JOBA 5:11 - Khumi Common Language Bible

¹¹ Tahm anem naichi ai tahm asang hai iy, vo tangam nai khumi bawibawichi ai amo theu hai nai keung ly Tameuh ne.

JOBA 5:11 ပူးပေါင်းရင်းမြစ်များ

JOBA 22:29

Tameuh ly paleung len nai khumichi ai tahm anem hai iy, tahm apanem nai khumichi ai atleu ai.

JOBA 36:7

Mymy ly khumi kahawichi ai kry. Nichi ai samrangchi kamta peang hai iy, tahm pasang jojo.

JOBA 8:7

Nang i sum veng chum nai yhmtheaung katuichi ly vai, Tameuh my ang pei ai nai yhmtheaung katuichi hawi pata baly, ati sai py thui kra ai naira by y leang.

SAM 107:41

Na i py mymy ly khumi kamawnchi ai ngari kamtangra i nai atleu iy, nichi i yhm dengtheungchi ai, beram kanghuchi kamta peung hai ai.

SAM 113:7

Mymy ly khumi kamawnchi ai spryh theung i dengdairei tahm pasang iy, kamawn katichi ai anyn cheaungnawi theung i nai pasang bo.

SAM 91:14

Tameuh my, “Kai ai tamen nai khumichi ai kaimy atleu ai; kai ai Areng ne, nanai pany nai khumichi ai ly kaimy ama hai ai.

Ezekiela 17:24

Kai ly Areng ne, nanai hini pri y awm nai dengkeaung bawibawichi my pany ai. Kai ly dengkeaung ka-sangchi paliu iy dengkeaung lochi asang hai ai. Dengkeaung ngam heng-up nai keungchi ai ly ngam ajawi hai iy, ngam ajawi rawm nai keungchi ai ly heng-up hai ai. Hini ly kai, Areng i leu pei nai ne. Kai ly kaimy i leu kamta kasa ai,” napi.

LUKA 6:21

“Vai kajeu alam naichi awi, nangchi ly taham hawi; nangchi ly bym pa-rei nga ai. “Vai vo naichi awi, nangchi ly taham hawi; nangchi ly panui ai.

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.

JAKOB 1:9

Amjo amnau tahm anem parai nai ly tahm pasang nai deaungkho y kawn sy:

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.