JOBA 42:11 - Khumi Common Language Bible

¹¹ Joba i amjo amnau, tuicho, amjo neampachychi hawi, ahawi kangngym bawibawichi ly ni i yhm y jeu iy, ni hawi vanrei cha nei pawi sa u bo. Nichi ly Areng my avum hai nai ngari kamtangchi molam, Joba teng y paleung hawi y nai leu thui u naimy paleung pahawi u chum baly, tangka maidenrei hawi muku kano ha harei pei u bo.

JOBA 42:11 ပူးပေါင်းရင်းမြစ်များ

ATITI AWM ANGCHEI NAI 24:22

Anglo ly tui deu pajau bo nabaly huni khumi my vang teng parai nai muku kano ly ni i notareang y amcho hai iy, muku ka-si nyhrei py kiu y amchiu hai bo.

ATITI AWM ANGCHEI NAI 24:53

Naibaly ni teng y syn yb nai ateaungchi hawi muku tangka, vang kateng langseaungchi, patheaung iy Rebeka teng y pei pi. Ni ly Rebeka i ampro hawi amhm ai py vang kateng langseaungchi pei pi nai ne.

ATITI AWM ANGCHEI NAI 37:35

Mymy i chapo chaniu leilachi my py khri pa-rei parawi, na i py mymy ly nichi i parawi nai leu ai tangai pi y i, “Kaimy i chapo i vui y paleung si vo tangam nai hawimy kai ly dei iy tavau kho y ka-vum ai,” napi. Hunai deaungkho y mymy ly chapo Josepha i vui y paleung si paleung mawn jojo nai ne.

JOBA 16:5

Kai ly nangchi ai tau kang pei iy, kang khaw hai pajau; Nangchi awmnemra nga u ai nai avawrei katheu pajau nai ne.

JOBA 2:11

Joba i ahawi leaung thomrei ly Teman mary i Eliphe, Shua pri i Vilada hawi, Naamah pri i Zawphachi ne. Nichi ly Joba manatanrei no patang na mo, nanai satang thai u nai khala, ni teng y chei iy paleung awm hai nem ai nai neng adeu u bo.

JOBA 4:4

Atho di akawm iy atlym vi nai khumi ai, nang ly atho pei nai leu thui naimy khaw hai bo.

LEU KACHENG 14:20

Khumi kamawn ai ly my i saleaung deaungpa malawn py, amkawm ahawi ai nai ngai y; na i py khumi kanang teng y ly ahawi neangneang awm.

LEU KACHENG 16:7

Areng my kawn hai ai nai asa nai khumi ly my i paleung ka-e ai malawn py, ahawi ka-dawi lawm hai pajau ai.

JOHAN 11:19

Hunaibaly mymy i ampro dei nai deaungkho y nini ai awm hai nem ai nai, Judachi neangneang ly Mari nini Martha teng y tym bo.

ROM AVANGCHI TENG Y PAWLA I CHA PA NAI 12:15

Amotheu naichi ai ly amo theu hai u ly; vo naichi ai ly vo hai u ly.

I KORINTH 12:26

Hunaibaly kangprei harei my patang baly kangprei bawibawi my patang hai; kangprei harei ai tahm pasang baly kangprei bawibawi my kawn hai.

HEBRAI 12:12

Hunai deaungkho y kiu thlawithli thlawithlai nai pataw u, kheukhu thla thla thla na ahyn nai py amtaw u vui;

HEBRAI 13:3

Theaung y tla naichi hawi vanrei theaung y tla nai kamta nichi ai pany u jojo ly:nangchi py tlang y awm nai ne teang nai deaungkho y ngari patang naichi ai ly pany u jojo.

JOSUA 24:32

Israela chengchi ly Aikupta pri i dengdairei syn u nai, Josepha i hiuchi ai Sekhem i ampo, Hamor i chapochi teng y Jakob my tangkacho chungvairei hawi van nai, Sekhem mary i khaileaung y up u bo. Huni khaileaung ly Josepha i kangpreangchi amtym nai khaileaung ne.

1 SAMUELA 10:27

Na i py khumi hawi y naichi my, “Hini khumi ly kaichi ai ati kahawi ang sa pi pajau ai mo?,” napi u. Nichi ly Sawla ai tahm khai u y i, ati langseaung py pei u y.