ly akhum nai ne.

HOSEA 7:11

Israela chengchi ly humang himang akheang iy, tau by y nai, li-tapawp ai rai y nai buhu kamta ne. Nichi ly angchei y Aikupta prichi teng i, kasabawmra hnei u. Hunai bo baly Suria pri mang y preang iy, kasabawmra hnei u!

JONA 4:9

Na i py Tameuh my Jona teng y, “Palang-uipo keung harei molam y, nang ly kado theu ai nai avo a?,” nanai deng. Jona my, “Kai ly dei ai nai pa-rei kado theu bo!,” nanai pathang.

ROM AVANGCHI TENG Y PAWLA I CHA PA NAI 2:8

na i py amy i kangai sa akhikan iy leu meitang patawm y naimy, hawi y naira patawm lawh nai keungchi i tlang tleaung y ly kado theu naira hawi, paleung yhyh na naira py,

II TIMOTHEI 3:6

Nichi theung i nai phyreichi ly yhm takhra takhra y kun iy, kamngo kaji pho nai neampachy pathu awp naichi ai patiu u reng;