JOBA 5:17 - Khumi Common Language Bible

¹⁷ Tameuh i thui parip naira avum nai khumi ly taham hawi! Nang i tlang tleaung y mymy i parip nai, tangai ai ngai y nai paleung awm moh.

JOBA 5:17 ပူးပေါင်းရင်းမြစ်များ

JOBA 11:13

Joba awi, nang ly paleung amtlau iy, Tameuh teng y ahihawi ba.

JOBA 15:11

Nang i tlang tleaung y Tameuh my paleung ang pahawi nai ly ati mana nai y akhi vui lawh mo? Kaichi ly mymy i jeng y, nang ai leu kanemchi kang thui pi bo.

JOBA 36:15

Na i py Tameuh ly khumichi ai no patang nai hawi parip iy, ngari kamtang hawi nichi i mei angvang hai bo.

JOBA 36:16

Tameuh ly nang ai patangra i nai atleu iy, chymme naimy awm ai nai pei i, nang i sabawi salo y cha kahawi, nei kahawi neangneangchi ang khai pi chawp nai ne.

JOBA 8:5

Na i py vai, nang ly ati cheaungkhang sa thai nai keung Tameuh teng y ahihawi iy ahui ba.

SAM 118:18

Mymy ly kai ai khri pa-rei pajeng teu i py, dei nai areng kiu y au y leang.

SAM 94:12

Aw Areng, nangmy thui parip nai khumi, reita leu hawi kamlau, nangmy parip nai khumi ly taham hawi!

JEREMIA 31:18

“Israela chengchi i paleung si naimy takeng nai ly kai thai bo. ‘Aw Areng, kaichi ly aveng nai sicho hawi atawm; na i py nang ly kaichi ai leu tangai ai nai patiu pi nai ne. Kaichi ai pahen ali teang kyh ba. Kaichi ly nang teng y vawi ali teang ai nai angveirym bo. Nang ly kaichi i Areng Tameuh ne.

Leu Thui Nai 8:5

Ampo ly mymy i cho chanauchi ai parip nai kamta, nangchi i Areng Tameuh my nangchi ai parip nai ly pany u jo ba.

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

JAKOB 5:11

Khen cham achi ly kham pajau tanga nai keungchi ly tahm hawi, napi. Joba kham pajau nai sai py nangchi thai u bo, naibaly Areng i kangkhym y sa nai sai py nangchi niu u bo, Areng ly pahen naira hawi neaung hawi naira my kawi.

AMTENG HAI NAI 3:19

Kai i tamen nai ngiereichi ai ly parip py kang parip, chip py kang chip: hunai deaungkho y atho sa jojo iy, uikhei ly.