JOBA 5:10 - Khumi Common Language Bible

¹⁰ Mymy ly khaileaung y kani nai hai iy, li-prangchi salo y tui lei pi bo.

JOBA 5:10 ပူးပေါင်းရင်းမြစ်များ

JOBA 28:26

Kani nai ai nai meingtym hawi amlosadi khupanymchi am-eng ai nai sa pi nai khala py,

JOBA 36:27

Khaileaung salo i tui la iy, kani amaichi lawm hai nai keung ly Tameuh ne.

JOBA 36:28

Mymy ly khumichi chawn-pa ai nai khupanym mang my kani nai hai bo.

JOBA 37:6

Mymy ly kadam amaichi khaileaung salo y tla hai ai nai leu pei. Kani py khri pa-rei taawi hai nai ne.

SAM 147:8

Mymy ly kani mang y khupanymchi hawi khiu; khaileaung y kani nai hai iy, mawichira y achachi prau hai bo.

SAM 68:9

Nang ly khri pa-rei kani taawi hai nai deaungkho y, atho bai nai pri ai khesere hai ali teang bo.

JEREMIA 10:13

Mymy leu pei nai khala y kani khusang salo i tuichi ly katyn amsau na bo. Mymy ly khuteng taki i dengdairei, khupanymchi sau hai nai ne. Kani nai thym khala amlosadichi theu hai iy, mymy paeaung naira i alichi ai py aho hai bo.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 5:24

Neng tleirei khuma kani hawi, kangkhym kani nai hai iy saneng tleirei, amti amjang pakym achu ai nai neng sa pi nai keung kai ai nangchi ly tahm khai u vai y.

AMOS 4:7

Nangchi i amti amjangchi i vui kanitui ngai keh nai neng khala y, kai ly kani khang hai vui bo. Mary hareira y naini kani nai hai iy, vai mary hareira y ly kani nai hai y nai keung ly kai ne. Li hareira y kani nai hai iy, vai li hareira y ly jengha nai ne.

AMTAW 14:17

Na i py mymy i pany hai naira by y nai ly awm vai y leang, huna nai atiti kahawi ang sa pi reng, kani mang i dengdairei kani nai nai hawi, saneng pa-tiu kahawichi ang pei iy, cha ai nai hawi kawn naira hawi nangchi i paleung y ang kawi hai nai ly,” napi.