JOBA 42:2 - Khumi Common Language Bible

² Aw Areng, nang ly ati cheaungkhang sa thai nai keung ne, nanai py, nangmy ngai nai kamta ati cheaungkhang sa pajau, nanai py, kai pany bo.

JOBA 42:2 ပူးပေါင်းရင်းမြစ်များ

ATITI AWM ANGCHEI NAI 18:14

Areng so pajau y nai awm a? Kaimy kang thui pi nai kamta vai i dengdairei lo takawrei khala y kai kang tym teang ai i, Sarah ly chapo tapen ai,” napi.

JOBA 23:13

Mymy ly mana khala py, paleung ka-dawn takhra vui y. Ami py mymy ai ka-keng ka-awi so pajau y. Mymy i sa ai ngai nai paka pajau y

JOBA 42:1

Hunaibaly Joba ly Areng teng y hina nai pathang bo.

SAM 135:6

Mymy ly kani hawi khaileaung tleaung y py, pangli hawi pangli thiu parai nai theung y py, mymy i ngai nai kamta, ati cheaungkhangchi ai sa nai ne.

SAM 139:2

Nang ly kai i sa nai ngiereichi pany; kai i dawn pasym nai ngiereichi ai kamlo mang my pany nai ne.

SAM 44:21

meitang khyp, nangmy pany ai nai ne. Ati mana nai mo nabaly, nang ly khumichi i dawn paviu nai katauchi pany nai deaungkho y ne.

LEU KACHENG 19:21

Khumichi ly ati cheaungkhang adawn pasym pajau; na i py Areng i kangai naini tym ai.

Parip nai leu 3:14

Tameuh i sa nai cheaungkhang ly khaw, nanai kai pany; nang ly hunichi ai panawi bi nai mo, la vui nai mo, so pajau y leang. Tameuh i sa nai harei nai ly mymy ai achi my jei kaji ai nai ne.

ISAIA 14:27

Ati cheaungkhang sa thai nai keung Areng ly hina nai kamta sa ai nai leu pacheang yb bo. Mymy py kamngo pajeng ai nai kiu pheu yb nai ne. Mymy ai ami py paka pajau ai ny y.

ISAIA 43:13

Kai ly Tameuh ne, mo mang py, hina nai kaawm jojo ai. Kai i sa thai naira ai ami py lawm vui pajau y. Kai i sa nai kalop ai ami py so thai y leang,” napi.

ISAIA 46:10

Kai ly angchei khala i dengdairei, leu kangtem kang thuipi yb nai ne. Mo mang y tym ai nai atitichi ai, jangni khala my kang thui pi yb veng bo. Kai i dawn pasym naichi ly mana khala py phra ai ny y, nanai kaimy thui pi yb nai kamta, kai i pasym yb nai atitichi ly sa ai.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 32:17

“Aw Areng Tameuh, nang ly nang parai nai phum-ang hawi, kani hawi khaileaung ai sa bo. Nangmy so thai y ai nai pa-rei rai naira ha py by y.

Ezekiela 38:10

Sa thai naira angym nai Areng my Koka teng y, “Hini neng tym nai khala, nang ly hawi y nai paleung ka-dawn harei sa ai.

DANIELA 4:32

Nang ai ly khumi kamkawm i nai kang patheu vui ai i, daichi mawichi hawi awm ai nai tla ai. Saneng saryh ryrei si kamta, acha cha ai nai tla ai. Naibaly Tameuh ly khaileaung prichi ai peang iy, hunichi ai mymy i ngai nai khumi teng y pei pajau, nanai nang adawn vau ai,” napi.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

MATTHAI 19:26

Naibaly Isu ly nichi ai khen i mymychi teng y, “Huni ly khumichi i vui ly sa pajau ai nai aveng; Areng Tameuh naini ati cheaungkhang sa thai,” napi.

MARKA 10:27

Isu ly nichi ai khen i, “Huni ly khumichi i vui ly sa pajau ai nai aveng, Tameuh i vui ly so pajau y nai ny y: ati mana nai mo nabaly Tameuh i vui ly ati cheaungkhang sa pajau na a,” napi.

MARKA 14:36

Naibaly mymy ly, “Abba, Ngaai nang ly ati cheaungkhang sa thai; hini khau ly kai teng i nai tasyh pi kyh ba; na i py kaimy ngaingai ny y naimy, nangmy ngaingai phai ne sy,” napi.

LUKA 18:27

Ni my ly, “Khumi i so pajau y nai ly Tameuh my sa thai na a,” napi.

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,